منتديات لمني بشوق

آه لوكان بيدي انسى بعض الذكريات

وامسح ايام(ن) كئيبة من سطورك ياحياتي

كل مالاحت بفكري صحت وينك ياالممات

عفتها نفس(ن) دنية يوم طاعت لامنياتي

الندم احساس قاتل عدته دمع وآهات

تشتعل ناره بصدري لين تطفيهااعبراتي

بين ماضي وبين حاضراحس نفسي في شتات

طال مشوار السنين وطال صمتك ياشفاتي

اذكر اني كنت طفلة وحولي العاب البنات

واذكر ان( دوها يادوها) كانت اجمل اغنياتي

كيف صارت (غافل الهم)هي رفيقة الامسيات

و(الطبيب ولووفيت والمعاناة)دندناتي

كنت اسال متى اكبرواتوشح بالعباة

واحلم القى قيس ثاني اعشقه حتى وفاتي

من هدم حلم البراءة من قتل فيني الحياة

من سلبني الابتسام وثقة النفس وثباتي

ياسراب العشق يكفي ياالوعودالكاذبات

ذبلت زهور الربيع ومات ضميان(ن)نباتي

ياخسارة يامشاعرخذها غيري تسليات

ياخسارة ياعطائي يادموعي وتضحياتي

وش بقى لي مافقدته ياالسنين المقفيات

صارلون الحزن واضح في طباعي في صفاتي

يازمان العولمة والمسج والدردشات

مااظن العشق غنوة تميل معها المطرباتي

لاولاهوتسلية للقلوب السالياتــــ

الهوى صبروعطى تضحية واحساس ذاتي

الهوى اسمى واقدس عاطفةفي هاالحياة

بس وين اللي يصونه وانا افديه بحياتي؟