مشاهدة النسخة كاملة : *-. (_^_( قـالوا: يحـبك قلت: لا تظلمونه )_^_) .-*


شـقـاوـوـوي
08-26-05, 07:32 PM
(قـالوا: يحـبك قلت: لا تظلمونه )

السلام عليكم........
مجموعة مسجات يديده و احب اقولكم ان نص هالمسجات مقاطع شعريه

و انشاءالله تعيبكم
والسموووحه




انا ماجـيـت لـك لـعـبـة ولا كــذبــة تـصـدقـهـا
عـلـى وضح النقا مــلفـاي ولا أكابر بوجداني
أسامـر حرفـك العاشق وكل كلمة أعانقها
أنا ماأقـسـى رقـيـق قلب ولا ظـنـيت تنسـاني


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ

يا مخاوي الشوق نارالشوق بزياده
وكثرة همومي ولادري وش تواليها
اكتم بقلبي عذاب الوقـت وعنـاده
والونه اللي عن الحسـاد مخفيهـا
واخشي من الوقت والدنيا لها عاده
لا تامن المر لو زاد الحلـى فيهـا

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ


أنا آســـــــف
أنا مليــــون
آســـــــــــف

أنا ســــاذج
أنا أعــذاري
ضــعـيفــــه!

لأن الحـــب
يعني لي..
مـــواقــــف!

أترجمها من
إحساسي..
و أضيــــفه!

<حنين>
و
<شوق>
و
<شعور>
و
<عواطف>

(سهر)
و
(أحزان)
و
(دموع كثيفه)

أنا أســـتاهل!!
لأني كنت
عــــــارف
ربيـــع الحـــب
ما يعني..
خــريــــفه؟!

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ
حبيبي (0000)وينك ياعسى عمرك يطول
أنت للوافي وفا وانت للجاهل حلـــيم
المحبه طبع زين وفي سمااا دارك تجــــول
دربك الواضح مخلّي كل واحد يستقيــــم
أحسـد اللي مجاورينك حظهم منهو ينووول
جار ود وجار خير وداركم دار كريــم

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ


قـالوا: يحـبك قلت: لا تظلمونه
قـالوا : يبيـك قلـت : يا ناس تكفــون
أنـا عـرفته قبل مـا تعـرفـونه
مــا قــال احبك انتوا اللي تقولون
أنـا دخيـل الله لا تجـبرونـه
الحــب من رب السمــا خــالق الكــون

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ
ياصاحبي
كيف الجفا سيطر عليك
وابعد يديني عن يديك
كيف العواذل غيروك
وخليتني ابكي عليك
انت تدري
اني اعشقك وابغاك
وانت تدري
مالي غير مرساك
وشلون بانساك
وانت ساكن هنا وهناك
ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ



تنحت بي الذكرى على سكة الحرمان
وأشوف الأمل بعيون حزني وحرماني
تحملت هم وضيق ما يحمله إنسان
يوم الزمان بكل شدة تحداني
يشم السعاده فاقد العطف والحنان
ظروف التعاسه وين ما روح تلقاني

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ

أدري نفسي لها عندي حقوق؟
بس وش حاجتي بعمراً
كـله فـقدته
أذكر.. وش أذكر اليوم
يا شــــوق
أنتي وبس.. اللي بعمري
ذكرتـــه
مشـــكور
ياللي كل شيء فيك..
ذوق
حتى يوم ميلادي..
ما تجــاهلته
ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ



تسألني وش لوني !




لوني سمار الشمس
تهمك جنوني ترى جروحي خمس
<أول جروحي>
قلب ميت من الإهمال
<ثانيها>
صدمة حب مات برواقة بال
باقي ثلاث جروح بحكيها وأروح
<الثالثة>
أحزان من راسي لأقدامي
<الرابعة>
هجران ماتت بها أحلامي وماعدت
أنا أهتم بجراح ما تلتم
باقي الأخيره
الأخيره ضعف ونزف ودمع وقف
بالعين جمر حمر ماجف
<خامس الأخماس>
ما عاد بي إحساس
<وتسألني عن كيفي>


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ
ارفعت كف الوداع وادعتني
خلف ابوها وامها والجو خالي

اخطفت قلبي لحاله واخطفتني
ضيعت عقلي وجيت امشي لحالي

فرمتتني بالنظام وبرمجتني
واشغلت فكري وزاد ابها اهبالي


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ


سلام ياللي ناوي الفرقى عدد مافات
وتعداد ما مر السحاب وهلت مزونه

سلام من قلب سكنته انت والحسرات
غلاي تكفى يا مودع ناظري صونه

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ

فراق وكأنك تبيه فراق بفراق..
بس احترم لحظة الفرقا ومعذور..
ماجيتك ادور دروس بالاخلاق..
إن زنت لي زنت وإن ما زنت مشكور!
ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ



تبغي الوداع ..
ارحــــــــــــل ...
وسابق خطاويك ..
يمكن حياتك ..
تبتدي .. في ..
ذهــــــــابي ...


