جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـن تسابـق ظلالـك

عرفت الحب بغيابي وعرفت انك معـي غلطـان
تاكد مـا يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك

لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك

اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك

تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك

بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفالـك!!

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك

أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟

تدل الدرب من دونـي وقدمـك سكـة الأحـزان
توكـل لا تنادينـي ويعينـك الله علـى حـالـك

وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك

غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك

ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

:'k:

سرابـ
كلمــاتـ خــلابهـ

وعــاطفة جــياشـة

إبــداع منــقـطع النظـير

ننتــظر بوحك الجديد

سلمت أناملك

مشكور ويعطيك العافية على هالكلام الحلو

ولاتحرمنا من مواضيعك المميزة ,,,,

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك


يسلموا سرااب


تقبل تحياتي

عاشق البرشا

تدل الدرب من دونـي وقدمـك سكـة الأحـزان
توكـل لا تنادينـي ويعينـك الله علـى حـالـك


روعه والله ..

مشكور سراب ..

لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك

والله كلااااام في غاايه الروووعه مشكووور وماقصرت اخوي سرااب وننتظر جديدك

يعطيكم العافيه مشكورين
تحياتي ســــــــراب