|
هل تتزوج فتاه كنت على علاقة بها؟ سؤال للنقاش
السلام عليكم هل تتزوج فتاه كنت على علاقة بها؟ سؤال للنقاش محادثه هاتفيه بين خالد و بدر نبدأ بالمحادثـــه الووو هلا خـــالد أنا بدر هلا خالد ... بدر : عندي موضوع ابغى اكلمك فيه بخصوص بنت وش رايك في هذه البنت تكلمني وتبي تتزوجني البنت محترمة وماترضى تعمل اي غلط خالد : اها طيب ليش ما تتزوجها ؟؟ بدر : لانها رضت تكلمني خالد : بس انت تقول انها محترمة وانت تعمقت معها؟ بدر : صحيح وهي محترمة جدا لكن..!!. خالد : لكن ايش ؟ بدر : اكيد كلمت غيري لانها كلمتني !! خالد : مب شرط !! بدر : الا شرط خالد : لكنك تكلمها من فترة طويلة ولما جا وقت الجد وقلنا زواج تهربت !! بدر : صح لكن ....... عندي مبدا اللي كلمتني تكلم غيري وتخون ..!! ويستمر الحديث الذي لا ينتهي ......... برأيكم هل تقبل ايها الشاب ان تتزوج من تلك الفتاه التي اقمت معها علاقه سابقه؟ وبرأيك ايتها الفتاه هل توافقي على الزواج من ذلك الشخص ؟ هل ينجح هذا الزواج ...؟ ام ان الشك يسيطر على الطرفين؟ انا اقول ا كيد راح يسيطرعليهم الشك لانهم يتذكرون الماضي واتمنى ان اسمع اراء الجميع من الشباب والفتيات بأنتظاركم تحياتــــي : خـــالد |
رد: هل تتزوج فتاه كنت على علاقة بها؟ سؤال للنقاش
اخي الكريم خالد ..
مشكور على الطرح الجميل .. انا بوجهة نظري .. البنت حتى لو كلمتها جوال .. وتأكدت منها .. ووثقت فيها .. فليش ما تتزوجها .. وبالذات اذا كانت علاقتكم مبنيه على حب .. وجهة نظر .. اشكرك اخي خالد مره اخرى .. |
رد: هل تتزوج فتاه كنت على علاقة بها؟ سؤال للنقاش
مشكور أخوي ضحيه
على مرورك وأبداء وجه نظرك |
رد: هل تتزوج فتاه كنت على علاقة بها؟ سؤال للنقاش
موضوعك جدا حساس ويستاهل النقاش فعلا ,,
لكـن ليه مايتزوجها إذا هو فعلا حبها ,, ووثق فيها ,, وشاف إنها تنفع تكون ربة بيت ومربية أجيـال ,, لكن للأسف الشباب ماخدينها للتسليه وتضيعة وقت .. والمفروض نفس البنت تبعد عن هالشاب إذا شافتو مو كفؤ وشافت إن هذا تفكيره على كذا هالشاب لايتعب نفسه ويفكر يحب أو يكلم بنت ,, أما بالنسبه للبنت .. فأكيـــد مافي وحده تحب شخص إلا وتتمنى أنه يكون من نصيبها ,, وفارس أحلامهااا لكن للأسف تنصدم دايما بمنطق وواقع هالشاب اللي يحط أهله وعاداته وتقاليده حاجز في هالموضوع ,, وبالنسبه لإستمرار الزواج .. يستمر أكيــد ليه لأ ,, أنا أعرف ناس متزوجه عن حب .. وحياتهم الان ولا أحــلى ,, لكن أهم شي إن الثقه تستمر والحب يستمر ,, وأشكرك على هالطرح خــالد |
رد: هل تتزوج فتاه كنت على علاقة بها؟ سؤال للنقاش
والله موضوع يحتاج نقاش وتفكير مشكوووووور وماقصرت
|
رد: هل تتزوج فتاه كنت على علاقة بها؟ سؤال للنقاش
لكن للأسف تنصدم دايما بمنطق وواقع هالشاب اللي يحط أهله وعاداته وتقاليده
