الجديد

قوانبن منتديات لمني بشوق
عدد مرات النقر : 7,418
عدد  مرات الظهور : 115,975,607

الإهداءات


أهلا وسهلا بك إلى منتديات لمني بشوق.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

(✿) عَالِم الْسَّيَّارَات وَالْدَّرَّاجَات » ڰل مآيتعلق بعآلم آلڛيآرآت ۈْآلدرآجآت آلمحلية ۈْآلعآلمية «

شوارع التفحيط بالرياض؟؟

السلام عليكم هذا ملخص لشوارع التفحيط في الرياض :::::::::::::::::::::::::::::::::::: **( 1 )**شـــمــــــال الريــــــاض أ: أ- شارع ساسكو : موقعه:امسك الدائري الشمالي حتى يصير مخرج 7(مخرج

إضافة رد
قديم 11-24-05, 04:46 PM   #1
ملك البنات؟...
امنتديآت لمني بشوق
 
الصورة الرمزية ملك البنات؟
Cool شوارع التفحيط بالرياض؟؟

السلام عليكم
هذا ملخص لشوارع التفحيط في الرياض

::::::::::::::::::::::::::::::::::::

**( 1 )**شـــمــــــال الريــــــاض أ: أ- شارع ساسكو : موقعه:امسك الدائري الشمالي حتى يصير مخرج 7(مخرج جامعة الامام)خلفك ومخرج 6 خلفك ومخرج 5(مخرج مدارس المملكة)خلفك ثم تجيك لوحة تقول القصيم يمين لاتروح يمين اطلع قدام حتى يجيك مخرج صغير مكتوب عليه مخرج التخصصي لا تدخله واطلع قدام وتشوف على اليمين شارع طويل مظلم هو الموقع .. يعتبر هذا الشارع في حي " عقيق الموسى " ويعتبر من اقدم شوارع التفحيط ....
::::::::::::::::::::::::::::::::::::

ب- شارع الدفاع"المطافي" : موقعه : امسك الدائري الشمالي حتى يصير مخرج 7(مخرج جامعة الامام)خلفك ومخرج 6 خلفك ومخرج 5(مخرج مدارس المملكة)خلفك ثم تجيك لوحة تقول القصيم يمين اطلع يمين وامسك خط القصيم ثم اطلع الجسر ثم يجيك اول مخرج ادخل مع المخرج يمين ثم تشوف شارع الدفاع امامك شارع مظلم .. يعتبر هذا الشارع في حي " الصحافة،الياسيمن " ويعتبر من افضل الشوارع لانه وسيع جدا ....

::::::::::::::::::::::::::::::::::::

ج ـ شارع الباصات : موقعه : امسك الدائري الشمالي حتى يصير مخرج 7(مخرج جامعة الامام)خلفك ومخرج 6خلفك ثم ادخل مخرج 5 وادخل مع اشارة هذا المخرج يسار حتى تجيك اشاره ثم ادخل يمين ثم اطلع قدام حتى يجيك حرف تي ثم ادخل يسار ويعتبر امامك شارع الباص وهو شارع منور يعتبر هذا الشارع في حي " المروج "

::::::::::::::::::::::::::::::::::::

د ـ شارع البركسات : موقعه : امسك الدائري الشمالي حتى يصير مخرج 7(مخرج جامعة الامام)خلفك ومخرج 6خلفك ثم ادخل مخرج 5 وادخل مع اشارة هذا المخرج يمين وتشوف شارع امامك هو شارع البركسات وهو منور ومرصف يعبتر هذا الشارع في " اخر طريق الملك عبدالعزيز امام مدارس المملكة ومستشفى المملكة" وهو من اقدم شوارع التفحيط وافضله ولكن الشرطة مشددة على الشارع

::::::::::::::::::::::::::::::::::::

هـ ـ شارع البحري : موقعه : له طريقان طريق مع مخرج تسعه في الدائري الشرقي وطريق مع مخرج سته في الدائري الشمالي وانا سوف اذكر الطريق الثاني لاني اعتبر الشارع في الشمال ... امسك الدائري الشمالي وادخل مع مخرج 7 (مخرج جامعة الامام ) ثم ادخل مع اشارة هذا المخرج يسار ثم اطلع قدام حتى تجيك اشارع اقطع لا توقف ثم يجيك شارع منور وعليه صبات هو شارع البحري يعتبر هذا الشارع في حي " النزهة "
::::::::::::::::::::::::::::::::::::

