سليق روووعه وسهل [الأرشيف] - منتديات لمني بشوق

أسرار

05-04-10, 09:55 PM

السلام عليكم ورحمة الله وبركاته
[فقط الأعضاء المسجلين والمفعلين يمكنهم رؤية الوصلات]

صباح / مساء الخير لأحلى بنات بأحلى عالم

[فقط الأعضاء المسجلين والمفعلين يمكنهم رؤية الوصلات]

المقادير::

دجاج مقطع انصاف

رز (على حسب عدد الأشخاص)

بصله مقطعة قطع صغيرة

2 فص مستكه مع المرق

هيل، مكعب ماجي

ملح على حسب الرغبة

فلفل، بهارات (كمون، فلفل أسود)

مــــاء

::+:+:+:+:+:+:+::

الطريقة::

كشني البصل ضعي عليه البهارات والهيل والمستكه والملح

والماجي وقلبيهم زين..

حطي عليهم الدجاج والمويه واتركيها على النار حتى يستوي الدجاج..

::+:+:+:+:+:+:+::

طلعي الدجاج وحطيه بالصينية واخلطي بالخلاط

الماجي والفلفل الأسود والكمون مع شوي من مرق الدجاج..

صبيها على الدجاج ودخليها الفرن..( طبعاً هذي طريقتي القديمه )

الحين صرت اكشن بصل مقطع صغير مع معجون طماطم وماجي وبهارات وشوي مويه

واحطهم ع الدجاج وادخله تحمير ..

::+:+:+:+:+:+:+::

الحين نجي للرز::

صفي المرق وحطي عليه الرز واتركيه حتى يستوي بس مو مرة

يعني يكون باقي فيه مرق والرز مو ناشف..

اخلطي 2 كوب حليب سايل وعلبه قشطة كبير
(أنا حطيت علبتين صغير)
حطيها على الرز واتركي الرز على النار حتى يستوي..
لاااااازم يصير لين مرررة (يعني تختفي معالم الرز [فقط الأعضاء المسجلين والمفعلين يمكنهم رؤية الوصلات] ))

::+:+:+:+:+:+:+::

بعدين حطي الرز بالصحن وطلعي الدجاج من الفرن وحطيه عليه
(أنا كشنت بصل بزبدة وحطيت عليه نصف مكعب ماجي وشوي صفار الزعفران
وحطيته على الرز)

وهذي النتيجة النهائيه
[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

وطبعاً مايحلى السليق إلا بـ هالسلطه :

[فقط الأعضاء المسجلين والمفعلين يمكنهم رؤية الوصلات]

منقوووول لعيونكم
تعرفون ام اسنع كله
أختكم أسراااار
الله يخلي امي ويحفظها
من كل شر اااااامين