مشاهدة النسخة كاملة : مرثيه في القائد العربي


حلو الذكريات
02-04-07, 01:11 PM
--------------------------------------------------------------------------------

( مرثية صدام )

ياعين لا تبكين من مات مشنوق
.............................ابــكي على من مات ذل ومهانه
ابكي على من مات جايع ومحروق
...........................ولا على من ضيع الدين واركانه
ياعين هونك على الخدين برفوق
...........................انشهد انــك عقب شوفته غرقانه
ياعيد الاضحى خسرت اعز مخلوق
............................كـل العروبه على فـرقـاه ندمانه
لا عاد عيدٍ صباحه قطّع عروق
..........................يــوم الجزيــرة علينا بثّت اعلانه
القلب كنّه صباح العيد مسروق
......................اقفى مع اللي غزاه الغرب واعوانه
يوم اقبلوا به عليه الحبل موثوق
........................في صورةٍ من هدوم العدل عريانه
واقف يردد لسانه خير منطوق
......................شــهـادة الـدين والتــوحيد بـلسانه
مافيه خوفٍ ولا رهبه ولا عوق
......................راضي بحكــم العزيز الحـق سبحانه
شايل كتابٍ حفظه الله مــن فوق
....................سـبعـة سـمـوات مـن ابليس واخوانه
ياليتني بعد موتــه مت ملحوق
.....................اللــي رجـح بين كــل الناس ميزانه
صدام من دون شعبه لابسٍ طوق
.....................في عِزّه اقوى جيوش الكون ماهانه
مرحوم يامن على قبره بكت شوق
.......................ناسٍ تحب الشرف والعز عنوانه
الشمس وان غاب نوره بان بشروق
.....................والرد لاحان فيه اطراف خسرانه
( العوجه ) اللي بكت صدام بالسوق
.......................على جيوش الغدر تصب نيرانه
ياعــل قبرٍ حَظَنه انوار وبروق
.....................يـنـال مـن ربـنا عـفـوه ورضوانه


للشاعر بدر الفوزان الناصري التميمي يمنع النقل دون ذكر اسم الشاعر..

لمني بشوق
02-04-07, 01:20 PM
يعطيك العافيه اخوي حلو الذكريات

رحمة الله عليك ياصدام

لا تحرمنا جديدك

دمت بود

ईяőzeई
02-04-07, 11:19 PM
ونعم والله وصح لسانه ملايين

والله يرحم القائد شهيد الامة باذن الله

الف شكر لك اخوي حلو الذكريات على هالنقل المميز

لك كل الود..

حلو الذكريات
02-04-07, 11:22 PM
يسلمووو وكلكم ذوق