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ


مالوم قلبي لو شكا فقد غاليه
أشوف كل الخلق من حولي .. أغراب

لو قلت أنا بنساه ماني بناسيه..
حبه مشى في الدم في خافقي ذاب..

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ






~ صاح الخفوق ~
حتى حنيني و شوقي
واللي بقلبي بنثــره
~ فوق قرطاس ~

وشلون أهجرك وأنت
~ ساكن خفوقي ~
وشوف العوين تبادله
~ نفس الإحساس ~

أنت من بد كل الناس
~ تــبل عروقي ~
ونارك بقلبي ولعـت
~ ونشــد الناس ~


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ



راح اضيع نفسي من خوفي عليك
وراح ابحسب ماخسرت ومابقى
خايف إني أفقدك وأنا ابيك
ويمكن إني اخترت وياك الشقى
إن خذلت الود والملح بيديك
مايخونك قلبي اللي بك هقى
رغم هذا كله أحتاجك وابيك
لكن اخشى وش مصير اللي بقى

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ



ما عاد لي قلب ضلوعه تضمه
وش كثر راح من الشقا وش بقى كم
اللي رضع من عمر الايام همه
يموت قلبه ما تعافى من الهم
يا ليت لي جرح وينشاف همه
زود البلا من جرح ما شيف له هم


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ

+$وين أنت$+

لولا ك غالي ماقلت وين انت..؟
أشطب على اسم مثل باقي الأسامي..!
ماتدري إنك من حياتي تمكنت..!
سرقت (عقلي)وأنت منت
بحــرــرامي ..!
في سلبك عقول الأوادم تفننت..!
وأنا على شوفتك ولهان
ظــــــــامي !

ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ




لو ينشكي حبي على الغاط وسدير..
يبست مراعيها ولحدن رعاها..!!
لو ينشكي حبي على جمة البير..
خذت ثمان سنين ماشيف ماها..!!
لو ينشكي حبي على أم العصافير..
طارت وقضت عمرها في سماها..!!
ولو ينشكي حبي على هل المغاتير..
كلن يفك عقالها مايباها......!!


ΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩΩ

قررت أشيلك ياصاحبي وأداريك
في وسط عيني والمحاجر تحوفك
وإن هبت النسمه أغمض وأغطيك
خوف عليك ان الهبايب تلوفك
و اناظر الدنيا بعينك و راعيك
وادفى على نار الهوى بوسط جوفك
ومهما كتبت وقلت ماراح أوفيك





السموووحه من الكل








اخوووووووووووووووكم : شقاااااااوي

ذوق
08-26-05, 10:22 PM
الله الله
مسجاات في قمة الروووووعة
مشكوور اخوي شقاااوي

نملهـ طفشانهـ
08-26-05, 11:19 PM
يسلمووووو اخووي شقااوي على هالمسجااات الحلووه والله يعطيك العاافيه

الحـ ك ل ه ـلا
08-27-05, 08:38 AM
مسجااااتك مررررره حلوووه اخووووي الله يعطيك العافيه انشاء الله على هالمسجاات ولاتحرمنا من مسجااتك


اختكـ

الحـــ كله ــــلا

شـقـاوـوـوي
08-27-05, 08:00 PM
يسلموووووووووووووووووووووو و و و و و و

الجــــــــــــــــــــــــــــــــ م ــــــــــــــيــــــــــ ع

ولا يحــــــــــــــــــرمنا من ردووووووووووودكم

الرائــــــــــــــــــــــــــــــــ ع ـــــــــــــــــــــــــه

ولكم مني جــــــــــــــــــــــــــــــــزيـــــــــــــــ ل

الشــــــــــــــــــــــــ كـ ــــــــــــــر والتقديـــــــر

اخوووووووووووووووكم ::::::::: شـــــــــ ق ـــاوي

الهوى الغايب
08-29-05, 03:42 AM
مشكور اخوي شقاوي

جربوع لابس قبوع؟؟؟
09-01-05, 08:41 AM
يعطيك العافيه اخوي شقاوي

على هذي المسجات الروعه

دمت لنا بود......................