بعد الخيانة انتهت رغبتي فيك
وان كنت تذكرنا ترنا نسيناك
يشهد على الله لاحل طاريك
يروق قلبي لكن اذكر سواياك

==================

لاتنصدم لا قلت انا اليوم ما ابيك
القلب عافك وانتها اليوم دورك
اعميتني بحبك عسي الله يعميك
ورميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك


=================

لاتكثر بحكيك تري دربك اشواك
ياحفي الرجلين ثمن كلامك
واذكر زمان اول وايام بلواك
من سنعك للناس وعدل مقامك
لا يفلت لسانك على شخص رباك
انا بنيتك وماانا عاجز اهدمك

=================

عندي سؤال
وخابرن فية
تجريح
لكن ضروري
تسمعة بأنبساطي
ارفعك للسماء
ترجع تطيح
قلي شسوي
فيك
لا صرت واطئ

====================

تنداس دنيا الحب
بتراب تنداس
وينداس قلب
ما وفى مع خوية

====================

عادي
معاك ابقي
وعادي
اخليك
مثلك مثل غيرك
مجرد صداقة

===================

والله لخلي عزتك تحت ماطاي
تمشئ وعينك ما تعدا مواطيك
ابيك درس لكل خاين وناسي
وافهمك قدرك وقيمت مباديك
والله لهينك لين تبكي تبي رضأي
ذليل تكسر عين منهو يراعيك

=================


اليوم قدرك
ما يساوي
مأطا الاقدام
حبك
بقلبي
مات واعلن
رحيلة

============

والله اني من فرقاك
ما بكيت
من زينها دنياك
عشان ابكي عليها

==============

عطني قلم
بأكتب
على القلب
ناسيك
حتي اليا منة تذكرك
ينساك
خلاص
عقب اللي حصل منك
ما ابيك
وما دمت انا هنية
فارقني هناك
غلطة حياتي
يوم تقفي واناديك
لكن بيجي يوم
واقول الله
وياااااااك




