مشاهدة النسخة كاملة : حـــلال للشباب.........حــرام على البنات


الحـ ك ل ه ـلا
09-02-06, 11:41 PM
اذا الشاب احب وبدأ يفكر بالغرام....يقولون عنه هذا كبر ما في مشكله هي مرحله مراهقه وطبيعي جدا.....


اذا البنت "فكرت" تحب...يقولون عنها هذي صارت بنت قليله ادب واهلها ما عرفوا يربوها


.+++++++++++++




اذا الشاب شغل الشريط ( الكاسيت) ورفع الصوت بيقولون عنه هذة حركات وهذا ولدنا ونعرف وش اهو يسوي(والله انك نايم على اذنك روح شوفه وين يروح ومن وين يجي)


واذا البنت سوت نفس الشي يقولون عنها بنت ما بتعرف الاصول وما بتراعي اشي.


+++++++++++++


الشاب مسموح يعرف بنات.


مسموح يقعد عالنت بدون حدود.


مسموح يحاكي بنات.
يقولون عنه(خله يتثقف الحين النت لغة العصر)

البنت يا ويلها اذا سوت هالشي
يقولون لها(انتين لا عندك احساس ولا ذميه وقومي غسلي اماعين احسن من هالخرابيط)


+++++++++++++++




الشاب.. ان طلع صوته بالبيت وقام يرفعه على اخوانه واخواته.. يقولون عنه : (ماشاء الله هذاكبروصار رجل يبغي يثبت وجوده)



البنت. اذا سوت كذا يقولون عنها(انتين ولد ولا بنت وما عندنا بنات ترفع صوتها في البيت ويالله انقلعي)


+++++++++++++++++


الشاب اذا اتبع الموضه ولبس اخر موديليقولون عنه( واحد شياكه ولا فيه اثنين زيه... وما عليه كلام)


اما البنت.. يا ويلها يقولون عنها( وحده عقلها فاظي وتدور على التفاهات والامور الماصخه)


++++++++++++++


الرجل الارمل... وهو راجع من دفن زوجته... يفكر بالمرأة الي بيتزوجها


اما المرأه الارمله... مئات بل الالاف القيود حولها


+++++++++++++


الرجل المطلق يحق له الزواج مره واثنيتن وثلاثه .....
(خله يشوف حياته)

المرأه المطلقه ضلع قاصر بالمجتمع..!! ممنوع عنها كل شيئ
(ان طلعتين من باب البيت حشيت ارجولك )


+++++++++++++++++

في النهايه

البنت دايما غلطانه



والى متى هذا التفكير في بعض المجتماعات و المنازل؟!!؟!؟!

الحــ كله ــلا

روح الورد
09-03-06, 01:17 AM
لا يوجد شيء في الدين الإسلامي مبــاح للرجل دون المرأه

أو العكس أي أن يكون مباح للمرأه دون الرجل ,, كلاهما سواسيه في نظر الشرع

حتى في الأحكام الشرعيه لم يفرق بين الرجل والمرأه ..

أما بالنسبه لوجهة النظر على ان الرجل لايعاب عكس المرأه ..

وجهة نظر جاهلية صراحة ,, لأن الرجل والمرأه تحكمهم أخلاقهم

وبالنسبه لي أنا الرجل أيضا يعاب ..

أشكرك الحلا كله على هالموضوع

بنت العرب
09-03-06, 02:14 AM
مشكورة اختي ويعطيج العافية على الموضوع اولا البنت سمعة يعني لازم ايحاسبونها على كل شي و الاشياء اللي ذكرتيهم ما تدل على الانوثة يعني اللي بتسويها بعد مو لازم اكمل الا عن الموضة اما عن الزواج فالرسول سن حق الرجال انهم اتزوجون بال4 وشكرا

لمني بشوق
09-03-06, 02:59 AM
اختي الحلا ..


الاسلام رفع قدر المرأءه .. وحفظها واكرم مكانها ..

واذا كان فرق بين الرجال والنساء فهو فرق شرعه الله ..


اما الفروق اللتي تتكلمين عنها ..

فأكثرها ليس لها اصل من الشرع يعني نصها حرام سواء سووها الشباب والا الحريم ..

بس مما عمت به البلوى ..

واصبح من العادي جدا عن الشباب ومن المحرم والمحظور عند البنات ..

وجهة نظر ..

اشكرك اختي الحلا على الطرح الرائع

khaled
09-03-06, 01:14 PM
أولا : مشوره أختي الحلا على طرحك

ثانيا : أختي انتي ذكرتي ان مسموح لشاب أغلب الاشياء

ليس هناك شي من هذه الأمور محلل لشباب محرم على النساء

كلهم متساوون


_ _ _

الشاب.. ان طلع صوته بالبيت وقام يرفعه على اخوانه واخواته.. يقولون عنه : (ماشاء الله هذاكبروصار رجل يبغي يثبت وجوده
__________________________________

هذا أمر طبيعي لأن الرجال قوامون على النساء ومن الضروري

رفع الصوت وحتى لو صلت لمد اليد أحيانا إذا لازم الامر

_ _ _

الرجل الارمل... وهو راجع من دفن زوجته... يفكر بالمرأة الي بيتزوجها


اما المرأه الارمله... مئات بل الالاف القيود حولها
________

ألم تسألي نفسك ماهذه القيود ؟؟

أنها قيود دينيه وأنتي

بكلامك هذا أعترضتي على أمر الله


وفي الأخير

أحب أن أقول ان الأسلام كرم الرجل والمرأه وأعطى كل ذي حقه

ليس مثل ما يتكلم (( ينبح )) به هذه الايام بعض ما يسمون بالمتفتحين بل (( العلمانيين ))

بالمطالبه بحقوق المراءه ومساواه الرجل بالمراءه .

