[قطر الندى]

وش اللـي رجعّـك يمـي.. وجـيـت وخـاطـرك مشـتـاق
.............تحسب إنـي مثـل أول .. تحـرّا شوفتـك عينـــــي

بـعـد مـاطـوّل غيـابـك.. ومـاتـت لهـفـة الأشــواق
...............بعد هـذا تبـي نرجـع.. وأمـدّ لكفـك يدينـــــــي

قتلـت الشـوق فـي قلبـي... وجرحـك داخــل الأعـمـاق
.............وتاهت رحلة أشواقي.... وضاعت بـي عناوينـي

خـلاص إنسـى حكايتـنـا... تنـاسـا العـهـد والميـثـاق
.....................وش اللي من محبتنا ...بقى مابينك وبينـي

حبيـبـي خلـنـا نبـعـد.... ونـحـرق بـاقــي الأوراق
....................أبي الفرقا لو الفرقـا... تعذبنـي وتشقينـي

تـذكّـر مــن بــدا أول ... وبــدّل وصلـنـا بـفـراق
..................تذكّر من قتل حلمي ... وضيّق دنيتـي فينـي

مابيـن الـهـم والفـرحـه.. وبـيـن اللـيـل والإشــراق
................أدّور عن بقايا روح ... وويني ياترى وينـــــي

كفـايـا نـرجـع ونحـكـي .. نــردد سـيـرة العـشـاق
.................وأنا من جرحي (ونزفي) ... خذيت اللي يكفيني

آسـف علـى كـل شـيء... أنـا آسـف مـن الأعمـاق
...................وأنا آسف إذا في يوم .... عطيتك أجمل سنيني

تصـدّق.. لـو تبـي ترجـع... وعـذرك إنــك المشـتـاق
....................أنا ماني مثل أول .... تحرّا شوفتـك عينـي