--------------------------------------------------------------------------------


لاغبت عني دمعت العين ‏تبكيك
وان جيت يمي خافق القلب حياك موج البحور ونسمة الليل تغليك
وشلون مايغليك شخص تمناك
============================================
فارقت كل العيون
لخاطر عيونك
يا وجهك اللي تموت
الناس بظلالـه
وشهي حياتي إذا
فكرت من دونك
همي كبير وليلي جر
موالــه
اليوم يومك أبي
عطفك أبي عونك
من غيرك اللي إذا ضقت
ألجالـه
=============================
أنا تعلمت الهوى تحت
يمناك
درست معنى العشق
حسب اختياري
مابيك تعشقني
ولكني ابغاك
لاضاقت الدنيا تصير داري
وابيك لامني تزاعلت
وياك
ترضي غروري
قبل اجيب اعتذاري
وابيك تدري لوأحاول
بفرقاك
إني بحاول
قبلها بانتحاري..
=============================
تدري خطانا بالحياه...!
أنا زرعنا أحلامنا فوق السحاب
وقلنا متى نصبح شباب ,
ونقطف ورودأحلامنا ولأمنيات
ولما كبرنا وجينا نسأل حلمنا,
تدري وش لقينا.....؟
لقيناأجمل حلم مات..
وبعده درينا..
إن أجمل شي فينا.."الذكريات"
=============================
أضحك ولا كل الوجيه احترمها **** بعض الوجيه أهينها بإبتسامه
=============================
لحظه أبسئل: منهو اللي معك كان؟
يومن اشوفك في عيونه / ضحكتي
لا لا دخيلك ..لا تقولين.. غلطان
شلتك على قلب المحبه...وطحتي
مالي شغل بالعذر والقلب ماصان
يعني أمانه ليش ..وشلون خنتي؟
هذا جزاتي جيت من قلب ولهان
وأنتي ولا مرّه عليـّه.. ولهتي
الشوق منبع حب والروح عنوان
قرّبت لك كل المسافه/ ورحتي
=============================
رجيت عطفك بس طال الرجا بك
لين انقطع بالياس كل الرجا فيك
=============================
يمكن كسر العظم يبرى بتجبير
ويمكن علاج العين بأيات تقرأ
كل العلل تبرى بسبه وتدبير
لكن عليل الحب وشلون يبرى
=============================
ورجعت أقلب في قديمات
الأوراق ،،
واللي نسيته طاري الشوق
جابه ،،
ياشين عشرة بعدها يحصل
فراق !!
وعند الوداع الكل يفقد
صوابه !!
=============================
أول جروحي قلب ميت
من الاهمال..
ثانيها صدمة حب مات
برواقة بال!
الثالثة أحزان من راسي
لأقدامك..
الرابعة هجران ماتت بها
أحلامي
خامس الاخماس..
ياسيدي الحساس
إني أنا احاسيس ماعاد
بي احساس..
=============================
ياربي هـذا وانا على ارضك احبابي نسوني!
شلون لو تحت تــرابها ودفنوني..؟!
=============================
احسب دقايق غيبتك والثواني
وتمرني في خاطري كنها سنين ..
حاولت ارد الدمع لكن عصاني
كن الوجن يجذب دموعي من العين!!
=============================
يوم أحتجت لك صرت ما القاك ,, وأنا أحسبك عندي متى مابغيتك
=============================
جا يودعني يحسبنى قـد الـوداع
هو بقى بي حيل حتى اجمعـه
=============================
الا ياخوي لاتسأل.. عن اللي حطم أحلامي
عن الدمعة عن النظرة الحزينه والعنا والآآآآآه
عن البسمة أو الإحساس.. أو الشقا اللي فأيامي
ترا في دمعتي قصة وأنافي قصتي مأساة
أشوف الظلم بعيوني ..يعذب قلبي الظامي
أشوف الكره معميهم وكلن ملتهي بدنياه
أشوف الكل هاجرني ويقرب لحظة إعدامي
أنا والله لي قلبٍ حنانه هو ( سبب بلواه )
=============================
والله إني كنت ألوم اللي
يضيق إن غاب خله ،،
لين جربت المحبه
والفراق وقلت
" تـــــوبــــه" !..
لعنبو جد المفارق
فيه هم وفيه ذله ..!
أثر كل الحب لذه..،
والفراق
(( أكبـــــــر عيــــــــــوبه ))
=============================
أدري أنك بتتألم يـوم قـرب هالفــــــــراق
ويعلم الله ما قصدت أجرح خفوق يودنــي
أنجبرت أسلك طريقٍ موحشه ماهي تطاق
وأنجبرت أحيا حيـاةٍ مظلمـه بتهدنـــــــي
ربي لحاله يدري عن خفوقي كيف ضاق
وأظلمت فيني السنين وعالجروح تحدنـي
لا تناسى ذكرياتي ويوم ذبتـي بالعنــــاق
وإن ذكرتيهم اصحابـك الله الله عدنــــــي
=============================
كنت شمعه تضوي وتشرق حياتـــــي
انطفيت ورحت في وقت المغيــــــــــب
=============================
ما كنت أظن الحب يكذب لسانــــه
لو ترتفع شمس الضحى من مغيبه
لكن أحس انه تغير زمانـــــــــــــه
ملامحه صارت علي غريبـــــــــه
مدري جفا والا بوادرخيانــــــــــه
والا على قلب اللي يحبك ضريبه
كانه جفا قلبي يجيبك حنانـــــــــه
وكانه خيانة حب هذي مصيبـــــه
=============================
مايموت الشوق
ولو قل الوصل !
وما يهز الحب
زلزال الظروف !
وأنت داري في
معزتنا أصل ..
ولو يطول الصمت
لا يلحقك خوف ..
والغلا بالقلب
والله متصل ،،
ثابت مثل
الأصابع بالكفوف ،،
=============================
مثل النسيم العذب
تجرح سكوني
تسرق بقايا ضحكتي وسط الأحباب
أحاكي أصحابي وهم يسمعوني ..
وقلبي معاك وكنهم عندي أغراب
وعنك يحاول بعضهم يسألوني
متى
وكيف
و وين
أصبحتوا أحباب ..
=============================
أمنتك الله لا يطول غيابك
وش تنفع الدنيا بليا وجودك
يمكن غيابي ما يسبب عذابك
لكن عذابي يا عذابي هو غيابك
حاسب ضميرك لا تعجل عتابك
وين الأماني وين باقي وعودك
غالي وتبقى غالي في غيابك
لكن تزيد من غلاتك في وجودك
=============================
بسم الذي سخر للأعمال كتاب ..
بكتب عتابي وأرسله من جفوني ..
فك الرسالة وانتظرني على الباب
لجل الرسالة واضحه في عيوني ..
مشتاق أشوفك تعرف الشوق غلاب
لو كان نظرة بعدها
"يقتلوني"
=============================
أنا وانتي حكايتنا
مثل لعبة وطفل صغير
مع انه دوم يهملها
رفض يسمح لها بغيره
=============================
يحسبني يوم سلم ماسمعته
سامع بس أبي أتغلى عليه
بس قلبي حاول يرد ومنعته
لاترد سو نفسك ماتبيه
يحسبني يوم مارديت بعته
مادرى اني بعمري مشتريه
=============================
الظروف القاسيه عيت تزين..
اندمر وضعي وانا توي شباب..
كل ماهانت علي ترجع تشين..
بس أهونها الين الراس شاب..
أشكي الوحده وهموم السنين..
وأشكي ظلم الدهر لي والعذاب..
كل شي بداخلي يبكي حزين..
كل شي بداخلي يبكي مصاب..!
=============================
كثير اللي يخــون الود .. ويعني لو تخونينــي
أنا أدري وش ضيعنــي .. شعوري وطيب نياتي
لعبتيهــــا معاي صح .. عرفتي كيف تنهينــي ؟؟
عرفتي للأســــف .. وشلون أبدا في نهاياتــي ؟؟
تعالي و احسبـــي وياي .. كم مرة جرحتينــــي ؟؟
وربي ما عرفت أرتــاح .. ويني وين راحاتـــي ؟؟
=============================
مانتا على خبري تغيرت بالحيل... ماهو بقول الناس شوفة عيوني
=============================
ياللي تبي تعرف أسراري وعنواني..
الضيق والحزن واللوعه عناويني..
وان كان ودك تدورني وتلقاني00
في كل لمة حزن يمكن تلاقيني00
بكتب الحزن والضيقات تقراني00
والناس من زود أحزاني تبكيني
=============================
لو للشتاء رحمه.. رحم عاري الناس
ولو للوفا سلطة قتل خاينينه
لو للخطا في دربنا صوت واجراس
ماشفتنا باقدامنا دايسينه
لو الأماني تطرد الحزن والياس
ماشفت بين الخلق نفس حزينه
=============================
حطمتني سنيني
في صغر سني...
دنيا الهنا ماتت
بعيني وانا حي...
=============================

