مساء الخير على الجميع....

هذي قصيده حق شخص احبه وبنفس الوقت زعلان عليه

الله واكبر صرت انا خط ثاني...
ادق وماكني ابد بتصل فيك...
ياصاحبي افهم ترى العمر فاني...
والله على ماكنت تفعل يجازيك...
ماكنت اصدق لين ربي هداني...
اللي جعلني انوي البعد وانهيك...
غيرت نفسك لين قلبك نساني...
ماعد تستحمل اذا قلت وشفيك...
ترى المحبه ماتجي بالأماني...
ولاكل من تهواه ياشوق هاويك...
احلي الكلام اللي يقوله لساني...
صفته لجل عينك علشان ابرضيك...
حتى القصايد اصبحتلك اغاني...
مرات بيني وبين نفسك اغنيك...
ركبتلك كل الجمل والمعاني...
ابيك تفهم بس خاب الرجا فيك...
مغرور متكبر وصاير اناني...
لاتلومني لو قلت مابيك مابيك...
قبل انتفارق بسالك لوثواني...
عطني جوابي يوم عزمت اخليك...
شنهو عطاك اللي عطيته مكاني..؟
اللي قدر ياخذ مكاني ويغنيك..؟

لكم كل الحب والتقدير
ولي العذر على التقصير

عز الله صدق

ياصاحبي افهم ترى العمر فاني...
والله على ماكنت تفعل يجازيك


صح السان الشاعر

وسملت يمناك

ابيك تفهم بس خاب الرجا فيك...
مغرور متكبر وصاير اناني...
لاتلومني لو قلت مابيك مابيك...
قبل انتفارق بسالك لوثواني...
عطني جوابي يوم عزمت اخليك...
شنهو عطاك اللي عطيته مكاني..؟
اللي قدر ياخذ مكاني ويغنيك..؟


يعطيك ربي الف عافيه
عباراتك رائع كروعتك
لاحرمنا جديدك المميز
ودي’؛