*_* كل الطـيـــبــة *_*
08-01-07, 12:31 AM
في نقاش حاصل بسبب سواقة الحرمة للسيارة بالسعودية
انا ابغا رايكم بهالموضوع...؟
انا رايي ان سواقة الحرمة لا لا ليش نجي بالمنطق عشان اقنعكم
اول شي حرام تسوق الحرمة لان لازم تكشف عن وجهها... تمام
ثاني شي لو ساقت الحرمة كيف الشباب راح يسوون
انا اتوقع راح تسير ماساة لان عندنا شباب الله لا يبلانا مايصدقون يشوفون عباة تلاقيهم رايحين فيها ...
وبس ولي عودة
درة الخليج
08-01-07, 12:50 AM
اما عندنا عادي سواقة المراة وفي نسوان يغطون وجهم كامل
وعيالنا مايتحرشون في المراة الي معطتهم وجه
يسلموووووو ولي رجعه
الحمد الله على النعمة
همس الوجدان
08-01-07, 01:27 AM
مشكوور اخوي عالطرح الجميل
بالنسبه لنا عادي في حريم و عيايز بعد يسوقن منهن متنقبات ومنهن
موب متنقبات ما في مشكله اذا الحرمه تنقبت وساقت وبعدين موب اي
وحده تسوق يكون للشباب عذر انهم يغزلونها طلما انه الوحده محترة نفسها
وملتزمه وما طالع الشباب مستحيييييييل الشباب يطالعونها بالعكس
جيه تجبرهم انهم يحترمونها
مع احترامي لقوانينكم وعاداتكم
تحياتي
ღأتعبني غروريღ
08-01-07, 01:50 AM
اخوي كل الطيبه اول شي اشكرك على موضوعك
ثاني شي انا مو من المؤيدين لسواقة المرأه للسياره بس مو للاسباب اللي ذكرتها ..
اتوقع ان طبيعه المرأه نفسها ماتسمح لها بسواقة سياره .. مااعرف بس اتوقع راح تكثر الحوادث الله يكفينا واياكم الشر ..
وثاني شي راح تزيد زحمة الشوارع وحنا موب ناقصين والله خخخخ
زحمة الرياض ماتنطاق الحين اجل كيف لو ساقوا البنات ههههه !
ومااشوف ان المرأه لازم تكشف وجهها لما تجي تسوق ..ممكن تسوق بغطاء وجهها بدون أي مشاكل يعني هذا مااعتبره سبب
وجهة نظر .. ولي باك ان شالله
برايفت درة الخليج :
الحمد الله على النعمة
^
الله يديمها عليكم يارب ..بس الحمد لله حنا في نعمه أكبر بعد .. ومااتوقع انه لمجرد ان المرأه ماتسوق عندنا نعتبر ان حنا ناقصين ..
درة الخليج
08-01-07, 02:05 AM
لا ياقلبي ماقصت انكم ناقصين لاوالله حشى انا اقول الحمد الله على نعمة وبس الانسان لازم يتحمد على النعمه مب صح ياقلبي ولا تزول النعمه وان شاء الله مازعلاتي ض7
~][ جــــوووري ][~
08-01-07, 04:39 AM
اولا
[فقط الأعضاء المسجلين والمفعلين يمكنهم رؤية الوصلات]
على الموضوع
ثانيا
انا ماأأيد السواقه للحرمه
علما في ناس يحتجون بالمررره
لان ماعندهمـ من يقوم بحاجاتهم وطلباتهمـ
/
\
انا عن نفسي لو ايش ماسقتها
احسها للرجال مهما كان
/
\
واعتقد ان
مفاسدها اكثر من مصالحها
>> هذا معناه ان لها فوايد وكثيره
ويعطيك العافيه
ミحَــنوِوِوِن彡
08-01-07, 08:04 AM
صـــباح الخـــير
ببـــدأ بالمـــوضوع مــباشرة
اول نقــطه قــيادة المــرأه للسياره
تستلزمـ وتحتم عــليها كشــف الوجــه للتأكد من الهويه
فكيف تقود مــرئه السياره بدون الاطلاع على هــويتها لو كان الوضع
هـــكذا لأصــبح الوضع فــوضوي فمــا اتوقع راح تسوق المرئه بدون
هـــويه وانتم تعــرفون وش معنى هويه يعني لازم تكشف وجهها
للتأكد من الهويه هـــذا اولا
ثـــانيا المرئه ما سلمــت عندنا بالاسواق وهي بين الناس ومع وجود
الهـــيئه وامــن الســوق من المضايقـــات فكيف بتسلم وهــي بطرق
الـــرياض او حتى خــارجه ؟؟ !!