كنت الغريق
وكنت قارب نجاتي
انقذتني لكن
على لوح تابوت..!!
=============================
لا صــــارلك شخصٍ تــوده وتغــليه ..وحــالــت ظروف الوقــت دونـــك ودونــــه
حـــــاول وحـــاول قــدر الامكـــان ترضيــــــه ...من لا يخــــونك لا تــحاول تخـــــونه
=============================
استاهل النسيان
لاجيت ابنســاك
واذا نسيت
استاهل الي يجيني
بعطيك سر
واحفظه في حنياك
انت الوحيد اللي
تمكنت فينـــي
=============================
ياما على نفسي بالاحلام كذبت
ياما صبرت وصبرنا مانفعنا
ياما وياما في وداعه تعذبت
وياما نحاول نفترق مااستطعنا
كم مرة ودع وكم مرة غبت
وكم مرة عقب الوداع اجتمعنا
لاقادر أنساه.. مهما تهربت
ولا معترف في حبنا .. مجتمعنا
=============================
سافر عسى ربي يحرسك وياقاك
هذا البخت عزاه وش في يديني
ياشين باكر يا حبيبي بلياك
لي جا وعدك اللي بوقته تجيني
=============================


وللمووضووع بقية ....

أغراب مثل النجم والشمس والليل
مثل الطيور مهاجرة دايم أغراب
=============================
وش تخفـــي الأيـــام لـــي شـــر أو خيــــر
وشلــون باكــــر وش نهايــــــة مصيـــــره
ويـــــاك تلعبــــي ريــــــاح التفاكيــــــــــر
تقبـــل علـــي مثـــل الغيــــوم الكثيـــــــره
بــس التمــس لــك عــن خطـــاك المعاذيـر
ولــي طاعنــي عــذر .. غدرنــي ضميــره
=============================
مـــا يفيـــــد البـــــوح فـــي همـــس الكـــلام
والأمانــــي مثـــــل مجنـــــــــون انتحـــــــر
يا شواطـــــي احضنــــي باقـــــي الحطــــام
واسألــــي عــــن طيـــف مشتاقــــه عبــــــر
يا دمـــــوع الوجــــد يـــا زخـــة غمــــــــام
كيـــــف ذاك الحـــــب يقتلـــــــه البشــــــــر
=============================
لـو ذقــت مــا ذقتــه مــن همــوم واحــزان
ان كـــــان مـــــا خليـــت نفســــي وحيـــده
لكـــن بـــــلاي انـــــك سعيــــد وفرحان
آمالــــــك تنــــــادي وروحـــــك سعيــــــده
العــــام أنــــا ابكـــي لــك محبــه وتحنــــان
واليـــوم أنـــا قدمــــت لـــك مـــا تريــــــده
علــى الثــرى بعثــرت لــك بعــض عنــوان
سافـــــرت أدور عــــن حيـــــــاة جديـــــدة
=============================
لا تحسبين الوقت صمته فضيله
صمت البحر تدرين عقبه عواصف
=============================
عجيب الحب والأعجب محبه تنتهي بفـــــــــراق
ومشاعر كلها تنزف من جروح تعانيهـــــــــــــا
وأحلام بناها إنسان وضيعها هوى العشـــــــــاق
وضيع حب هذا اليوم كل روح سكن فيهــــــــــا
خسارة ضاع معنى الحب والإخلاص والأشواق
خسارة صارت الأرواح ماض وفات ماضيهــــا
وهذا الحال والأيام في حبك تصيــــــــــــر أذواق
ولكن المحبة اليوم معدودة لياليهــــــــــــــــــــــــا
=============================
يا بحر مركب غرامي تاه وشراعي تكســـــر
والطريق اللي مشيته يا بحر دايم يــــــــــدور
قبل ما احضن فيك مينا واوصله قلبي تعثـــر
موجك الثاير جرفني ما ترك فيني شعـــــور
كانت الصدمه كبيره والالم اكبر واكبـــــــــر
كيف اجسد لك شعوري والحزن بين السطور
=============================
لميت جرحي واحتضنته وسافرت
ما للواداع بخاطري غير تجريح
ودي ولكني صمدت وتصبرت
واقفيت اشد اخطاي بالغصب لا اطيح
ما هو جفا.. انا سلمان ما تغيرت
عقب الوداع.. فراق ما هو بتلميح
ياليتني دمعه فراق وتبخرت
لا( احساس) لا ( وجدان) لا (قلب يصيح)
امشي على ذكراك ولا تعثرت
يا ساكن الوجدان بدون تصريح
ولو خيروني من الملا ما تخيرت
غيرك حشا وش فيه؟.. من هبت الريح
=============================
الله يرحم حبنا اللي قتلتيه
جفت دموعي والبقيه في حياتك
أنتي بديتي الحب وأنتي نهيتيه
إقرأي عليه الفاتحه في صلاتك
الله أكبر
من يسوي سواتك
مره لبستي الحب ومره شلتيه
هذا الهوى لا تحسبينه عبايتك
قلتي إحفظه تذكار وأقول مابيه
تذكار حبي
هو شهادة وفاتك
=============================
بودعك وأنتي إللي
ساكنة دمي
أبقي بعيدة وروحك
معي في ثيابي
وإن سولفوا في
حظورك عن بعض همي
قولي لهم كان يعشق
ريحة ترابي
قولي لهم :لأبلل دمع
الحزن كمي ..
هذي دموعه ولكن
هي من أسبابي ..
=============================
فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي
=============================
*إن كان دمع العين مايحرك شعورك!!!
فرصه سعيده وأعتبرنا أنتهينا!!!!
=============================
وشفيك مستغرب دموعي وشكواي... هي غرتك قوة عزومي وباسي
والله لو تعرف حجم بلواي... ان تصغر بعينك جميع المآسي
=============================
