لا تجرح خدودك ترى
الدمع يجـرح..
ان ما جرح خدك جرح قلب مغليـك..
ما للبكا فـي عينـك اليـوم مطـرح..
قلّي وانا ابكي عنك يا عل ما ابكيـك..
ما احتاج اقول لك انت واعيد واشرح..
ان الغلا يـا اول غـلا هايـمٍ فيـك..
وشلون يبرح قلّـي اشلـون يبـرح..
حـب تمكـن فـي خفـوقٍ يباريـك..
الخافق الـي فيـك بالحـب يسـرح..
كنّه سفينـه مـن بحـرك لموانيـك..
يحب..يهوى..يعشق..القلب مسـرح..
لحبك عسى قلبي مع الـروح يفديـك..
واعرف تراني فيك اضيق وبك افرح..
وازعل على شانك وازعّلك وارضيك..
بس انتبـه للدمـع لا سـال يجـرح..
قلبٍ يضمّـك مابـه احـدٍ يساويـك..
ودمتم ..,