اقبلوهـا بعذاريبهـــا




دايم لياسجيت في مرتـع النـوق
وذعذع هوى الغربي يسار ويمينـا
تطرى علي ياأعز واحب مخلـوق
وابقا مع الذكرى وحيـد وحزينـا
وتكون العبره على محجرى طـوق
ويهزها طـارى الولـه والحنينـا
خليتنى في سجن غيبتك مخنـوق
صبرت مير ازريت عيـت تزينـا
مدرى هى الاقدار والحظ من فـوق
والا عمانـا مصـدره مـن يدينـا
ترى من الاحساس واللطف والذوق
في كل يوم تـدق تسـأل علينـا
معقول ؟ ماهزك ولاحسك الشـوق
ولاتفكـر ! ياهـوى البـال فينـا
مامر لى طاري..ولا رف.لك موق
حسبي على الاشواق بنت اللذينـا
يعنى حصيلي منك لوعات وعقوق
احيابهـا فـي مقبـلات السنينـا
وانا اللذي سويت فيك الف طاروق
وسارت بها الركبان مع كل فينـا
وغنيتها في كل رجم ٍ وممشـوق
في كل وقت وكل ساعـه وحينـا
هذا الاكيد..وكل مطـرود ملحـوق
((ونبشرك)) .. طبنا بعدك وسلينا
وأخذ الكلام اللى من القلب ماثوق
جبرتنـا ننسـا ..وشفنـا نسينـا
طار الغراب وحل فالوكر غرنـوق
والشيـب لاح بمفرقـي والجبينـا

رائعه
الله يعطيك العافيه