يوم شفتــك ما سألت
ضاق صـدري ما احتمـلت
قلـت يمكـن.....؟؟
البارحـه شكلك زعلـت
على الأقـل سمعني صوتـك
لا تعـذبني بسكوتـك
لو أنا أخطيت بعتـذر لك
يا اللي عمـري ما أمـلك
لا تشـك مره بغلاتـك
يا بعـد هالدنيـا...انت
=============================
كان الخطا في عالمك
شي عادي!
ماني من اللي
لاجرحته ضحك لك..!
=============================
ليت الزمان اللي جبرني اخليك
يمحى غلاك اللي مكن في فؤادي
=============================
أنا ذقت من ضيم الزمن ماتكلمت
الصمت له في بعض الاحيان ميزات
=============================
يوم انت ناوي تقتل العاشق جفا
ماقلت له حتى يهيئ للمفارق خاطره
=============================
تـدري وش اكبـر مشكـلـه واجهتـنـي
انـي أعيـش وكـلـي احــلام وامــال
=============================
اخطيت في حقي ولا كنك اذنبت
اللي يشوفك ما يقول انك اخطيت
=============================
اللي ذبحني يوم جيتك وصديت
وشلون تسألني عن اللي ذبحني
ماهي ميانه دام في حقي اخطيت
ماتدري ان الضحك هذا جرحني
خذني بقايا مابقى من بقايا ..
وان مابقابي شي خذني ولاشي..
واكشف عن جروح بوسط الحنايا
تلقاني الميت لو ان البدن حي
=============================
لحظه! قبل لا ترجـع السيـف للغمـد
قلب بدونـك وش يبـي فـي حياتـه؟
بـقرا على موت الهوى سورة (الحمد)
وان تمم (آميـن) ابدأ فـي مماتـه
عندي تساوت طعنـة الطيـش والعمـد
وعنـده تسـاوت كلمتـه مـع سكاتـه
=============================
ادرى انـك صرت ضـمن المستـحيل..
بس قلبى رغم بـعدك ما نسـاك..
وادرى انى مـنك ضيعت الـدليل
والسـبب لا شك هو كثره غـلاك
وادرى انـى من سبب بعـدك عـليل.
الله واكـبر صـار حبـى لى هـلاااااااااك..
وادرى انى ممـكن القـالك بـديل
بس وين اللى يــسـاويك.ّّّ!!!!
=============================
يحل دمعي واقهره داخل العين
مدري عدل للعين والا ضليمه
لا واللذي الف قلوب المحبين
ما حدرت دمعات عيني هزيمه
لكن بكت من الوفا والوفا دين
لاجل صديق وذكريات قديمه
=============================
من هو بقالي كان عني تخليت
وانت الوحيد اللي بعمري بقالي
الحب ماهو بس خذني وانا اجيك
الحب وقفه بين غالي وغالي
=============================
لالا تــقارن حب أمك بحـبي
أخـاف من عيـنك تـطيح الأمومه
أخشـى يقولون ماهو مـتربي
مـابي أشارك في عقوق الرحومه
يـا غايتي ماعاد فيني أخبـي
حبك تعــدى حدود النفس الكتومـه
=============================
أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات !
=============================
أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني
=============================
كان الخطى عنـدك تسويلـه حسـاب
ياكثر مـا تخطـي واشيـل الخطيـة
=============================
وشلون تنساني عسى الموت ينساك
شف دعوتي واحكم على من يحبك
=============================
اصبر
على غاليك
مهما يجافيك
يمكن
ظروفه ساهمت في بعاده
=============================
ماكل من يبعد عن العين
ننــــساه..
بعض البشــر طيبه
يسد بغيــابه..
=============================
(( وينك ؟
تعال و اظلمني بلاذنب و حساب ؟
ظلمك و لا عدل الزمن في غيابك))
=============================
عشقي لك أكبر من غلا إنسان لإنسان
إحساس ما كل البشر
يـفـهـمـونه
=============================
أشوف بعض اصحابنا
مايحنون،،
وأن الجفا من صاحبي
ماأستحقـــه،،
=============================
تبي الصراحه ما عرفنا نواياك *** تشد الحبل ثم ترجع وترخيه
لك مدتن وانت تكرر خطاياك *** ماني بجاهل تزعله ثم ترضيه
ان كنت ناوي بالهجر مامنعناك *** قبلك فقدنا من نعزه ونغليه
=============================
كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...
=============================
قد لي من اخبارك ومن صوتك ايام
وينك وش اللي شاغلك عن محبيك
كانه تغلي والله اني من اعوام
قد قلت لك والله ماحد يساويك
وكانه ظروف الوقت والوقت ظلام
الله يعديها وترجع لغاليك
=============================
قـل كــلامـا يـشـرح الـخاطـر أو ارحـل
لا تـطـولـها وهي عندي قـصيرة
ولوتـبـي تـزعل وأنا ما أخـطيـت ازعـل
وابتـعـد ما دامـت الـدنيا كـبـيره
فـوق هـذا والله إنـي ما أتـحمل
المشاعر من طباعي مستديرة
كان ودكــــ نـتـفـق بالـحب تـفـضـل
وكان قلبك مايــبــي موجود غيره
=============================
طال انتظار اللي يبي منك نظره
لا اقفيت عنه ولا تجملت ترضيه
طول به الميقاف واحتار في امره
وان جا بيمشي قال يمكن تناديه
كن القدم واقف على حر جمره
بين الرجا والياس ضاعت هقاويه
=============================
وللمووضووع بقية ....

