طبعا هذا اول موضوع وقصيده انثرها بين صفحاتكم اتمنى يحوز على اعجابكم


نشف دم العتاب وجف ريق اللوم !!
معك ضاع الكلام وماتـت أحلامـي

وش اللي ممكن أقوله وأنا مصـدوم
بعد ما مات أجمل حلم .. قدامـي !

على كثر الحزن ما مرني في يـوم
مثل حزني على .. حقيقة أوهامـي

أنا ماني هنا !! يا طعنـة المقسـوم
على الكرسي بقايا حزن مترامـي !

جروحي ظلم وإحساسي معك مظلوم
وصمتي سالفة جرحي عن آلامـي

من عيونك عرفت إن الوفا معـدوم
ومن عيوني يا موطن جرحي الدامي

عرفت تطيح لكن ما عرفـت تقـوم
وأنا ما همني وش أسفل أقدامـي !!

معك ولا بدونك .. ماني بمحـروم
ولكنك بدوني .. جايع وضامـي !!

خذ الباب بطريقك .. وتحيـا ودوم
على شان الشعر والبوح وإلهامـي

أحاسيسي تبي بعدك وأنـا ملـزوم
أوازي فعلي .. بتفكيـري السامـي

أنا أكثر شخص يشبه شعره المنظوم
سنواتي ورق .. وإحساسي أقلامـي

من أيامي كفاك اللي مضى .. واليوم
نويت الحق على الباقي من أيامي !



لشاعر / محمد السهلي

اشكر على كل من مر هنا

ولم يتسى له ان يرد بكلمة نقد او اعجاب

عرفت تطيح لكن ما عرفـت تقـوم
وأنا ما همني وش أسفل أقدامـي !!

معك ولا بدونك .. ماني بمحـروم
ولكنك بدوني .. جايع وضامـي !!



ابيااات ع الجرح

صح لسان محمد وتسلم يمينك ع النقل

اهنيك على ذائقتك الرائعه

لاتحرمناجديدك ..

وش اللي ممكن أقوله وأنا مصـدوم
بعد ما مات أجمل حلم .. قدامـي !


مبدع في اختيارك للكلمات
كل الشكر

احتراميـ

روووووووووووووووووووووووووووووووووووووعه

نتظر الجديد