و ـ شارع البراميل : موقعه : امسك الدائري الشمالي حتى يصير مخرج 7(مخرج جامعة الامام) خلفك ومخرج 6 خلفك ومخرج 5(مخرج مدارس المملكة)خلفك حتى تجيك لوحة مكتوب عليها طريق القصيم ادخل معه يمين ثم اطلع فوق الجسر وتعتبر انت الان على خط القصيم ثم يجيك مخرج الاول وهو مخرج شارع الدفاع لاتدخله ثم اطلع قدام ويجيك المخرج الثاني وادخل مع هذا المخرج يمين ثم اطلع قدام ثم قدام ثم قدام ثم قدام حتى تشوف كامري لاحد المفحطين مقلوبه يعتبر هو الشارع وهو شارع مظلم يعتبر هذا الشارع في حي " الصحافة،الياسمين " ويفضل التفحيط به في النهار فقط ..
::::::::::::::::::::::::::::::::::::

ز ـ شارع الفروسية ،الجنادرية : موقعه : له طرق كثيره ولكن سوف اقول اسهل الطريق عشان التوصيف .. امسك الدائري الشمالي حتى يصير مخرج 7(مخرج جامعة الامام)خلفك ومخرج 6 خلفك ثم ادخل مع مخرج 5يمين ثم اطلع قدام حتى يجيك شارع البركسات ثم يجيك حرف تي ثم اطلع يمين وامسك طريق التخصيصي ثم اطلع قدام ثم قددددددددددامممممممم ثم يجيك اول دوار ثم اطلع قدددددددددداممممممم ثم يجيك ثاني دوار ثم اطلع . قددددداممممممم حتى يجيك اول مخرج بعد الدوار الثاني اطلع مع المخرج يمين ثم اطلع قدام حتى تشوف شوارع منوره هو الموقع . يعتبر هذا الشارع في حي " الجنادرية " ويعتبر من اقوى شوارع التفحيط ..

:::::::::::::::::::::::::::::::::::::::::::::::::: ::::::::::::::::::::::


**( 2 )** شــــــرق الريــــــاض : أ- شارع المصانع : له طريقان وهما : الطريق الاول : امسك الدائري الشرقي ثم اجعل هذه المخارج 9و10و11و12و13و14و15و16خلفك وادخل مع اشارة مخرج 17 يسار ثم تجيك اشارع ادخل معها يمين ثم تجيك اشاره ثالثة ادخل معها يسار ثم تجيك اشاره رابعه ادخل معها يمين وتشوف الموقع وهو شارع مظلم .. الطريق الثاني : امسك الدائري الشرقي ثم اجعل هذه المخارج 9و10و11و12و13و14و15خلفك وادخل مع اشارع مخرج 16 يساره ثم تجيك اشاره ثانية ادخل يمين ثم تجيك اشاره ثالثة اقطعه لا توقف فيها عشان الذي يفحط يجيك من وراك مسرع ويعتبر الشارع مقابل الاشاره و ياسلام على شارع قمة الروعه يعتبر هذا الشارع في حي " السلي " عليه تشديد من بعض الاحيان
::::::::::::::::::::::::::::::::::::

ب ـ شارع المئوية : امسك الدائري الشرقي ثم اجعل هذه المخارج 9و10و11و12و13و14 خلفك وادخل مع اشارة مخرج15يسار ثم تجيك اشارع ثانية ثم اطلع قدام ثم تجيك اشاره ثالثه اطلع قدام ثم يجيك لفة على اليمين شارع وسيع ومظلم هو الموقع .. يعتبر هذا الشارع في حي " الفيحاء "
::::::::::::::::::::::::::::::::::::

ج - شارع القصور : لحظة عشان افكر لحظة شلون اوصفلكم شلون شلون ايه عرفت!! مسك الدائري الشرقي ثم اجعل هذه المخارج 9و10و11و12و13 خلفك وادخل مع اشارة مخرج 14 يمين ثم تجيك اشارة ثانية خلك ماسك الخدمة ثم تجيك اشارة ثلاثة اطلع قدام وبعد ما تنتهي المحلات الموجودة على اليمين تجيك لفة تدخلك على حارة اوله مدخلها مظلم وقدام شوي منور ادخل معها واطلع قدام حتى يجيك جبل ترابي صغير ادخل يسار هذا هو شارع القصور .. يعتبر هذا الشارع في حي " الربوة "
::::::::::::::::::::::::::::::::::::