لك في خفوقي ألف مرسى للأبحار
شد الشراع وشيل مرسى السفينة
أبحر عساك تكون للروح بحار
أمواج قلبي في يمينك رهينة
لجلك كتب أغليك بأصداف وأحجار
وفاض البحر للبر وأعلن رحيلة
=============================
بكره إذا قال القدر فيني قولة
وأرخيت جفني على مركبه وشراعة
الموت بكره إذا عانقت مرسولة
وأهديت لة عمري وداعة
وتوصلك أوراق بحروف الدم مكتوبة
وتصرخ ياليت ماضيقت صدر "سلمان" ساعة
=============================
ياللي من الصوت تعرف كل مافيني
وش ذنبي ان كانك اكثر شخص فاهمني
انا من الحزن ماجيتك تواسيني
حتى تجيني من الفرحه تكلمني
علمتني كيف ألم الحزن بيديني
واليوم كيف انثره؟ بالله علمني!
=============================
أمانـه قبـل أروح و ينتهـي كل شـي طالعنـي
عشـان تعـرف وش معنى العطـا قبل الأنانيّـه
أبرحـل والطريـق اللـي يـودي ما يرجعنـي
يبي يغنينـي الله عـن هوى حبـك و طاريّـه
خـذ البـاب بطريقـك والعـذر ماعـاد ينفعنـي
ترى ماعـاد لك قيمـه ولا للحـب أهميّـه
=============================
ما بقى بالقلب كود الذكريات
ولا بقى بالعين شي تدمعه
واهني اللي عيونه ساليات
ما شكت وجنات خده مدمعه
من دخل بحر الهوى ماله نجات
يجذبه قاع البحر ما يرفعه
ما بقى بالعمر يا كود الشتات
وما ذرته الريح محدن يجمعه
=============================
من بد خلق الله انا ليه بالذات
ما تمشي الدنيا على ما تمنيت
دمعي رجا خدي يعديه بسكات
وخدي عشان الدمع بيقول عديت
مرة النصيب يصيب ويخيب مرات
يا ليت لي صحبه مع الحظ يا ليت
=============================
صوتك يغيب ولا تغيب الموده..
باقي "غلاك" ولا تهزه مقادير..
يا صاحبٍ ماكان بالقصد صده..
غير الزمان بحكم ربي تدابير..
=============================
مهما يجيك من الخطا من رفيقك
حاول تقاضى والخطا لا يجي منك
ترى صديقك لو وقف في طريقك
مثل الرصيد ان قل وان زاد في البنك
واعرف عدوك قبل تعرف صديقك
ومن لا يحس بضيقتك مادرى عنك
=============================
جامل حضوري وابتسم كل ماجيت
وان رحت لو تدعي علي بالموت كيفك
=============================
لليوم احبك واتحدى بك الناس
وابقى حبيبك غصب عنهم وعنك
=============================
لاتصير قاسي مثل حظي والايام
تراك انت الامل اللي بهالدنيا معيشني
=============================
أكلمك والعذر حبيت أسلم
والا الصراحة ..مشتاق لك مووت
امانتك لاضقت مني تكلم
وانا اوعدك ..ماعاد اسمعك هالصوت
=============================
فمان الله يا عمري
يحفظك ربي مـن الـزلات
تحمّل بس في نفسك
ونفسي لا توصينـي
وأمانه لا نويت تـروح
فخلهـا بسكـات
تراك إنت الوحيد
اللي لا مـن راح ينهينـي
=============================
بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
=============================
الله يرحم ماضي الوقت وياك..
كان الوله زايد بقلبك عشاني..
واليوم مدري
(( ياهوى البال ))
وش جـــاكـ ؟
مات الوله في داخلك أو نساني..؟
حسبي على الي غرك اليوم وأغواك..!
هذا جزا حبي وشوقي وحنـــاني..؟
=============================
دنيا غريبه والبشر مثلها أغراب!!
لو هي صفتلك ماصفولك بشرها..؟
تعطيك من لذاتها كل ماطاب..
تغريك ثم تغرقك في بحرها..!
وأنا عطتني دنيتي أحباب وأصحاب..
اللي بنى دنيتي هو نفسه اللي دمرها..!
=============================
ضاق صدري وانت ما عندك خبر
كيف ماتدري وانا روحي معاك
لو سالت العين هلت لك مطر
وان سالت الروح تشهق من غلاك
هذا رقمي لو عندك نظر
ارسل رسااالة يسعد لي مساااك
وان نويت البعد ما عندي خبر
اصلا كيف ادري وانا روحي معاك
=============================
ليتك رخيص عندي يوم صديت***ليتك مثل غيرك من الناس عادي
=============================
جيتك بقايا روح في هيكل انسان
ابيك ترسمني للاحزان لوحة
ارسم وخذ مني دليل وعنوان
كيف الاّسى يغتال نفس طموحه
واعزف على قيثاره احزاني الحان
انا مودع وارتجيك السموحه
=============================
قبل انتـفارق سطرت لك يميني
آخر رسالة حب أودعك فيهااااا!!!!!
هذا قدرنا بالهوى صدقيني
الأيام ماتمشي على مانبيها
