][][§¤°^°¤§][][السلام عليكم ورحمة الله وبركاته][][§¤°^°¤§][][
|؛¤ّ,¸¸,ّ¤؛|كيف الحال للجميع|؛¤ّ,¸¸,ّ¤؛|
اليكم
انواع بنات المدارس :
النوع الاول :
تجيك عربجيه ومنتهيه ومدري وش تبي من الحياة,,جايه ,, ومخلصه درزن جل كل جل بيتهم حاطته في راسها ,, كنه عشة حمام ,, وحاطه في خشتها شجرة تعلك فيها على بالها مسواك والله انها زاحفه صدق,, وتمشي وتغني كسرات وحركات ,, وتلبس سلاسل العرابجه من طقة (يعني من ربع) المطرب الاجنبي Cent50,, ولابسه جزمه ياويلي عليها لو ضربت فيها الكافر اسلم والله ما ادري شلون تتحرك فيها,, وتجي مشيتها كنها في ملاهي كنها راكبه الصحن الدوار عاد تعرفون مشيه العرابجه تنطل عمرها يمين يسار,, ماعندها شنطه تجي حاطه الشكولاته والكتب في السجاده ولا فتها بسير ميب فاظيه جايه توسع صدرها وبس ,, وتجي متأخرة دايم عن الدوام هذا اذا كانت مداومة وفي الفسحه تشرف وتروح عند خوياتها اللي باسطين في الارض زولية(فرشه) وقهوه وشاهي وحركات وتجي وهلا ابو الشباب وجايبه معها كيس مليان فول وخبز تميس وتنطل عمرها ,, وتقعد تخرط عليهم كنها ابو الطواري ((اللي في طاش ما طاش)) واحياناً تروح وتشخبط في هالجدران وتحط الايميل ولا تكتب عاشو العرباجه وتشخبط وتحط عاشوا الهلال ترسم وجيه الله لا يوريك مدري وش تبي وجماجم ,, هع هع وتروح للحصة متأخر وتجدع عمرهافي الكرسي وتنطل هالراس في الطاولة وخذوا شخير,,وتطلع اصوات اصوات غريبة كنها بعير وطبعا مكانها معروف في الزاوية اللي على اليسار بعيد عن الشمس والنور ,, ولا تعقد ترجم البنات بالاقلام وتستهبل وفجأه تفقله المدرسة,, ولا تتقعد تطلع مواهبها في القلم وتقعد تحفر ولاترسم عرابجه في ونيت ,,
النوع الثاني :
وتجيك هذي ياااي وخكرية بزياده تجي تمشي شوي شوي عشانها لابسه جزمة عاالية الله لا يوريكم كنها جبل او قمة الهملايا يازين المثل بس,, وتمشي وتغني جواد العلي ,, وتجي كنها في عرس ونص كلامها بالانجليزي وتذب كلمتين فرنسي هع هع ,,وتجي لابسة النظاره عشان لاتتأثر ببريق الشمس ولا يذوب الميك آب ولا يسيل الكحل لانه لو سال مصيبة ,, وشنطتها دايم فاظيه مافيها شي غير درزن كحل كل الالوان ومسكره وكريمات وبودره للبشره علشان للاحتياط ,, وتروح الفصل وتقول((صباح الخير والاحساااس والطيبة كيفك يا ابله))يااااي تجي ما تماشي الا مستاواها الهاي هاي وما يتكلمون الا في اخر صيحات الموضه والماركات ,, وتقعد في هالفصل تسرح وتروح في عالم الخيال وتقعد تكتب اغاني في الكتاب ولا على بالها شاعرة زمانها ولا ترسم ورود ولا ترسم عيون ,, ولا تطلع جوالها تشيك على الحبايب ,, ولا تنقز كل 5 دقايق لدورة المياه ((الله يكرمكم)) تروح تضبط شكلها يمكن طاحت منه خصله ولا شي لانه لازم حسافه الكشخه على الصبح ,,
النوع الثالث :