د - شارع الثلاثين ؛المحبين : مسك الدائري الشرقي ثم اجعل هذه المخارج 9و10و11و12و13خلفك وادخل مع اشارة مخرج 14 قدام ثم يجيك على اليمين مستودع دجاج الوطنية بعدها يجيك على اليمين شارع فرعي منور ومرصف ومشجر هو الموقع يعتبر هذا الشارع في حي " الربوة " هو مشهور بدوران شباب التفحيط ..
::::::::::::::::::::::::::::::::::::

هـ - شارع الحمراني : مسك الدائري الشرقي ثم اجعل هذه المخارج 9و10و11و12و13 خلفك وادخل مع اشارة مخرج 14 وارجع ثاني مرة (يعني ديور) وخلك مساك الخدمة حتى يجيك شارع على اليمين مرصف وغير منور هو الموقع يعتبر هذا الشارع في حي " الريان " هو مشهور بتفحيط الظهر يعني تفحيط المدارس ..
::::::::::::::::::::::::::::::::::::

و - شارع التربية : مسك الدائري الشرقي ثم اجعل هذه المخارج 9و10و11و12و13 خلفك وادخل مع اشارة مخرج 14 وارجع ثاني مرة (يعني ديور) وخلك مساك الخدمة ثم يجيك شارع الحمراني لاتدخله امش قدام شوي ثم لف يمين مع شارع منور ومرصف ومشجر هو الموقع .. يعتبر هذا الشارع في حي " الريان " هو مشهور بتفحيط الظهر يعني تفحيط المدارس ...
::::::::::::::::::::::::::::::::::::

ز- شارع قف وناظر : مسك الدائري الشرقي ثم اجعل هذه المخارج 9و10و11و12 خلفك وادخل مع مخرج 13 يمين وينزلك هذا المخرج على طريق خريص اول مخرج يجيك بعد ما تمسك طريق خريص ادخل معه وارجع ثاني مرة (يعني ديور) وامسك الخدمة تجيك محطة بنزين على اليمين هو الشارع الذي قبلها وهو شارع منور ومرصف ومشجر .. يعتبر هذا الشارع في حي " الروضة " هو مشهور بدوران شباب التفحيط ..
::::::::::::::::::::::::::::::::::::

ح - شارع القدس : مسك الدائري الشرقي ثم اجعل هذه المخارج 9و10و11 خلفك وادخل مع اشارة مخرج 12 يسار ثم اطلع قدام وتجيك اشارة ثانية ادخل يسار ثم ينزلك على الموقع وهو مظلم .. يعتبر هذا الشارع في حي " الروضة " وهو مشهور بالتفحيط وقوي ايضا ..
::::::::::::::::::::::::::::::::::::

ط- شارع المرسى : مسك الدائري الشرقي ثم اجعل مخرج 9 خلفك وادخل مع اشارة مخرج 10 وارجع ثاني مرة (يعني ديور) وخلك ماسك الخدمة حتى تجيك على اليمين منتزه ترفهيه مازالت تحت الانشاء عندما ينتهي سورها يجيك شارع مظلم اطمر الرصيف وادخل الشارع لا تخاف ترى فيه زلفت يعني السيارة ما تحك في الرصيف .. يعتبر هذا الشارع " بين مدينه الحكير الترفيهية تحت الانشاء وبين منتزه المرسى التابعة للمعجل " ويعتبر من اقوى الشوارع واخطرها
::::::::::::::::::::::::::::::::::::

شارع السلي ((نادك)):
اطلع مع مخرج 16 وانت جاي من الروضه بتجيك اشاره رح يسار واذا انت جاي من المليون روح يمين المهم لارحت ايمين سيييييييد لين تجيك اشاره في هذي الاحوال اذا كنت تبي شارع السلي (( الابــراج)) رح يمين وسيييييييد يجيك الشارع واذا تبي نادك سييييييد تعد اول اشاره هذا هو الشارع .
::::::::::::::::::::::::::::::::::::

شارع المليون :
المشكله ان المخرج على حسب علمي معليه رقم لكن مو مشكله نوصفلكم انزل مع كبري حراج ابن قاسم وانت جاي من السلي والصناعيه بتجيك محطه على اليمين لف يمين سيد هذا هو شارع المليون .
::::::::::::::::::::::::::::::::::::

شوارع السويدي :
اول ماتطلع من المليون امسك الدائري واتجه إلى السويدي اول كبري تعداه لين يجيك قاعه ليلتي على يمينك شوف على يسارك هذا هو دائري الاتصالات وبلأحرى دائري بدر
سيييد بعد امش سيده لين يلف بك الدائري
::::::::::::::::::::::::::::::::::::

