مشاهدة النسخة كاملة : مراحل نمو البنات((السحالي))


khaled
07-27-06, 11:37 AM
مراحل نمــــــــو البنات !!



أولا: مرحلة الولاده


البنت في بطن امها تسوي مشاكل وترفيس وتشويت وتتعرفط وتسوي حركات بهلوانيه وبعدين تولدها امها وهي تبكي وعلى فكرة صراخ البنت اذا انولدت يسمعه اللي باخر الدنيا لسانها طويل من يوم تنولد بعكس الولد اذا طلع من بطن امه يطلع باحترام وبلطافه ماشاء الله علي



ثانيا مرحلة الرضاعة


البنت تتعب والدتها بشكل رهيب و الولد في المرحله هذي طيب و حبوب و يقنع
بالقليل و البنت ما تقتنع ابد ،،،


ثالثا مرحلة الحبو


البنت اذا وصلت مرحلة الحبو لازم تكلبشها او تربط رجولها بسلاسل لان البنت اذا حبت حطت رجلها ويالله عاد دورها تلاقيها يا متكرفسه مع الدرجه والا غاطسه في البانيو ((الله يكرمكم)) والا شايفه لها صرصور وقاعده تفحط وراه تلاحقه .....




رابعا مرحلة المشي


هذي اخطر مرحله توصلها البنت وانصحكم ما تخلونها تدل مكان البقاله او مكان محل الالعاب لان من هذي الاشياء تبدا البنت تحب الاسواق والله يعينك اذا ما سمعت نصيحتي ....... انت جرب وخلها تروح معك للبقاله مره وشف وش بتسوي لك اذا بغت تشتري حلاو او لعبه ومارضيت توديها <<<<<< صدقني تكرهك بحياتك



خامسا مرحلة دخول المدرسة


المرحله هذي خطيره جدا .... صحيح البنت تروح للمدرسة تتعلم القراية والكتابه لكن فيه اشياء جانبيه بعد تتعلمها مع القرايه والكتابه راح تسالوني وشهي وكيف انا اقول لكم .....

البنت تروح للمدرسه ولازم انها تختلط ببنات ثانيات وبعدها تجي البنت الثانيه رابطه بكله ورديه لازم البنت تقلد عليها وتزعجك الييييييين تشتري لها مثل خويتها بالمدرسه يعني من هذي المرحله تبدا تقلد على البنات





سادسا مرحلة المراهقه




وهذي المرحلة تبدا دلاخة البنت .... مدري ليش اي بنت توصل لمرحلة المراهقة تصير دلخه ومخها يكون ضعيف افهمكم كيف؟

البنت حساسه جدا في جسمها وفي مشاعرها .... يعني لو تدف بنت وطاحت تكسرت حتت حتت وايضا لو قلت لها كلمه اهانة ولو كانت بسيطه او حتى مو قصدك تجرحها يعني انت تمزح , البنت ماعندها تفاهم على طول تزعل ...
حتى لو تمزح معاها في الماسينجر و تضحك على طول تزعل بدون سبب


أما

الدلاخه في انها تصدق اللي يمدحها او يتغزل فيها ,, البنت تصدق على طووووول


سابعا مرحلة العشرينات ( الشباب )



المرحله هذي مرحله حلوه مره للبنت لانها في المرحله هذي تبدا تعدل من اوضاعها وتصير راكده وتبدا تعقل شوي شوي .... بس المشكله ايش ؟؟؟

ان في هذي المرحلة تعرفون البنت يكثر خطابها يعني مضطره انها تكشخ بكل عزومه او مناسبة والام توديها معها لاي مكان تروح له

البنت اذا انحرفت في المرحلة هذي تنحرف بعنف والى الهاويةواذا التزمت التزمت بشده .((ان شاء الله بنات هالمنتدى من الملتزمات)).... وايضا في هذه المرحلة تظهر مواهب البنت اللي تخيط والا فنانة في تفريك الصحون والا محترفة في كنس البيت :والا اختصاصها غسيل وكوي يعني مواهب حلوه ......