حاجز في هالموضوع ,, _________________________________ ريم أني ذكرتي أن البنت تصدم بواقع الشاب طيب ليه مايصير العكس ؟ والشاب هو الي ينصدم بالفتاه وأشكرك أختي على مرورك و أبداء رأيك |
رد: هل تتزوج فتاه كنت على علاقة بها؟ سؤال للنقاش
مشكور أخوي ميشو على مرورك
|
رد: هل تتزوج فتاه كنت على علاقة بها؟ سؤال للنقاش
ممكن ياخالد يحصل العكــس
لكن لو تلاحظ إن الأغلبيه اللي يمتنعو عن هالزواج اللي بنتكلم عنه يكونو الشباب .. |
رد: هل تتزوج فتاه كنت على علاقة بها؟ سؤال للنقاش
ريـم الشاب ما يمتنعوا ألا ولديهم الأسباب
والاسباب المقنعه أيضا مشكوره أختي ريم على تفاعلك ويعطيك الف عافيه |
رد: هل تتزوج فتاه كنت على علاقة بها؟ سؤال للنقاش
مافي أسبــاب مقنعه تخليه يبعد عن البنت اللي حبهاا
إلا إذا كان نفس رفض الأب والأم ,, وأكيـد لأنه أهم شي رضا الوالديـن,, |
رد: هل تتزوج فتاه كنت على علاقة بها؟ سؤال للنقاش
أخي خالد
موضوع جميل للنقاش للأسف مثل مااقلت .. الشباب مايمتنعوا الا ولديهم أسباب أقولك يالغالي .. غلطان والله لا أعذار ولا شي وبالنسبه لو كان على حال الوالدين وانهم ما يرضون هو بمزاجه .. لو كان الموضوع مهم بالنسبه له .... صدقني راح يقنعهم وانا ويااك شباب ونعرف هالحال زين والسالفه اللي عند الشباب .... تسليه لا اكثر ولا اقل وكل واحد اليوم يفتخر بكم بنت معاه بالجوال .... نسأل الله كمال العقل والأنسان اللي يتعرف على بنت .. ويتعمق بحياتها ويعرف كل صغيره وكبيره عنها وبالأخر يوم يجي وقت الجد .. ويتخلى عنها .... هذا للأسف ماعنده لا دم ولا قلب أصلا ً لأنه هي لو وضعته ... بهالموقف ..... بالله عليك وش راح يسوي ؟؟ ورب الكعبه ... راح يقوم الدنيا ويقعدها !! بنت تسوي في كذا .... افااا مايصير وربي أن هالموضوع تدمع له القلوب قبل العيون أسال الله أن يربط على قلب كل فتاه ... وتبتعد عن هالأمور حتى لو شافت غرامها بعيونه مشكور اخي خالد على الموضوع لاعدمنا تواجدك دمت بخير أخيك ....... معاند جروحه |
رد: هل تتزوج فتاه كنت على علاقة بها؟ سؤال للنقاش
ريم رفض الوالدين ماعليه كلام
ولكن أغلب الي أسمعه من أسباب الرفض أنه يقول الي كلمتني أكيد عندها أستعداد تكلم غير ................... مشكوره ريم على أبداء رأيك |
رد: هل تتزوج فتاه كنت على علاقة بها؟ سؤال للنقاش
والسالفه اللي عند الشباب .... تسليه لا اكثر ولا اقل
وكل واحد اليوم يفتخر بكم بنت معاه بالجوال .... نسأل الله كمال العقل _________________________ أخوي معاند كلامك صحيح 100 % ولكن أحب أن أقول أن البنات أيضا نفس هذا الكلام أي كلهم متساوين ومشكور أخوي معاند ويعطيك الف عافيه على أبدأ رأيك بكل صراحه |
رد: هل تتزوج فتاه كنت على علاقة بها؟ سؤال للنقاش
لا اخوي خالد دائما البنت لما تحب تتمنى ان يكون الشخص من نصيبها ..
