قصيدة>ابد< قصيده مبكيه ..ادخل وشوف
 

بســـــــــــــــــــــم اللـــــــــــــــــــه الرحمــــــــــــــــن الرحيــــــــــــم
كيفكم حبايبي انشالله بخير...
اليوم انا جايبتلكم قصيده مرررررررررررره مؤثره وقصتها ماتتصدق وكمان تبكي ما ابي اطول عليكم نبدأ بالقصه:
كان <<كاتب القصيده>> له علاقه مع بنت وكانت عنده شي عادي يعني كان يوسع صدره عليها زي اغلب الشباب الحين بس يوم عن يوم صار يتعلق فيها اكثر ... المهم ابو الشباب حبها وصار اذا مر يوم ماكلمته ينجن
البنت طفشت وقالت لازم احط حد لعلافتنا مو معقوله نستمر يعني مهما طول الموضوع اكيد رح ينهتي...
وطلبت منه انه يخطبها وهو بسرررررعه وافق وكان صادق بس كان يمر بظروف فقال انه رح يخطبها بعد مايرتب اموره...
بس للاسف فيه غيره سبقه وتقدم للبنت وكانت مواصفاته حلوه ابوها واخوانها وافقوا بس باقي موافقة البنت..
خافت انها اذا رفضته يشكون اخوانها وهي اساسا ما كانت مصدقه انه رح يتقدم لهافوافقت عليه
مشت الامور وحددوا يوم الزواج والبنت كانت مرتاحه معاه...
اخونا الشاعر لما عرف السالفه ما سكت كتب القصيده وراح بليلة زواج حبيبته وسلم على العريس وباركله والقى القصيده عليه...
القصيده:
ابد ماجيت اباركلك ولكن جيت ابا وصيك::.
على اللي ناوي تدخل بها الليله معذبــــــــــــــــــــتي::.
ترى لولا الظروف اللي عطتك وحدت محاكيك::.
قسم بالله ماتدخل عليها لو على رقبــــــــــــــــــــــتي::.
ولكن النصيب اقوى ولا ادري ويش اسوي فيك::.
نعم صارت معزبتك ولا صارت معزبــــــــــــــــــــــــتي::.
كذا شاءت بنا الاقدار تحرمني لجل تعطيك::.
كذا لا زم عشان تفوز انت اخسر بتجربـــــــــــــــــتي::.
تراها غاليه جدا وتكفى والله يخليك::.
تدللها تدلعها تنسيها مصاحبـــــــــــــــــــــــــــــــتي::.
انا من كثر مغليها احس اني بديت اغليك::.
ولا تسأل باية حق ولا وش مناسبــــــــــــــــــــــتي::.
لأنك لو بتسالني بتسمع شي مايرضيك::.
لذا ياخوي لا تسأل ولا تسمع لاجوبـــــــــــــــــــتي::.
ابيك تحطها في داخل عيونك وبين ايديك::.
وهي دلوعه اعتادت على كثرة مداعبــــــــــــــــــتي::.
تداعبها شوي شوي حتى تشتهي طاريك::.
وشاغبها الين تقولك بطل مشاغبـــــــــــــــــــــــتي::.
واذا هي مالها خلقك ولا تضحك ولا تسليك::.
تحملها وسألها ياعمري ليه عصبـــــــــــــــــــــــتي::.
فبالك اسمع انك بيوم تضربها وهي تشكيك::.
ما يحتاج اوريلك بفن الضرب موهبــــــــــــــــــــــتي::.
صحيح انك بتملكها ومعاك الصك بالتمليك::.
وانا عارف حدود الله ومن حقك معاقبــــــــــــــــــتي::.
ولكن قلها المجنون وصاني وهو يعنيك::.
يقول انه بينتظرك ولو شيب وشيبــــــــــــــــــــــتي::.
وانا مجنونها اللي مانساها وانت مايمديك::.
تغطي ذكرياتي في هواها وربع تجربـــــــــــــــتي::.
احس اني تماديت بكلامي والغضب حاديك::.
ولو انك في مكاني ما تفكر في محاسبــــــــــــــتي::.
كفاك اني تركت الليله اشغالي عشان اجيك::.
دخلت القاعه برجلي ولا ادري ويش عاقبــــــــــــــــتي::.
وانا ما جيت اخرب عرسك الليله ولا اذيك::.
انا جيت ابخاطبك واسمع مخاطبـــــــــــــــــــــــتي::.
توصى وانتبه واحرص عليها والله يهنيك::.
ترى كل الكلام اللي طلع من ضيقي وكبــــــــــتي::.
ولكن ما قدرت اني اقوله وانت مايخفيك::.
اخاف اني اذا قلته تقوم وتقطع رقبــــــــــــــــــــتي::.

ق7 ق7 ق7
النهااااااااااااااااااايهــ
بصراحه القصيده اعجبتني وقلت لا زم اقولها لكم
اتمنى انها تعجبكم


تحيــــــــــــــــــــاااااتي للجمــــــــــــــــــــيع...

رد: قصيدة>ابد< قصيده مبكيه ..ادخل وشوف
 

نشكرك على القصة والقصيدة علماً ماهي قصيدة بل

قد تكون خاطرة طبعاً لاسباب انتي تعرفيعا ما يحتاج شرح

عموماً تسلمين

المدى البعيد

رد: قصيدة>ابد< قصيده مبكيه ..ادخل وشوف
 

رد: قصيدة>ابد< قصيده مبكيه ..ادخل وشوف
 

.... لا هذا صدق اعرس عليها ......

... فتاااهـ القمر ......


.... اشكركـ كل الشكر على مواضيعكـ الراقيه والحلوهـ .......


... ارق واجمل تحيه ازفها لكـ ........


....أمــــير بكلمتي ....

رد: قصيدة>ابد< قصيده مبكيه ..ادخل وشوف