مشاهدة النسخة كاملة : شخصية التمساح الرجاء من جميع التماسيح الدخول...>>


●~{εïз شقــĠįяĻــاوهـ
07-12-08, 01:22 PM
\
بسم الله الرحمن الرحيم,,

السلام عليكم ايها التماسيح الكرام >>>>> وش هالادب ياناس ماشاء الله على



اتمنى من كل تمساح تقبل الموضوع بصدر رحب

واختير الصفه التي تليق في شخصه الكريم >>>> مازال الادب مستمر




وهذي هي الصفات الموجوده لدى التماسيح وارجو من كل تمساح كتابه الصفه التي
تخصه




التمساح الدلخ :
وهذاا إنسان غبي جداااا.ويرفع الضغط ....وينرفز



التمساح المنسم :
كل ما مريت عليه تسمع صوت سسسسسسسسس و ذلك راجع إلى تهريب الهواء من رأسه والسبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .





التمساح المهوي :
هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...





التمساح الشخر المخر أو أبو مشخر ! :
من نفس فصيلة المنسم !





التمساح السلنتح :
قليل الأدب



التسماح جحلط ( بتشديد اللام ) :
وهم مرحلة متقدمة للسلنتح





التمساح مزّلب :
يعني بايعها بتراب !






التمساح مسفّح :
يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة






التمساح الصتيمة :
وهو الشخص اللي ماعنده ماعند جدة جدتي ...!!...ويصدق أي شيء يقال له






التمساح المسبة أو المسبوة :
هو الشخص اللي يكون مروع في صغره لدرجة أنه يصبح شبه فاقد للعقل ...




التمساح المفهي:
هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هاه




التمساح الحقنة :
هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسرقول العرب : أغث من حقنة





التمساح العلة :
هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......





التمساح العربجي :
يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدرموثوق من عائلة العرابجة بأن هذه إشاعة مغرضة أطلقها عليهم أحد الخكاري...





التمساح المرجوج :
هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .





التمساح المطفوق :
من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمربجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....





التمساح السربوت :
هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها و لحد يقول لهم شيء.





التمساح السمرمدي :
وهو من نفس فصيلة السربوت.





التمساح الداشر :
هذا قليل الأدب و لا يحب يماشي إلا السرابيت . و إذا قيل فلان دشر فلان أي خرب أخلاقه لكن في الأردن الشقيق كلمه دشره تعني أتركه..





التمساح الملكع :
أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .





التمساح زعّيط :
مسوي نفسه يفهم في كل شيء وهو من جنب العارضة.






التمساح المصرقع :
هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدروهبال ...





التمساح المنفلت :
هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال والتطنيش....





التمساح الخكري :
ببساطة الخكري = نعومة + دلع + ليونة والله لايبلانا... <<<<<<<<<<< اكره مخلوق يمشي على وجه الارض






التمساح اللزقه:
هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.




التمساح الزنقّبي
يعني العزوبي.




التمساح الصديع :
اي كلمه في راسه يطلعها ولا يتنباء بأفعاله سواء كانت صح ام خطء .




التمساح الجنط :
من فصيلت الدلخ.



التمساح المروح:
هذا اللي نفسه شينه

..
.

يالله كل واحد من التماسيح الافاضل يتفضل يقولنا من اى فصيله هووووو بصراحه



م
ل
ط
و
ش

الهوى الغايب
08-31-08, 02:08 AM
ههههههههههههههههههههههههههههههه


اجدتي الوصف والتعليق

التماااسيح فلللله عليهم شخصيااات حلووه


يعطيك العافيه ولا تتعودينها

هههههههههههههههههههههههههه

مصفوق ومطفوق.!
08-31-08, 05:10 PM
هههههههههههههههههه
مير ياقماري جبتيهـآ على الجرح ض7
(التمساح المطفوق)
تقلبي مروري :)

~دانـ بعـ بحارها ـين ـة~
09-06-08, 04:53 AM
[فقط الأعضاء المسجلين والمفعلين يمكنهم رؤية الوصلات](10).gifوانا اقوووول ليهـ انكب الفمتو علي...[فقط الأعضاء المسجلين والمفعلين يمكنهم رؤية الوصلات](10).gif

شكل <مصفوقنا[فقط الأعضاء المسجلين والمفعلين يمكنهم رؤية الوصلات]> زحلطن من جنبي[فقط الأعضاء المسجلين والمفعلين يمكنهم رؤية الوصلات](20).gif

[فقط الأعضاء المسجلين والمفعلين يمكنهم رؤية الوصلات](3).gif [فقط الأعضاء المسجلين والمفعلين يمكنهم رؤية الوصلات]
الله يعين عليكـ بس[فقط الأعضاء المسجلين والمفعلين يمكنهم رؤية الوصلات]

موووضوووع خطرطر وخنفشاااررري و راااائع
<<<هازا نفرر قرقر كويس[فقط الأعضاء المسجلين والمفعلين يمكنهم رؤية الوصلات]

الشيبة@
09-06-08, 06:53 AM
الف شكر علي الموضوع

ويعطيك العافية بس


لا ؟؟؟؟؟؟؟؟؟؟؟؟؟؟؟؟ الموضوع ث8

بنت عز ما انهز
10-05-08, 08:58 AM
ههههههههههههههههههههههههههههه

والله ان الصفات رووووووووووووووووعة وتحطيييييييم