لا تنفعل وتقول
علمني انساك ..
لو كنت أعرف كيف أنسى نسيتك
ولاتشتكي هالنوم وتقول جافـاك
وأنا عيوني عافها وما أشتكيتك
تبي الصراحه.. كل مابي تمناك
والقلب لك حتى بكبره عطيتـك
حتى بعيوني وين مارحت ألقاك
وأجيك مدري كيف لكني جيتـك
كم قلتلك أهواك واهواك واهواك
حتى عرفت شلون فيني هويتـك
حبيت روحي قلتلك خذها تفـداك
وأي شي فيني بس تحبه هديتك
لكن ترى يا صاحبي رغم ماجاك
لو بعتني من عزتي ما شريتـك
بعرف معَ هالوقت وشلون انساك
وامحيك من قلبي وهو كان بيتك
واشيل من راسي حكاية مزايـاك
واغمض عيوني إلى من جفيتـك
يالعنبو جد الغلا كيف ما أنسـاك
دامك نويت البعد فيني...نويتـك
وهذا قرارك يا بعد روح مضنـاك
والحل بيدك..! وانت أدرى..فديتك