بما انها اول مشاركه لي اتمنى تليق اعجابكم
اخليكم مع القصيده.


لاصارت اكبر لهفتي من لهفة الطفل الرضيع
يبغى دفى حضن امه اللي من قساها تمنعه

ولاصار حكم الوقت يجبرني فانا مجبور اطيع
واللي بغى فرقاي يرحل مااحاول اقنعه

ماذنبي الا إن المحبه صار معناها وضيع
ماحب غيرك واثرني واحد وغيري اربعه

لاقلت احبك قال ارفق ماعلى الشوق استطيع
ارجوك قدر كلامك انحرج يوم اسمعه

ماكنت افكره يجاملني مثل باقي القطيع
وانا على النيه واثر غيري غلاه يجمعه

ياما رضيت بصيفه وعطيته مني ربيع
ياما لراحته رضيت اعيش مثل الأمعه

ياما ليا ضاق الزمن يلقى له صدري وسيع
وفيت لو غير تحايل لين حقق مطمعه

ياشينها لاصار معروفك على غيرك يضيع
تسهر على شانه وهو اكبر همومه مضجعه

ماقصدي المنه والا باللي حصل مني اذيع
لكن قهرني يوم اجني عكس ماكنت ازرعه

مجبور اوادع وابتعد وانسى هوى مثلك وابيع
لاتحسبين اللي فقد مثلك يلاقي مصرعه

حتى ولو بعد الخيانه صار بي قلبك وليع
من عاد يامن وجهك اللي جاد لبس الاقنعه

بااوادعك وابشرك صدري كما الحصن المنيع
مابوح باسرارك ولو حبل المواصل باقطعه

لاتحسب إن الندم دمعي من اسبابه يميع
ليه الندم عمر الندم مافاد من عض اصبعه

في ذمتي قلبي لنسيانك ومن مثلك سريع
من طاح من عين البشر وش عاد يرجي يرفعه

وان كان غيري عاجبك ذوقه وبحساسه رفيع
لاتوثق بكل من غنى لعينك مااروعه

صكيت باب الوصل دونك والعذر ماله سميع
لاعفت مثلك ماعلى وجهي غلاه استصنعه

لاقلت احبك قال ارفق ماعلى الشوق استطيع
ارجوك قدر كلامك انحرج يوم اسمعه

ماكنت افكره يجاملني مثل باقي القطيع
وانا على النيه واثر غيري غلاه يجمعه

ياما رضيت بصيفه وعطيته مني ربيع
ياما لراحته رضيت اعيش مثل الأمعه

ياما ليا ضاق الزمن يلقى له صدري وسيع
وفيت لو غير تحايل لين حقق مطمعه

ياشينها لاصار معروفك على غيرك يضيع
تسهر على شانه وهو اكبر همومه مضجعه

قصيده رائعه
بكل ما تحمله هذه الكلمه
من معاني
حروف رقيقه وعذبه
ابدعتي يالغلا
اختيار مميز
ما ننحرم رقي حرفك
خالص الود,,,