هذي تجيك مجمعه دفاترة الدنيا كلها وتجي مستعجله وماعندا وقت وتجي بدري اول العالمين قبل لا تطلع الشمس وترز عمرها في الطابور اول وحده وتتحمس مع الاذاعه وتخش جو معها ,, واذا خلصت تنقز اول وحده للفصل وتروح تتكتف اول مكان وتطلع كتبها وتراجع الدرس ,,>>ابوك يالحماس,, وفي الفصل ماشا الله يدها ما تنزل تصلح للعرضه تتحمس مع الدرس كله ابله ابله صوتها يشقق الجدران لول,, المهم والله اني كل ما اشوفها اغني((نحمد الله جاءت على ماتمنى عاشوا عاشوا)) لان شكلها مع العرضه في الجنادرية كذا يدها بدال السيف,, واذا طلبتها الواجب يسير وجهها اولوان قوس قزح وانواع التصاريف وشوي وتنزل د معتها وافلام هنديه تصير,, المهم وسواليفها بايخه وكل حياتها جديه وما تاخذ منها لا حق ولاباطل,, كنها في عسكريه ,, ودايم في الفسحه تقعد تدرس في الفصل وتراجع يامال العافيه ,, وتروح عند المدرسات تسأل الدروس ولا تنزل تحت وتاخذ ساندويتشتها وعصيرها سن توب بالبرتقال ,, وتتوزا لحالها في قرنة كنها جني ما تبي احد ولا تلقاها مخاوية ابو شكيب والمصارية ,, واذا رن الجرس تروح تطامر لفصلها وتتكتف هع هع ,,
النوع الرابع :
وعاد هذي وخروا عنها مصرقعه ورايحه فيها ومسطولة تجي الصبح تكركر وتضحك تسولف وفجأه تضحك مع نفسها وتتذكر سالفه يعني ماهي طبيعيه محششه ,, وشكلها ابو الحوسه يعني جايه من السرير للسيارة,, وابو الترقيع يعني مثلا : شراب احمر وجزمة خضراء والشراب الثاني اصفر وشنطة فسفوري يعني خطر تصير مصممة ازياء كان راحت الدنيا وطي ,, وفجأه تلقاها الصبح تركض ولا تهرول ويعني هي غريبة الاطوار لول ,, وتدخل الفصل وتقعد تسلم على صديقاتها وتتحفل كنها ما شافتهم من قرن وهي امس ناشبه فيهم ,, وتلقاها في الفصل متنحه لا تلعب العاب ولا تغني وتلحن ابيات الادب لول ,, واذا بغت تنام في الفصل تنام وعيونها مفتحه علشان ما يفوتها شي ,, وخوياتها يقومونها يحسبونها ماتت ,, ولا فجأه تضحك بشكل غريب يعني موسعه صدرها بقوة ,, وفي الفسحه تنقز اول وحده تحت وتروح تبلع الدنيا والاخرة يعني مهويه على الاخر ولا ترسل سوااقهم يجيب لها اكل ولا همبرجر ولا ستار بكس تحلي عليه,, هههه ,, وتجي احيانا تسوي سباق هي وخوياتها ويطامرون في هالفسحه كنهم وراعين ,, واحياناً تضحك ضحكات غريبة تصلح نغمات للجوال لول ,, وفجأه تصرخ ولا تنابح وتسمع سواليفها قبل لا تدخل المدرسه يعني عليها حركات غريبة شوي بس تلقاها فله لول ولا تحضر الحصص دايم مقلطه تحت في الساحات ,, هي وشنطتها ,, وفي اخر الدوام تروح هي وخوياتها يدجون للتحليه ولا الفيصليه هذا اذا كانت من السعوديه بالرياض ,, ههههه
النوع الخامس :
اف عاد هذي متنحه على الاخير تجي مبلمه على الصبح ورايحه فيها وعيونها متقلبه ولو سألتها تتنحنح تقول هااااه مدري ,, وتمشي ما تدري وين ربي حاطها فيه خطر ترقع في الجدار وهي تمشي,,يعني شكلها ينرحم مرره ,, وتروح الفصل و على طول نوم وخوياتها ملو منها ماعاد منها رجا,, وفي الفسحه جايبه مخدتها معها وانواع الاحلام ,, وهذي حالتها لين ما يخلص الدوام وشنطتها على ما هي من الصبح,, الله يكون بعونها,,
النوع السادس والاخير :
وهو مجمع شوي من هالانواع بس على خفيف ,,يعني تلقاها فله ووسيعه صدر ووجهها بشوش من الصبح ,, وفي نفس الوقت تعرف مصلحة نفسها مو مثل الزاحفات اللي كتبتهم فوق ,,, تلقاها فالحه في الدراسه,, وتحل واجباتها وتستهبل شوي وشوي تركز ,,
تقبلو خالص تحياتي
اخوكم مدوخ
09-16-05, 11:09 PM
%% انواع بنات المدارس %%
المواضيع المتشابهه
العرض العادي
