*********************************************** .

اهلاً يا جرح دقيت بابي
تفضل ومامن غريبين يمي

هذي تناهيدي وهذا عذابي
والشايب الي مرتكي ذاك همي

عفواً نسيت اعرفك في جنابي
انا الحزين ولد همي وغمي

اجلس على قلب من ايام طابي
وخذ راحتك والبيت بيتك ياعمي

تفضل إقدع من ثمار اكئابي
وسم وتقهوا من فناجيل دمي

واشرب من دموعي بكاس اغترابي
وسولف على كيفك ليا طاب ذّمي

وإقطف من ايامي وزهرة شبابي
في كفك اللي لا ذبح ما يسمي

أنا رويت بجيتك من سرابي
والاّ الزلال إليا شربته يضمّي

لا كيف ولا كم بدد صوابي
لا يشغلك يا جرح كيفي وكمي

ذا عقدي الثاني بدا وانتهابي
وإذا انفرط عقد العمر ما يلمّي



وسلامتكم

الله يسلمك اخوي على القصيده

تسلم يمناك

انا من ناحيتي أجيز القصيد وأتوقع انك جبتها على وزن البحر الطويل(الهجيني) واتمنى لك التوفيق في حلقاتنا الجايه(هيه يابو تراانا في منتدى احد قالك اننا في شاعر المليون).....

*********************************************** .

مشكوووووووووور اخوي الضاوي على المرور
ولك جزيل الشكر

*********************************************** .

مشكور اخوي العسلي على المرور
ونشكر ملاحظاتك القيمه التي يتعطش لها جمهور قناتنا المفضله
(( يبو قلبتها اعلام اركد تراك في المنتدى ))

ولا تحرمنا من إبداعاتك