ثـــالثـاً واخــيرا احمـــدوا ربكم يا بنات السعوديه والله انتم في نعمه
تحـــسدون عليها كل الي تبيه يجيها دون عناء والطلعه يسوق فيها
ابوهـا ولا اخوها او اي احد كــان يعني مرتاحين لأخـــر درجه بنات
الغــرب يغارون منكم يسمونكم ملكات على هــالخدمات الي عندكم
شفــتوا كيف الدين رفع قدركم بينما شوفوا قدر المرئه عندهم ...
ارجـــو اني اكون وفيت وكفيت واعذروني على الاطـــاله
تحيااااتي وتقديري لمن طــرح الموضوع
*_* كل الطـيـــبــة *_*
08-02-07, 12:33 AM
تحياتي لكم كلكم وارائكم صح لكن وش نقول على الي يطالبون بسواقة الحرمة ...؟ هاذي نقطة اولى...
اما عندنا عادي سواقة المراة وفي نسوان يغطون وجهم كامل
وعيالنا مايتحرشون في المراة الي معطتهم وجه
يسلموووووو ولي رجعه
الحمد الله على النعمة
المشكلة يادرة مهي في الي تتغطى المشكلة في البنات الي راح يتكشفون ....
اكيد راح يتكشفون مو كل البنات واحد ..
تصوري الوضع بنت متضبطة والمكياج مالي وجهها يعني اخر اناقة..
يمكن يادرة ماتعرفين الشباب عندنا... جنووووون
قبل مدة يوم اعطى ملكنا الله يحفظة اجازة مدة يومين او ثلاث ايام
بسبب اجتماع الدول العربيه .. ماصدقو اهل الرياض وجو على جدة شوفو وش سار انا ما اعمم على كل بنات اهل الرياض لكن جو ثلاث بنات لجدة واستاجرو جمس وشوفي وش سوو راحو لشارع التحلية طبعا اشهر مكان بجدة وراحو رقص بالسيارة الشارع ذاك اليوم توقف وانا كنت موجود الشباب ماخلوهم وراهم كنهم مسويين زفة ..
المهم الشي المهم بالموضوع
انه هذا وهم بسيارة ومو هم الي يسوقون كيف لو طاحت سيارة بيدينهم وش راح يسوون ووش راح يسير بالشباب انا اتوقع مو خطف الا راح تسير مأساة اذا ساقو البنات...
وهذا الشي ما اعممه على جميع البنات في بنات محترمين مثلكم لكن البنت لو كانت محترمة لو ساقت راح تتاذا من الشباب ولا راح يتركوها بحالها ... صدقوني وانتو شايفين الوضع بالشوارع والاسواق مايبيلها ....
هذا رايي واذا غلطت في شي انا اتاسف وهذا الرائي يخصني انا فقط ...؟
تحياتي لكم وانشالله انا نرتقي بمنتدانا لاني شايف ركود حتى انا احبطت ماعاد ادخله كثير مافيه تفاعل...
واتقبل ارائكم بكل رحابة صدر ض9 ض9 ض9
~][ جــــوووري ][~
08-02-07, 06:22 AM
الغالي
كفيت ووفيت
سلمت يدياتكـ