مشاهدة النسخة كاملة : الطعنه اللـي من ورى الظهر تنهيــكـ ...؟


أمير بكلمتي
05-21-08, 09:41 PM
بسم الله الرحمن الرحيم

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
وأغلى من اخوانه بقلبه يعــــدك

ويا صاحبي هالحين بانت خوافيـــك
علقـــتني مابين مزحـــــــك وجدك

وش جاك مني ياعشيري وانا اخيك
قبل امس انا صاحبك واليوم ندك

لاضاق صدري من عنا وقتنا اجيك
واشوف دمعات الغلا فوق خـــدك

والحين تظلمني وانا منك وفيــك
بكل إحترام اقول يا خوي حــــــدك

ثمن كلامك يا عسى الله يهديك
لاصار ماي الوجه يعجز يـــــــردك

ثوب الردى ياصاحبي مايقديك
الثوب لا ثوبك ولا القــــــــد قــــدك

انا اول انسان اذا ضقت بجيك
حتى ولا اذكر يوم وقــفت ضــــدك

ماتذكر اني بالوفا كنت اجازيك
وانته تجازيني بظلمك وصــــــــدك

لكن خلاص اليوم والله مابيك
النفس طابت ســــو ماهــــو بــودك

المــــــــــــهــــــــــــره
05-21-08, 10:54 PM
امير بكلمتي

كعادتكِ

نزفتِ بعُمق و صدق

كلمات رائعه تلامس القلب و تؤسر النفس


أتمنى لكك مزيدا" من التقدم

تقبل تحياتى و احترامى

أمير بكلمتي
05-21-08, 11:51 PM
يعطيك العافيه يالغلا والله اسعدني تواجدك وردكـ الحلو مشكووووره يالغاليه على مروركـ العطر