ودعتك الله وإن قسيييت أعذريني
وعيوبي اللي تعرفين استريها
وان كان عذبتك معي سامحيني
وانسى ذنوبي الاوله واغفريهاااا....
=============================
لا ينجرف فكرك ورى سرب الاوهام
ولا تعطي الفرصه تزيد بعذابك
وان كان فيه انسان سببلك آلام
واجد ترى يبغون حظرة جنابك
خلك كذا شامخ كما حال الاهرام
وانسى جروحك وانت فأول شبابك
=============================
تدري ليه الليل يتليه النهار؟
لاجل تفرج بعض ضيقة صابرين..
وتدري ليه الحظ مافيه اختيار؟
لاجل نبلى ثم نعين ونستعين..
وتدري ليه الله خلق قلبي يسار؟
لاجل قدرك دايم بصدري يمين
=============================
من قبل تعتذر تراني (مسامحك)
من جد تتوقع يفرقنا (خطأ)!!
=============================
لاســـلى خاطر ولا دنيا صفــــــة
كل ماضـــاقت تمنيـــت الرحيــل
=============================
يامبعدعن شوفةالعين لاباس"
أبنتظرلوفرقتنا اليالي ..
لولا الأمل مابه حياة مع اليأس ..
أبتحمل لرضاك فوق إحتمالي ..
أنت الوحيدالي ذكرتك من الناس ..
ولى ذكرتك كل شي طرالي ..
ليتك تناجي بلحشا صدق الاحساس ..
وتشوف وش سو غرامك بحالي.
=============================
تنحت بي الذكرى على سكة الحرمان
وأشوف الأمل بعيون حزني وحرماني
تحملت هم وضيق ما يحمله إنسان
يوم الزمان بكل شدة تحداني
يشم السعاده فاقد العطف والحنان
ظروف التعاسه وين ما روح تلقاني
=============================
نجتمع صدفة وتبعدنا ظروف
نلتقي ساعة وفرقانا سنين
يا كحيل العين لو أنك تشوف
جرحي اللي داخل ضلوعي دفين
كان ترحمني وفي حالي تروف
ما تطاوع بي كلام الحاسدين
أكتم الونات وأمسح بالكفوف
دمع عيني والخلايق غافلين
=============================
يحسدونا ليش يجمعنا الوفا؟
وليش باقي الكون متعود يخون!
=============================
بكرةإذاقال القدرفي
دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(سلمان)ساعه
=============================
قلبي خذاه اللي يحبه ويغليه...
وروحي معه بالحب غصب خذاها...
يموت في حبي وأنا
ميت فيه...
وأعطيه من روحي مثل ماعطاها...
حتى لوكثرالعتب والمشاريه...
مالي سوى نفس عطتني غلاها.!!
=============================
أنا طلبــــت الــغلا واللــــه يوفقنـــــي
واللــــه يوفــــقك باللــــي صـــارلك غالــي
مايمكــــــن اصبــــر اليــن المــوج يغــرقــني
اببتـــعد عـــــنك وارمـــي عنــدك حبــالي!!!!!
=============================
شفت المقفي
وربي ما أتبعه لو خطوتين ..
واصبعي ..
هو اصبعي ..
لامن غدرني أقطعه ..
بسألك سؤال واحد ..
والجواب بكلمتين !!
لا صار قدرك والهوى خصمين
من تاقف معه ؟؟
يا أخي العزه كرامه
وأنت دايم مستهين
يا أخي ضرسك لو عورك
بذمتك ..
ماتقلعه ،،
=============================
لا تعتــذر
أرجوك خل المعاذير
مافيه عذر
بين غالــي و غالي
دام القلوب
تكن حب و تقــديـــر
ودام الوفاء
يعني لنــا رأس مالي
خل العتب
يا شوق هو التحاسير
و أوعــدك
لأنسى كل ماهو جرالي
=============================
تطلـب نظــر عينـي وانا أقـول لـك:
" ســــم "
واعطيـك مطلــوبك لأنك حبيبــــي !!
مانـي بهــوى غيرك مولع ومهتــم.
لوهــو نصيبـي قلت مابــي نصيبـي.
=============================
إذا ماشلت همي من يشيله
وإذا ماشلت همك وش تبي بي
تصير الصداقه كذبه أو وسيله
وتوصل للمصالح يارفيقي
وإذا لي حبيب ماحس بخليله
هوت شمس المحبه في المغيبي
أبي أوفي دام لي قلب انتمي له
وبصدق لين عمري ينتهي بي
=============================
ماشفت بالدنيا على مر الاوقات
كثر العذاب اللي بها محتويني
الموج يلطم والعواصف شديدات
ولا بقى شي(ن) تطوله يديني
مليت أجامل وأكتم الجرح بسكات
وأنا هواجيسي تروح وتجيني
إلى متى عايش أسير المعاناة
إلى متى دنيا الشقا تبتليني
=============================
ما خفيته بقلبـك ينقـرا فـي عيونـك
لاتحاول تخبي لوعتـك فـي سلامـك
انت منت وطبعـك ماتبلـور بلونـك
تبتسم وحزنك ينعـرف مـن كلامـك
كل شي فيك ينطق حتى ثورة شجونـك
زادها الشوق غيره وانكشف لي غرامك
=============================

