ياللـي دفنتـوا جثـتـها.. لـيـه تبـكـون؟

لـولا الحيـا..لأقـول : معـكـم خـذونـي

منها انحرمت وكنت انا عنـها مسجـون

مـا أذكـر لمحتـها .. غيـر مـره بعيونـي

شفتـها ..وكانـت فرحتـي مالهـاحدود

عجزت لأوصف .. من لمحته شجوني

ياليتنـي ..كنـت الكفـن يـوم تمشـون

أبـقـى مـعـها بالـقـبـر ثـــم تدفـنـونـي




أو ليتني .. من خلفكم كنت (مجنون)

أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون

مـا يكفـي انـها عـاشت عمـرها بدونـي؟؟

تكفـون < هاكـم عمـري اليـوم تكفـون

بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون

ولا فادني دمعي .. حرق لي جفوني



يـا مـا بكيتـها والبكـي يحـرق عيـون

ميته أو انه حيه .. دمعي بعيونـي!!

العـام كنت بفرحتـها.. تعزف لـحـون

واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون

فوق الثرى .. واليوم موته سجونـي

(سميت قلبي عقب فرقاها مطعون)

هي و الليالي .. عن هناه امنعونـي



ياليتنـي.. ماعشـت لحـظـه بهالـكـون

و ياليت ربعي .. في سكات اذبحوني

وياليتكـم .. عـن همّـي اليـوم تــدرون

منها انحرمت > ومن عزاها .. احرموني

حتى بوفاتها !! يـوم أنـا طحـت مطعـون

أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون

أبكي وأقول : الموت هو سبة طعوني



م ن ق و ل

غ7

الدموع الساكبه اي والله محزنه وايد
تحياتي لك اخي العزيز

[فقط الأعضاء المسجلين والمفعلين يمكنهم رؤية الوصلات]



يسلموووووووووووووووووووو

هلا وغلا هدوء الفجر
حياك الله حبيبتي

مبدعُ تـنا ..



فاض نهر مشاعرك فخالجت بمعانيها حسي
وتردد صدى همسك بعذوبته ورقته في صدري
تقبلي مني باقة زهر تفيض لكٍ أعذب كلمات الاعجاب


لجمال ما خطته أناملكٍ الذهبية



دمتي ودامت دقات قلبكٍ


الــــــــــــضـــــاوي

(الضاوي)

عطرك ملأ المكان هنا

فأغرقنا بعبيرك

كلمات رائعة

سلمت اناملك اخي العزيز