الموضوع
:
مـــــــكــــالــــمــــــة.......؟؟؟
عرض مشاركة واحدة
08-09-08, 09:47 PM
#
1
أمير بكلمتي
.
.
.
رقم العضوية :
8439
تاريخ التسجيل :
7-3-2008
الجنس :
ذكـــر
الجنسية :
>><<..::..][ ksa ][..::..>><<
مكان الإقامه :
في كلـ مكانـ
المشاركات :
4,786
هواياتي :
خيـــالـ ...
قوة السمعة :
368
مزاجي
My SMS
...
My MMS
غير متصل
مـــــــكــــالــــمــــــة.......؟؟؟
مـــــــكــــالــــمــــــة.......؟؟؟
كــلّ البـشـر فــي الاتـصـالات يـخـطـون=يخطون واخطي.. عذرنا هاتف فـلان؟؟
ومــن عـادتـي ماهـتـمّ بالـلـي يقـولـون=من غلط فـي رقمـي .لقـى الـردّ غلطـان
الـيـن جــااء فــي يــوم ..دق ّ التلـفـون=شفـت الـرقـم.. لقيـتـه اشـكـال والــوان
فتـحـت جـوّالـي ابـعــرف مـــن يـكــون=سـمـعـت صـــوتٍ فـيــه بـحّــه وفـتّــان
قالت لي: انت فهد؟ قلت: ايه بالعون.=لعيونك.. اسمي فهد لـو كـان ضيـدان
قالت :اتظنّي مخطئـه. قلـت :وشلـون؟؟=قلـبـي تـوقّـف مـانـبـض فـيــه شـريــان
بـالـهـون يـابـنـت الاجـاويــد بـالـهــون=مــن عــادة الانـسـان يـرتــاح لانـســان
تسـمّـعـي يـابـنــت وابـلـيــس مـلـعــون=اخـذي كــلام ٍ مـصـدره صــدق وجــدان
مانـي بقايـل لـك: انــا انـسـان مـزيـون=اطـرق ولالـه شبـه فـي الانـس والجـان
انــا فهد.. وافــي الـهــرج مـــوزون=اوزن كـلامـي.. قـبــل اقـولــه بـمـيـزان
وانــا الّــذي لاحــبّ ..لايـمـكـن يـخــون=مخلـص مدامـه حـيّ .ويـمـوت مـاخـان
وانـــا اذا حـبّـيــت.. حـبّـيــت بـجـنــون=حـبّــي يـفـجـر داخـلــي الـــف بــركــان
وانــا الّــذي مـاطـرد ورى مــن يقـفّـون=مـن صـدّ عنّـي عمـد.. بجـزيـه حـقـران
هـذي وصوفـي .واكثرالـنّـاس يـشـرون=وانـتـي علـيـك الـيـوم تقـديـر الاثـمــان
قـالـت :اشـوفـك قـمـت يافهد تـمـون=تـضـحـك وضحكـتـهـا تقـاسـيـم فــنّــان
قلـت :الميانـه.. ماهـي بضحكـة سنـون=احـيــان ماتلقـيـنـهـاا بــيــن الاخــــوان
تـرى الميانـه شـيّ واضــح ومضـمـون=اذا اجتمع شخصيـن.. فـي قلـب ولسـان
قـالـت :كـلامـك وافــي ٍ يـابـن خـلــدون=احيـان احـسّ ان جلستـك بـيـن شيـبـان
يافهد .اسمـع كلمـة البـنـت ميـسـون=اسلوبك ووقتـك.. مضـت دونهـا ازمـان
هـــذا زمـــن قـدواتــه افـــلام كــرتــون=وهــذا زمــان ارجـالـه اجـسـاد وابــدان
قالـت.. وغنّـت لـي علـى وقتـي لـحـون=قلت: اسكتـي مـن بعـد ماخاطـري شـان
انا داري ان الوقت.. مـن دون فـي دون=لـكـن فـمـان الله وانــس ِ الـلــذي كـــان
قلتـه وانـا صامـل.. وهـي عندهـا آذون=لـكـنّــهــا مــاصــدّقــت ســـمـــع الاذاان
ضـاقـت ...وخـلـق الله دايــم يضيـقـون=وانــا قـفـلـت الخـطّ..ضـايـق وزعـــلان
ونسيت.. والاجواد فـي الوقـت ينسـون=مــاســمّــي الانـــســـان الاّ بـنــســيــان
المشـكـلـه..بـنـات حـــــوّا مـايـسـلــون=دقّــت عـلـي وانــا لـهـا شـبـه شـفـقـان
قبـل آآتكلّـم.. قـالـت: اسـمـع ولاتـهـون=اسمي مهو ميسون.. حان الصدق حان
الاسـم عمـشـاء وآخــر الـجـدّ مصـيـون=مـهــره ولا طـوّعــت بـلـجـام وعــنــان
قلـت: ارحبـي مليـون تـضـرب بملـيـون=اقـولـهـا مـلـيـون مـــن قـلــب ولـســان
قلت: ارحبي في العين ..ولحافك جفـون=وظلالـك مـن الشمـس باهـداب الاعيـان
يـاعـيــن حــــر ٍ بالمـطـالـيـع مـفـتــون=حــر ٍ شـــراه مـولّــع الـصـيـد طـربــان
منقــــــــــــــــــــــــــــــــــــــول
المصدر:
منتديات لمني بشوق
- من قسم:
(✿) وَزْن وَقَافِيْه
أمير بكلمتي
مشاهدة ملفه الشخصي
إرسال رسالة خاصة إلى أمير بكلمتي
البحث عن المشاركات التي كتبها أمير بكلمتي