[سيمفونيه...]

ملعونٌ ذاك الحضور الملطخ بالأوهام الكاذبة
ملعونٌة أنتي وملعونٌ حضورك في قلبي
يا أتية من زمن الجنون توقفي
فقد كرهتك وكرهت كل ما قادني إليك
وكرهت ولعنت الحب
عودي ولترتمي تحت غبارك

فما أنتي إلا كتابٌ قرأت ما فيه
فلم تعجبني سطوره



لو يموت الشوق من شوقي
ولو ينتهي الحيل فيني
وتتكسر مجاديفي
لو يوقف الموت على أعتابي
ويحترق هالليل
وتطيح ألف نجمه من سماواتي
ولو يكذب دخون أمي
وما يعطر ثوبها الخمري
لو يموت كل إللي يحبوني
وأفقد أعز أحبابي
وأشتعل كل ليلة من الهم إللي صاحبني
وتتأخر مواعيدي
ويجف من الوله عودي
لو تعتمي عيني من هلات دمعاتي


والله صوبك ما بترجع خطوتي
ولا بتسمع كلمة حبيبي ودنيتي
خلاص ما عاد فيني
وما راح أتحمل أكثر طعوني
وايد عطيتك في الهوى
وأنت حسابك للعطا خالي

اليوم برفع أنا قدري
وبحطم في الهوى كاسي
وبنفض بأيدي
حطت إيدك على أكتافي
وبشق ثوبي
يمكن باقي عليها
ريحة آثامك
ولا كنت أنت في حياتي
ولا كان طاريك
موت عساني أنحرم منك
وتنتهي من الدنيا طواريك