و أكرر شكري لكي أختي على طرحك

الحـ ك ل ه ـلا
09-06-06, 04:43 AM
لا يوجد شيء في الدين الإسلامي مبــاح للرجل دون المرأه

أو العكس أي أن يكون مباح للمرأه دون الرجل ,, كلاهما سواسيه في نظر الشرع

حتى في الأحكام الشرعيه لم يفرق بين الرجل والمرأه ..

أما بالنسبه لوجهة النظر على ان الرجل لايعاب عكس المرأه ..

وجهة نظر جاهلية صراحة ,, لأن الرجل والمرأه تحكمهم أخلاقهم

وبالنسبه لي أنا الرجل أيضا يعاب ..

أشكرك الحلا كله على هالموضوع

صدقتي الكل يعاااب الرجل و المرأه

الله يعطيك العافيه نورتي بطلتك

الحـ ك ل ه ـلا
09-06-06, 04:56 AM
مشكورة اختي ويعطيج العافية على الموضوع اولا البنت سمعة يعني لازم ايحاسبونها على كل شي و الاشياء اللي ذكرتيهم ما تدل على الانوثة يعني اللي بتسويها بعد مو لازم اكمل الا عن الموضة اما عن الزواج فالرسول سن حق الرجال انهم اتزوجون بال4 وشكرا


العفوووو ويعطيك العافيه ان شاء الله

صدقتي البنت سمعه بس ترى حتى الولد

يعني سمعة الولد من سمعتة خواته يعني

اذا الولد طلع مو زيين في بعض الناس

لاجاو يتزوجون وحده قلنا البعض ينظرون

لي اخوانها فااذا لقوه مو زين يقولون

ماتنفع البنت ولا اذا قالو لناس وش رايكم

في فلانه بنت فلان يقولون ايه اللي اخوها

كذا وكذا وهنا يبـدأ التخريب يعني في كلا

الحالتين البنت و الولد لهم سمعه

نورتي يالغاليه بطلتك

الحـ ك ل ه ـلا
09-06-06, 05:00 AM
اختي الحلا ..


الاسلام رفع قدر المرأءه .. وحفظها واكرم مكانها ..

واذا كان فرق بين الرجال والنساء فهو فرق شرعه الله ..


اما الفروق اللتي تتكلمين عنها ..

فأكثرها ليس لها اصل من الشرع يعني نصها حرام سواء سووها الشباب والا الحريم ..

بس مما عمت به البلوى ..

واصبح من العادي جدا عن الشباب ومن المحرم والمحظور عند البنات ..

وجهة نظر ..

اشكرك اختي الحلا على الطرح الرائع

العفووو خيوووو يسلمووو على هالطله

وعلى الوجهة نظرك

الحـ ك ل ه ـلا
09-06-06, 05:08 AM
أولا : مشوره أختي الحلا على طرحك

ثانيا : أختي انتي ذكرتي ان مسموح لشاب أغلب الاشياء

ليس هناك شي من هذه الأمور محلل لشباب محرم على النساء

كلهم متساوون


_ _ _

الشاب.. ان طلع صوته بالبيت وقام يرفعه على اخوانه واخواته.. يقولون عنه : (ماشاء الله هذاكبروصار رجل يبغي يثبت وجوده
__________________________________

هذا أمر طبيعي لأن الرجال قوامون على النساء ومن الضروري

رفع الصوت وحتى لو صلت لمد اليد أحيانا إذا لازم الامر

_ _ _

الرجل الارمل... وهو راجع من دفن زوجته... يفكر بالمرأة الي بيتزوجها


اما المرأه الارمله... مئات بل الالاف القيود حولها
________

ألم تسألي نفسك ماهذه القيود ؟؟

أنها قيود دينيه وأنتي

بكلامك هذا أعترضتي على أمر الله


وفي الأخير

أحب أن أقول ان الأسلام كرم الرجل والمرأه وأعطى كل ذي حقه

ليس مثل ما يتكلم (( ينبح )) به هذه الايام بعض ما يسمون بالمتفتحين بل (( العلمانيين ))

بالمطالبه بحقوق المراءه ومساواه الرجل بالمراءه .

و أكرر شكري لكي أختي على طرحك


الله يعطيك العافيه خيو بكلامك

ღأتعبني غروريღ
09-06-06, 05:21 AM
يعطيكـ العافيهـ على الموضوع ..

واكتفي برد ضحيه ..

الحـ ك ل ه ـلا
09-06-06, 09:08 AM
يعطيكـ العافيهـ على الموضوع ..

واكتفي برد ضحيه ..

يعافيك ربي ان شاء الله منورره بطلتك:)

الحـلمـ الوردي
09-29-06, 03:38 AM
هههههههههههههههههههه

خخخخخخخخخخخخخ


لا وأزيدك من الشعر بيت


الشاب :يطلع ويدخل على كيفه ويقولون ولـــد بكيفه

أما البنات مافي طلعه إلا لشغل ويكون معها الولد بعد


الله يعينكم يالبنات بس هذي سنة الحياة


يسلمو جوووري