الريح والناي ([فقط الأعضاء المسجلين والمفعلين يمكنهم رؤية الوصلات])





ليلة فــراق و برد و بــروق و ريــاح
وصوت المطر يفصل خـْـطاها عن خـْـطاي

نقرب .. وتنبت فـ الوطى بيننا رماح
حتــى تلاقينــــــا..لقــا الــريــح والنــــاي

آخــر لقــا يغزل مـن الغيمة وشـاح
وأول لقــا يــمضي .. بــلا موعــدٍ جــــــاي

مسحت عن وجناتها صبر وجراح
وأنــا جـراحي كــانـت أكبــر من بكــــاي

قلــت أذكريني ماهمــا بارق ولاح
وأيـــّـاك تبكيني .. تــرى الــدمــع نــسّــــاي

إذا سألوك الناس .. قــولي لهــم : راح
بــالــك يجــي طــاري وداعــي وفرقــاي

ترى الفراق الموحش .. فراق الأرواح
أمــا الجســد لــو غــبــت تحييــه ذكــراي

صــدّت .. و في وجناتها الدمع ذباح
وأنــــا أعتــــذر لعيــونــها عــن سوايــاي

تبكي وأنا أمسح دمعها كل ماطاح
كنــت أحســب كفوفــي بتمــسح خطايــاي

لو اجرحتني وقتها .. يمكن أرتــاح
لــكــنــهــا.. وبــــدون كــلــمــة ولا راي ..

أقفت تـوّدع عمرها اللي معي راح
وأقبلــت أودّع عقبــها عــمــري الجــــاي


فهد المساعد

الله الله

وصح السان شاعرها

وتسلم يمناكي على هالنقل

الجمييل والقصيده الاروع

ماشاء الله اتمنى لك التوفيق

تقبلى ودي

عمر الشقى

أقفت تـوّدع عمرها اللي معي راح
وأقبلــت أودّع عقبــها عــمــري الجــــاي



اسبغ عليناااا ابداااع الحرف والمعنى..والاحساس..
مبدع حد الافق... هذا النقل



لروحك النرجسيه..الف تحيه..&

**ج ــــموح**

قصيدة روووووووعه

ماشاء الله رووووووووووووووووعه

قصيده راقيه

بكل ما تحمله هذه الكلمه
من معاني
حروف رقيقه وعذبه
ابدعتي يالغلاا
اختياار مميز
ما ننحرم رقي حرفكـ
خالص الود,,,

شكرا على هذا الابداع ـــ(تقبلي مروري)ــــ