يا بارد الاحساس صدر الغلا ضـاق
يكفي غياب ويكفـي اللـي جرالـي
مسكين قلـب دايـم الـدوم يشتـاق
مستحمـل ظلـم الزمـن والليالـي
مثل الجبل ما هزتك ريح الاشـواق
ولا زارتك ذيـك الهمـوم الثقالـي
خسران دامك ما تبي حـب ووفـاق
تذبل زهورك كلمـا الوقـت طالـي
اصعب خبر لا قلت لي كلمة فـراق
عقب الوفا والحب تنسـا وصالـي
واجمل خبر لا جيتني حيـل سبـاق
تطلب حنيني يـا بعـد كـل غالـي
كن الغلا مزروع في وسط الاعماق
غايـب ولا يمكـن تفـارق خيالـي
لك في خفوقي حب وازهار واشواق
ولي في خفوقك بس هجر وغيابـي
ويا مالك الاحساس صدر الغلا ضاق
يكفي غياب ويكفـي اللـي جرالـي
ــــــــــــــــــــــــــــ
لكم تحياتي....