[لايمكن مشاهده الصور والروابط الا بعد التسجيل ]
يارقيق المشاعر وين راح الحنان
ليه ماشلت قلب طاح قـدام عينك
الزمن هو زمانـك والمكان المكان
واخر الشعر كلمه تسألك عنك وينك
من تقهويت صوتك سولف الزعفران
عاد وشلون فنجالن تمـده يمينك
تذكر شلون كنا والزمن كيف كان
يوم لاغبت عنك مااسمع الا ونينك
اشعر بخوف مدري كنت احس بامان
يكفي ان جيت يمك طار فيني حنينك
وشكثر كنت وافي واقرب الناس خان
بس اثق فيك حتى لو عيوني تدينك
راحت اسنين من عمري وعمرك ثمان
يوم شحت سنيني عوضتنـي سنينك
زان عمري بقربك يعني الوقـت زان
حتى جرد القصايد ربعت فـي يدينك
طول عمري وانا لاوي اذراع الهوان
شفت يومك بعيني منهو يقدر يهينك
مذكر اني نسيتك واذكرك من زمان
واذكر اني ضحيه بين قلبـي وبينك
تدري وش جابني لك لاتقول الحنان
جيت بشيل قلبن طاح قـدام عينك
يارقيق المشــــAـــــاعر وين راح الحنان !!!