[وعوده...]

تـــهــددني بتــتركني..!! توكل ماابــي طاريــك

تهددني بتتركني توّكل ما أبي طاريكـ
تراني عفت اسلوبك وعفتك قبل اسلوبك

انا ماني بتابع لك وكل همه يجي يرضيكـ
أنا سيد لأسيادك وفارس رغم عذروبك

تراني يوم أقوول آسف تحسبني بعد أبغيكـ
تمهل واسمع الباقي وخل الناس يدرو بك

إذا كان الوفا في الحب تجرحني وذا يرضيكـ
دخيلك ظف لي وجهك ترى قلبي مهو بصوبك

أنا لا جبت طاري الحب نطق قلبي وهو شاريكـ
حرام الّي تسوينه أنا ثوبي مهو بثوبك

أقابل حبك الجافي بحب(ن) صادق(ن) يرويكـ
أشوف الزيف في ضحكك وأجامل واستر اعيوبك

تحملت الخطأ منك كتمته ما أبي أشقيكـ
صبرت وقلت يتغيّر معا الأيام محسوبك

عطيتك قلبي الغالي رجع لي باكي(ن) يشكيكـ
يقول أوفيت انا وياه ... طعني ...صار يلهوبك

خذيت القلب ضمدته ....صرخت ...علّتي هي فيكـ
تشوف الناس تجرحنا وتسمح من لفا صوبك

أبيك تتوب يا قلبي ترا هالحب هو يفنيكـ
أبيك تتوب من عالم تخادع تروي إذنوبك

كفايه ما تحملنا ..كفايه دمعتي تكفيكـ
كفايه من مآسينا ...كفايه غير ادروبك

كفايه لا تعذبني ...كفايه ما بها تشكيكـ
كفايه صادقه مني ولك انسان يسمو بك

كثير الّي تمنوني أكابر واعلن التفكيكـ
أقول .. ( القلب ) ..هو غالي ولا انته قد مطلوبك

حسافه عشرتي ويّاك ..حسافه كنت في ماضيكـ
حسافه بختم الأبيات ..وبفرح لحظة إغروبك

المصدر: منتديات لمني بشوق - من قسم: (✿) وَزْن وَقَافِيْه