.
.






ودي بقيـت بعالـم الحـب ويـاه
لاشك ما جاني علـى الكيـف ودي
راحت بي سنيني وقفّـت مطايـاه
مدري عناد الوقت والا تحـدي !!
ماعاد باقـي غيـر تالـي بقايـاه
اللي توصلني من الشوق .. حـدي
أهيم لامن المسـاء جـاب طريـاه
واسج ّ بفجوج الصحاري وامـدي
ذكرى وشبت في خفوقي من اقصاه
قامت معه في بعض الاحوال ضدي
أثر الغلا فينـي مسـوي سوايـاه
والحال عقبه مـن عنـاه امتـردي
درب ٍ مشيتـه ماتمنيـت ممشـاه
صار الهوى مع جاير الحظ ( ندي )
وين الحبيب اللي له الـروح تفـداه
طالبـك انـا ياسـود الايـام ردي
(نزف المشاعر) مايبي غير شرواه
وعليه بلّت دمعت العين ( خـدي )
صبرت وادري ما تحمّلـت فرقـاه
وبيّحت من زود العناء فيـه سـدي
بين الضلوع القلب صـوّت ونـاداه
وشلون يقاوم جزر الاشواق مـدي
تعبت مـن دنيـا المتاهـات والآه
ليت الفرح لحظـات يمـي يلـدي
حتى المساري لـو تمنـت تمنـاه
ذيـك الليالـي مـا عليهـا تعـدي
فوق الخيال اللي على البال عشنـاه
ملكـت قلبـه وامتلـك كـل ودي
لو كان غيره يمكـن انـا نسينـاه
لكن بعض النـاس مالـه مسـدي
لولا الامل في دنيتي حـي لـولاه
ما كنت اجامل في ظروفي واعدي
عودت نفسي اكتم الجرح وارضـاه
ولا زادت جروح الزمن قمت اهدي
تبقى الحياه بـدون شوفـه معانـاه
ويومه معي ماحد ٍ من الكون قـدي
سبحان رب ٍ صوّره كيـف سـواه
لحد الجنون الزيـن منّـه يـودي
متى على الله التقـي فيـه والقـاه
وارتاح من طول التعب والتحـدي00


تحيـــــــــــــاتي

نزف المشاعر

طرح اكثر من رائع

يشرفني ان اكون اول المشاركين في متصفحك

تقبل مروري


اخوك \ شنب الارنب

نزف المشاعر
صح لسانك ولاهنت
كلمات في الصميم
يعطيك الف عافية
\
احترامي

لو كان غيره يمكـن انـا نسينـاه
لكن بعض النـاس مالـه مسـدي



صحـ لسانكـ .. وسلمـ يمينك على رووعة ما طرحت ..

يعافيك ربيـ ..

ننتظر جديــدكـ ..

وديـ لكـ ..

الجميع مشكووورين نكن نكن00


والله يعطيكم الف عافيه00


تحياتي واحترااماااتي00