ثامنا مرحلة الزواج




وهذي المرحله هي بداية تعاسة الرجل .. ماتجي الرجال المصايب الا من هذي المرحلة ,, يدخل البيت تستقبله الحرمه بريحة بصل او ثوم او يديها فيها صابون توها طالعه من المطبخ والا تستقبله وهي تزاعق عليه وتصفقه بوجهه بذيك الورقه اللي مكتوب فيها ( بصل ..... خيار ... ثوم .... جبن شامبو ضد القمل )<<<< على فكره هذا كله تمهيد وبعده تكتب ( مجلة سيدتي ... خاتم ذهب ... شنطة جلد سحلية .... فستان طلبيه اغلى شي ... تغيير اثاث الغرفه ..... اثاث جديد للصالة .... ولا تنسى تمر الصراف تجيب لي خمسة الاف باروح للسوق <<<<<< بعد كل هالطلبات وبتروح للسوق




تاسعا مرحلة الامومه


في هذي المرحلة تبدا المشاكل الكبيره بين الحرمه وزوجها ..... يعني الرجال اللي عنده عيال كثير هذا اقف له وقفة احترام وتقدير لانه صابر على زوجته ... في المرحلة هذي تلاقي الرجال يحاول يهرب من البيت كثير لكن وين ينحاش الحرمه وراه ورا والله ان تطلعه من تحت الارض وين ما يروح تلاقيه ..... اذا جلس الابو في البيت تلاقي وجهه احمرررررر من المنافخ على البزارين واذا طلع من البيت ينشرح صدره ويرتااااااح ... لاحظو ابائكم اذا هم بالمجلس كيف تكون نفسيتهم اكيد زفت .... مثلا الابو يجلس مع حرمته ويجيك ولده الصغير يلعب بالكوره عنده ويمزعه بجبهته بالكوره ويتصعفق عليه بريق الشاهي والابو يعصب والام تقول ماعليه توه صغير خله, احر ماعنده ابرد ماعندها واذا كان يبي يسولف معها يلاقيها متعلقه بسماعة التلفون ومعها كيس فصفص((لب))((حب)) وتقشم على براطمها وتملا الصالة قشام واذا خلصت الرجال يبي يكلمها وهي تقول بكنس الصاله <<< لاحووووووووول
في النهايه الموضوع للمرح والضحك فقط أرجوا أن ما أحد يزعل
تحياتي:
khaled

اميرة الصمت
07-27-06, 03:00 PM
يعني مو كاني شفت هالموضوع قبل بس بصيغة المذكر(((تحطيم مقصود للموضوع:0067: )))


يعني قبل كانو يحكي عن الشاب


ليش كيف اتغير الموضوع:0068: وصار يتكلم عن البنت:0068:








الله يعينكم علينا بس

ودائما مع الشعار الدائم





ما تقدرو تعيشو معانا وماتقدرو تعيشو من غيرنا

جآر القمر
07-27-06, 03:39 PM
خخخخخخخخخخخخخخخخخخخخخ
مرحلة المشي اطلق شييييي

يسلمووو خلووود

مـلاك
07-27-06, 03:53 PM
ههههههههههههههههههههههههههههههههههههههههههههه هه

اخي خالد .. كلامك لا صحة لة ابداً ..

ياريت تنضر في الموضوع مرة ثانية يمكن تغير اشياء مو شيء واحد بس ..

هع هع هع

يسلمووووووووووووووووو

khaled
07-28-06, 12:53 AM
ههههههههههههههههههههههههههههههههههه
أميره
متى صار على الشباب بعدين أعجبني شعاركم أكيد مانقدر نعيش من غيركم
لأنه لو ماكنتوا موجودين ماحصلنا أحد يشتغل عندنا:0068: ومشكوره على مرورك
عاشق
تصدق حتى انا معجبتني مرحله المشي ويسلموا على مرورك
ملاك
ليش لاصحه له هذي دراسات طبيه لكن قوليلي وين الخطاء ومشكوره على مرورك

الخيال
07-30-06, 02:40 PM
بعتقد نسيت مرحلة مهمة اخوي
مرحلة الوفاة
وهي وفاة اعتبارية (( الطلاق ))

او وفاة حقيقية

المهم بعد ثلاث ايام من هذه المرحلة بشقيها بنتزوج وحدة جديدة

سلام اخوي

قبطان في بحر الاحلام
08-16-06, 04:45 AM
ههههههههههههههههههههههههههههههههههههههههههههه ههههه ههههههههههههه
والله مشكله الدنيا حلوه
اوه يادان
قبطان

لمني بشوق
08-19-06, 09:15 PM
هههههههههههههههههههههههههههههههه
من جت قلق البنات
هع

khaled
08-19-06, 09:24 PM
هههههههههههههههههههههههههههه
ههههههههههههههههههههه
هههههههههههههه

ملاحظ أنت

مشكور أخوي لمحه على مرورك