منتديات لمني بشوق - اهداء لكل من يتلاعب بمشاعر البنات بقلم ماجد الشمري

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

اهداء لكل من يتلاعب بمشاعر البنات بقلم ماجد الشمري

إلى كل شاب متلاعب بمشاعر البنات ......؟

يالــــي خذيــت الهـوى وناســه وفلـــه

تضحك على ساره وتلعب على منيفـــه

خــــل التلاعـــب ياميــت القلــب خلــــه

لا وفّــــق الله من هــذي ســـواليــفـــه

حب الرهيـــفه قبـــل ماتحب خــاف الله

خـــل النـــوايا بضميــــرك دايم نظيـفــه

وش ذنـــبهـــا حـــبتــك من قلـــبها كلـــه

مــاتدري انــك عــديم احســاس ياجيفـه

البـــنت دمــع الهــوى من نسمه تـهلـــه

كما الفـــراشه رقيـــقه حيــل ورهيــفــه

احساسها احساس شاعر حاضنن خله

واشواقها اشـــواق من ودّع مــواليفــه

جـــرّب اذا فيـــه يومـــن صابتـــك عــله

شوف الوفــا كيف عمــره لجلك تعـــيفـه

تمــلك مشـــاعر تــنش القلــب وتبــلـــه

الله علــى حــــبها لا صـــار مــن كيــفـــه

حـــرام فـــي هالبـــراءه سيفك تســلــه

ارحــم قبـل لا يجـي من يعدمك سيــفــه

وخـــــل التــلاعــب ياميــت القلــب خــلـه

لا وفّــــق الله مــن هــذي ســوالــيـفــــه

وسلامتكم

بقلم / ماجد الشمري