[وهـ ـ ـم...]

أموت من فرقاك
أموت من فرقاك وأموت بلقاك *** وأموت من جورك وأموت بحنانك

كلٍ قضاه يمــوت مرّه .. و يفداك *** و أنا أموت ألفين مرّه عـشــانك

أذكرك .. لا مني نسيت إني نسيتك *** أنـسـاك .. لامني ذكرت نسيانك

رضيت أنا بالهم لرضاك مرضاك *** و ارخصت لك قلبٍ جرحته وصانك

أجيك في صدري عتاب .. وابجفاك *** وأرجع ألوم الوقت و أقول خانك

أحب فيك ..احساسي إني بلا ماك *** في عز خوفي منك أحس بأمانك

عجزت أفرق بين وصلك وفرقاك *** ياللي عطيت الناس بيدك عنانك

مر تجيني لين أقول إني إيـاك *** و مر تروح بعيد و انسى أوانك

أقبل و تقفي واعتذر عن خطاياك *** و أقول ما عييت .. عيا زمانك

وإن خانتك دنياك أو خنت دنياك *** إرجع و تلقابي .. مكانك،مكانك
.................................................. .................................................. ...