رحت لجل أرضيك من دون تجريح
ماودي أجرح غالي قد هويته
كنت الحياة الوافية والتباريح
وأصبحت جرح واضحاً ماخفيته
=============================
ابتعد في صمت وارحل في هدوء
واترك جروحي تنام وتلتئم..
وان سأل عني العواذل وانشدوا
قل لهم خان المبادىء والقيم..
سمني غدار او سمني عدو
وانت سمي نفسك ب"سيد الشيم"
اترك احزاني وارحل
يمكن جروحي تطيب وتلتئم
=============================
وللمووضووع بقية .....

قالت وداع وقلت لاترحل ارجوك
خل الوداع وضمني بين اياديك
انا دخيل امك وخالك مع ابوك
ودخيل كل اللي تحبه ويرجيك
لا تبتعد قلبي معك حيل مشبوك
واليا غبت عن عيني وشلون اراعيك
=============================
مصدر حياتي عزتي واعذرني
مقدر اواصل بالهوى حاني الراس
صحيح حبك نقطة الضعف فيني
ما انكرت لكن عزتي مالها قياس
=============================
قطرات الماء قد تثقب الصخر........ ليس ذلك بالقوه وانما بالتواصل
=============================
بكره تشوف اني على العهد باقي ..
وبكره تصحيك الليالي والايام ..
انا ادري انك منزعج من فراقي ..
لكن تراها ظروف واحوال !!
واحكام!
حبي ولهفة خاطري واشتياقي
تبقى ولوماجيت "100" عام ..
=============================
لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!
=============================
لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
ترديدها يرهب ويرعب شعـــــوري
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري
=============================
كلما جيت ابضحك .. استحيت وبكيت
وكلما جيت إبنهض .. اتعثر وأطيح
وكلما جيت ابرقد.. طال ليلي وسريت
وكلما جيت ابسكت قام جرحي يصيح
وكلما اقول مبرووك استرحت ونسيت
ارجع اقول.. مايحس.. بالحياه الذبيح
لودريت بطريقي ..اه.. لونـــي دريـت
ما مشيته سليم .. وجيت منه..جريح
=============================
تغيب إلاَ عـن الخافـق حبيبـي
بعيـد إلاَ مـن أفكـاري قريـب
=============================
ماهـو ضـروري كـل ماصـار عــادي
أنــا نسيـتـه وأنـت حاول تناسـاه
مستـوطـن قـلـبـي وقـلـبـك بلادي
وكل ٍ مـرده يـم داره ومــرباه
ودامـك تعـرف إنــك مضـنـة فــؤادي
خطاك لو يكبر على الكبـد مـا أحـلاه
مــا أظــن يستـاهـل علـيـه المبادي
حتى الأسف عليك أنا منك ما أرضاه
لاتـعـتـذر وإخذ الـكــلام الـوكادي
خطـاك أضمـه حيـل وأسـعـد بملـفـاه
مـنـك أسـتـلـذ الفلـسـفـه والـعنادي
المهتـوي يصـبـر عـلـى كــل مـاجـاه
حبـك خرافـي وأنـت غـيـر إعتـيـادي
حبـك عـمـى ياحـلـو حـبـك وعمـيـاه
=============================
كان الأمل بالناس يازين معدوم
ترى الأمل مازال بيني وبينك
طويت صفحة امس وعايش لك اليوم
والشمس تشرق من محيا جبينك
احساس غلاك صار بالقلب مفهوم
والعين لامن غبت تقول وينك ؟
=============================
يانور عيـــني فــــرقتنا المــــقادير,,,,,,والكل منا مبعدن عن خــــــــليله
حكم القدر ياصاحبي لازم يصــــير,,,,,,,وليا حكم محدن يحاول يزيـــــله
مدري من ايام الدهر حصل تقصير,,,,,,ولا صدوف الوقت صارت بخيله
=============================
هذا حظي من على الدنيا وعيت
كل ما اضوي شمعه في دربي طفت
مع جميع الناس ياربي وفيت
ليه بس اللي معي الدمعه...
وفـــت!
=============================
مليت جزر الوقت ومليت مده
مليت حتى ثوبي اللي انا فيه
وين انت ياللي بحر الايام تناديك
وين انت ياللي بح صوتي اناديه
ألحق على قلب تحبه وتغليه
قبل الشقى لايدفن ثياب راعيه
=============================
أجبرتني الحياة ان افارق من احب .. وعلمتني الأصالة ان
لا أنـسى00 من أفارق
=============================
روح بشر الي ينتظر يوم فرقانا ..
قله تفارقنا ولا يمكن نعود
=============================
صدمة شعوري
بالبشر ماهي غريبة
بـس الغريبة
( ليش أنا ماتعلمت )