شارع الملاعب :
اول مخرج بعد اللفه رح يمين بتطلع وبتجيك اشاره رح يمين هذا هو شارع الملاعب
::::::::::::::::::::::::::::::::::::

شارع شعووول:
بعد ماتتعدى اشاره الملاعب امش سيده يعني خلك على الخدمه يجيك اشاره رح يمين سيد وبتجيك اشاره ثانيه رح يسار وسيد يجيك حرف T رح يمين هذا هو شارع شعوووول
::::::::::::::::::::::::::::::::::::

شارع الهيئه :
بعد ماتروح يمين سيد بتجيك اشاره رح يمين بعد اول مديور على اليسار اتركه ثاني مديور ديور معه وأول شارع على اليمين خش معه هذا هو شارع الهيئه
::::::::::::::::::::::::::::::::::::

اما من ناحيه شارع الشركه فتوصيفه صعب شوي :
اذا وصلت اشاره دائري الدخل وانت جاي من الملاعب روح يسار بتجيك محطه على اليمين تعداها امش شوي بيجيك شارع على اليمين سيدين كبير وعليه محطه الجميح اسمه شارع 2000 الدخل سيد لين تجي الاشاره تعد الاشاره وامش بعد بتجيك اشاره ثانيه تعداها امش بعد بتلقى صناعيه على اليسار شف شارع الشركه عندها
::::::::::::::::::::::::::::::::::::

من ناحيه شوارع الشفا :
المستودعات وانت طالع من المليون لف اخر شي يسار بتطلع على مخرج حي الشفا امسك الخدمه الي على اليمين لين تجيك اشاره المعارض وروح يسار سييد لين
تجيك الاشاره الثانيه ديور معهاولف وبتلقاها شوارع التفحيط مع الوصف
::::::::::::::::::::::::::::::::::::




تقبلوووو .. تحياتي .. اخووووكم ..


ملك البنات؟
:'k: :'k: :LK: :LK: :ad:

  رد مع اقتباس
قديم 11-24-05, 09:05 PM   #2
مجنون بس حنون...
امنتديآت لمني بشوق
 
الصورة الرمزية مجنون بس حنون

مكان الإقامه :  في ارض الله الواسعهٍ
هواياتي :  ترقيم البنات ؟
غير متصل
افتراضي

يسلمووووووووووووووووووو

اخي ملك البنات؟

على هالموضوع


تحياتي لك

مجنووووووووووون
  رد مع اقتباس
قديم 11-25-05, 05:15 PM   #3
ملك البنات؟...
امنتديآت لمني بشوق
 
الصورة الرمزية ملك البنات؟
افتراضي

هلا والله يعطيك الف عافيه

على مرورك

وتقبلو ارق؟؟

تحياتي اخوكم؟؟؟؟؟

((؟ملك البنات؟))
  رد مع اقتباس
قديم 11-28-05, 05:13 PM   #4
ارهابي يا عذابي؟...
منتديآت لمني بشوق
افتراضي

مشكووووووووور اخي

ملك البنات؟

اخووووووووووك

(( ســـاحرٍ البنــاتـ؟ ))
  رد مع اقتباس
قديم 11-30-05, 09:20 PM   #5
ملك البنات؟...
امنتديآت لمني بشوق
 
الصورة الرمزية ملك البنات؟
افتراضي

مشكوووووووووووووور

اخوي ساحر

على مرورك

وتقبلو ارق تحياتي

اخوكم؟؟؟؟؟؟؟

((ملك البنات؟))
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سيارات 2011 شوارع جنيف إنسانه (✿) عَالِم الْسَّيَّارَات وَالْدَّرَّاجَات 4 03-05-11 03:05 AM
بعض شوارع التفحيط في المملكة... واحسن وأشهر المفحطين في المملكة العربية السعودية !!! مجنون بس حنون (✿) عَالِم الْسَّيَّارَات وَالْدَّرَّاجَات 13 04-02-07 05:27 AM

لمني بشوق منتديات لمني بشوق مركز تحميل لمني بشوق

الساعة الآن 11:51 AM.


Powered by vBulletin® Version 3.8.9
Copyright ©2000 - 2024, Jelsoft Enterprises Ltd
Ads Organizer 3.0.3 by Analytics - Distance Education
جميع الحقوق محفوظه لمنتديات لمني بشوق