مشاهدة النسخة كاملة : ܓܨ حــسّــيـتـوا بيهـــــم ولا لـــسّــه ؟!!! ܓܨ


عاشقة خيول العرب
03-01-08, 08:01 PM
موضوعـ سلمـ كآتبـ انآملهـ
حبيتـ انقله لكمـ ..
لمآ تعآنيه غزهـ
ربي فرجـ همومـ(ـن) في الفؤآد لهآ دبيبـُ
وعـ ج ـلـ لنآ بنصر فلسطينـ
.:.

قلبي انفطر
والشعب لسه بيختلف
بين الحجاب والمسخرة
معدش حد بيعترف
غير بالشطارة والقمارة
وناس تحب الفهلوة
وناس تموت فى المنظرة
يا شعب جبتونا لورا
شايفين صور متزيّنة
لعربيّة حلوة وبنت حلوة وفيلاّ حلوة
تحرك القلب فى شره
معدش حد بيفتكر أخرة حياته فى مقبرة
عايشنها لحظة
وهى ايه.. مبقتش طالبة عكننة
انا شاب كول عايش حياتي
ما تقولش موت ومقبرة
كانة سحر ومش حقيقة
بس حقة مدام محسش بالصور
ده شاب بارد
مش في قلبه ذرة ايمان بربنا
ودي بنت برضه فاكرة برضه
زي ناس بتقول بنعرف ربنا
واللى عارف ربنا
لازم يحس باي حاجة فى الزمن ده
مش كل حس بيبقى حب
وصوت موسيقى
وطير بيضحك في الشجر
مين اللي قال اني بحب
مدام بحبي بحب نفسي
ما دام بحس بكل حاجة
في عين حبيبي
بس مش حاسّه الصور
فوقي بقى
وفوق بقى ياللى انت قاعد
وكل يوم بيعدي عندك
مليون ايميل مليان صور

**********

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


امتى هتحس الحقيقة
وامتى تؤمن بالقدر
العيشة مش ورد واماني
وامنيات في دمنا
ولا اتخلقنا عشان نعيش
فى الدنيا نلهي نفسنا
ونقول بنسعد نفسنا
احنا اتخلقنا عشان نعاهد ربنا
على عهد يحفظ دمنا
جوّه الصور
برّه الصور
احنا اتخلقنا نُختبر
والدنيا اكبر مختبر
مين اللي عاوز كل حاجة فى دنيته
بس بعديها في صقر
ومين هيسعى في دنيته
بصوت سلاح او صوت قلم
او اي صوت
ويحس ايه معنى الألم
ويوجعه لون الصور
انا اتوجعت بكلمتي
ونفسي اعمل اي حاجة
وناس كتير زيي حاسه بذنبها
وسعات تكلم نفسها

**********
احنا اتخلقنا عشان نعيش
اشمعنا دول ما بيعشوش

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

احنا اتخلقنا عشان نغني
اشمعنى دول ملهمش وقت للغنا

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

احنا اتخلقنا عشان نشجع

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


عشان فى عز الفجر
ننزل للفريق نستقبله
والفجر يمكن كان بيدّن
بس فجر ايه اللي هننزل
من بيوتنا بالآلاف نستقبله
احنا اتخلقنا عشان نعيش
ونجيب فلوس ونشتغل
نختار عروسة حلوه لينا
ونجيب عيال وننشغل
ونعيش لحد ما يكبروا ويتجوزوا
وهكذا
ولحد ما يعدّي العمر
ونشوف نتيجه عمرنا
في كشف مقياس العمل
وياترى ناجح زي عادتي فى دنيتي
ولا اتلهيت فى المختبر


**********


يمكن غلط كل اللي كاتبه
يمكن باضيّع وقتي فيه
ومش هيعمل اي حاجة لما اكتبه
يمكن يعدي علينا واحنا نقلبه
ويبقى لون زي الصور
اما اللي شاف مقدرش ينظر للصور
هيقرى كل اللي اتكتب من غير زهق
هيحس قلبي اللي اتحرق
هيقولي رأيه فى القصيدة
وتعدي زي كلام كتير
عاش ومات جوه الورق
لو الاي كاتبه مش هيتحس بوجع
مش هيقدر يتنفض
ويعدي جدران الورق
ويغير الدنيا اللي باظت
ويهز دمعة كل واحد
ياخد قراره انه يغير فكرته
ويعيش لحاجة لأخرته
وينسى لحظة دنيته
يعيش يجاهد اي حاجة
اي ذنب معدش قادر يبعده
ما هو اي واحد يرمي نفسه لأي نظرة
واي شهوة
واي غنوة
واي واحد رامي نفسه في نار سيجارة
واي واحد نفسه يبعد ذنب عنه
بس حاسس قد ايه الضعف ماسكه
يبقى مش قادر يجاهد
وجهادنا فى زمانّا انهجر


**********

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

كانة مكتوب على اللي عايش
وصت البنادق والمدافع
ما هو برده مكتوب على القلوب
وسط الذنوب
اللي اتملت على العيون
وعلى المسامع مننا
يا نعيش نجاهد نفسنا
يا نعيش نغني لبعضنا
ونعيش ننعنش قلبنا
انا مش غلط طول ما الصور دي
وراها ناس بتتقتل
وناس هنا من اي حاجة بتتسطل
سعات بقول اشمعنى انا
بنط جوه الصورة ديه
واشيلة طفل فى وسط دمه

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

اشيله زي الاب دوّة واجري بيه
اشمعنى حاسس قهرته
اشمعنى باقعد زي دول وابكي برضه زيّهم

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

وكانى شايف دمهم
اشمعنى انا
وناس كتير عايشة الحياة مستمتعة

الصورة بتعدّي فى ثواني
زي صوره لأي لوحة فى سكته
يا قسوته
ده الدنيا هاتعدّي في ثواني
زي كل شخص عدى الصورة ديّه
ومش هيبقى الا اللي عمله
واللي حسه وحسته

**********


حسيتوا طيب ولا لسه

ولاّ من كتر الصور

ولاّ من كتر اللى ماتوا

ولاّ من كتر الاغاني والموضات

والتفاهة والكور

معدش يفرق عندنا

ان كنا شوفنا أو مشوفناش

وكأن كل الدم دوت
حبر أحمر فى الصور

كأن كاميرا مصورتش

وراها واحد قلبه موجوع وانفجر

عمال يصور طول حياته

واحنا بنقلّب صور

الضاوي
03-02-08, 12:59 AM
اللهم فرج كربهم وامنهم في اوطانهم
اللهم حرر فلسطين

ربي يعطيك العافيه على الموضوع الاكثر من رائع

عاشقة خيول العرب
03-03-08, 12:09 AM
اللهمـ آآآآآآمينـ

يسلموٍ ع المروٍر

.:.