=============================
ياما ترددت مدري كيف بشرح لك..
اجيك وارجع ابيك تقول :وش جابك؟؟
يا ابن الاوادم ترى مليت المح لك..
انا أعزك واحبك واعشق ترابك..
لاضقت أضيق ومتى ما تفرح افرح لك..
ولاغبت أموت ومتى ما شفتك احيابك..
=============================
"اسمع صدى صوتك"
وادورك وين انت؟
واصيح بين الناس
"سامعك وينك"
ردوا علي الناس
"مسكين ياانت"
اللي سمعته
"بين نفسك وبينك"
الصوت مصدره
داخلك انت
في وسط قلبك ساكن
"نور عينك"
=============================
خذ فؤادى وأنا راضى تجرحه..
لى فؤاد قد ماتجرحه مسموح..
بس سؤالى اللى ودى اطرحه
هو بقى بى أى مكان للجروح؟
ليش دمعى لانزل ماتمسحه؟
وليش دمعك قبل ماينزل أنوح؟
فينى حب ماأظنك تلمحه
ولولمحته ماتشوفه بوضوح!
=============================
لا تسألوني وش جرى في حياتي
خلوا همومي بالحشا مستقره
الصمت ثوبي والمواجع عباتي
والحزن كله وسط قلبي مقره
لو أستعين بواقعي وذكرياتي
أحياوأموت بالثانية ألف مره
همي تجمع من جميع الجهات
تجاوز حدود الفلك والمجرة
=============================
ترى طبيعي حبنا يومي أنهيه
من جرب الصفقة عذر وجه مصفوق
=============================
تعبت من دنيا كل ما فيها عصاني..
تعبت من هم حداني عالسهر..
ان قلت هانت جا خبر واشقاني..
وان قلت ابسلى زاد بي القهر..
=============================
انا اشهد ان لك غلى مبطي وهو فيني
قصة غريبة ولا ادري ويش اسميها
انا عطيتك حياتي قبل تعطيني
وغيرك عطاني حياته وقلت مابيها
=============================
صاحبي أفهم تراني بخليك
أبترك كلك وببقى لحالي
رح أنت في دربك عسى الله يهنيك
وأنا على دربي بلحق أمثالي
مافهمت القصد وتراني متحديك
فهمك لقصدي هو المحالي
أقصد بقولي إني بخليك
"هذا بعد موتي وبعد ارتحالي"
=============================
هونتها لكنها عيت تهون
لاقلت راح الهم الاقيه قدامي
فيني الم ما مر في قلب مطعون
فيني حزن ما مر فعيون الايتام
عاقل ولكن طحت في وقت مجنون
لا اخوان في جمبي ولا حولي اعمام
واللي ابي عونه لقيته يبي العون
اصحاب انا والهم واحباب ونمون
=============================
كني ليا من تذكرت ما فات
يتيم وطاحت في يدة صورة أمة
وقام يتذكر الليال القديمات
وقام يتذكر يوم كانت تضمة
وعود على دولاب أغراضة شتات
ثم شاف عبايتها وأبطى يشمة
وهلت دموع من عيونة غزيرات
يبكي ويمسح دمعتة فوق خدة
=============================
خلاص ماتبغى وصال المحبين؟
خلاص طحنا من عيونك ورحنا !
خلاص مافي شي يستاهل الحين !
يعني قدرتوا كيف تمحوا اثرنا
خلاص ماباقي سوى جرح ذنبين
ذنب السكوت وذنبنا مااقتنعنا!
خلاص طحنا من عيونك ورحنا
=============================
من عادتي مادس درب الهوى دس"
العب على المكشوف واكشف سواده"
من مدلي يمناه مديت له خمس"
ومن صد عني عفت شوفت بلاده"
لأني عزيز وعزتي تحكم النفس"
والنفس ماترضى بهون المكاده"
=============================
كل ماجيت ابتدي فيك انتهيت
وكل ماجيت انتهي شفتك بدايه
كل ماجيت انحرم منك اشتهيت
طعم حبك لين صرت لي هوايه
واهني اللي معك في وسط بيت
واهني أمك وأبوك والمرايه



واخيرا تم المووضووع ...
تحيااتي مجوودي

يسلموووووووو يالغالي على هالمسجاات وش كثرها بس موهوب مشكله وقت مانحتاج مسج بنسرق واحد قصدي اخذ واحد :ad:

العفو اختي الحلا واشكرك على المرور الكريم

هلا بك اخوي ماجد

مسجات رايعه يعطيك العافيه عليهم

ولو كنت حاط كل جزء في موضوع بروحه وبعد فتره يعني بعد يوم احس كان احسن

بس كذا بعد فله اخذهم كلهم بدقيقه

اختيارك رووووووووعه سلمت عليه

العفووو بس كذ1 تكوون متسلسلة احسن
علشان تفصلين النت وتجلسين تقرينهم كلهم بصفحة وحدة ههههههههههههه


واشكرك على المرور الكريم 0000

مشكوور مجوودي

على المسجات

و

على مجهودك الرائع

تحيـــاتي لـــــك

العفو اخووي صدى واشكرك على المرور الكريم 000