لكن كثير من الشباب لما يحب او اسم يحب .. يكون تسليه .. مستحيل يتسااوو .. اما بالنسبه لرضى الوالدين لو يبي يقنعهم يقدر .. اما لو هو ما يبي << هنا المشكله مشكور خالد .. |
رد: هل تتزوج فتاه كنت على علاقة بها؟ سؤال للنقاش
طيب خلوونا نفسـر مواقف المعنيين بهالنقاش ,,
الوالديـن < وأجمعتو إنهم مابيسببو أي مشكله ,, البنت < بالعكـس بتتمنى إنها تتزوج من الإنسـان إللي حبته ,, الشـاب < ممكن يرفض هالزواجه بسبب إنها كلمته << كأنه صار سبب بايخ وتافه ,, البنت لو ماحبت هالشاب ماكانت راح تفكر أو تتجرأ بإنها تكلمه ,, لكـن للأسف الشاب دايما يقول اللي كلمتني أكيـد راح تكلم غيري ولا كلمت غيري طيب كلمت غيرك ((ماضي وإنتهى)) وراح تكلم غيرك ((وقتها لك حق إنك ماتتزوجها)) أعتقد إن السبب الرئيسي صار واضح من عدم موافقة الشاب على هالزواجه وهو التسليـــه ,, |
رد: هل تتزوج فتاه كنت على علاقة بها؟ سؤال للنقاش
اختي ريم اتفق معك باشياء واخالفك باشياء ..
اقتباس:
طيب كلمت غيرك ((ماضي وإنتهى)) << لا الشاب ما يرضى تكون كلمت غيره .. تكون كلمت الاول وكلمتني واكيد بتكلم غيري .. مافي شي اسمه ماضي وانتهى .. يمكن تقولو ليه الشب لما يكلم عشره ولما يجي يتزوج ما يجيبو طاري والبنت غير.. ما اعرف الجواب بس اعرف لانه ولد وهي بنت .. وراح تكلم غيرك ((وقتها لك حق إنك ماتتزوجها)) اتفق واختلف معك فيها .. اذا كانت مكلمه احد قبلي فانا ما ابيها .. اما اذا انا اول واحد وتأكدت ووثقت فيها فمو من حقي اكذب عيها ولا اقولها ماني متزوجك .. اما عدم موافقة الشباب وشببها التسليـــه ,, فهذا مو شرط عند كل الشباب .. |
رد: هل تتزوج فتاه كنت على علاقة بها؟ سؤال للنقاش
نسيت نقطه مهمه اهملنااها ..
وما اظن احد يخالفني فيها .. ان حتى البنات في كثير منهم للتسليه ويكون الولد هو المظلوم .. مثل بنت البطايق والمصلحه .. << هذا النوع معروف عندكم كلكم على ما اظن .. الولد يحب ويتعلق وهيا كل همها المصالح .. هذي على قولت ريم تسليه .. |
رد: هل تتزوج فتاه كنت على علاقة بها؟ سؤال للنقاش
ريم _ ضحيه
الف شكر لكم على تفاعلكم وأبداء ارأكم بكل صراحه وبالنسبه لي ماعندي شي لأقوله أخوي ضحيه كفا ووفا |
رد: هل تتزوج فتاه كنت على علاقة بها؟ سؤال للنقاش
ولم لا هل يعنى نعنقد
ان غيرها التى لم تعرفها ولم تتحدث معها تكون لا تعرف غيرك قو قلبك وأدعم اذا عندك ذره من حياء من الله وخوف منه |
رد: هل تتزوج فتاه كنت على علاقة بها؟ سؤال للنقاش
السلام عليكم ورحمة الله وبركاته
أنا بصراحه بقولكم حاجه أغلبية الأولاد ياخذونها تسليه انا أقول اغلبية يعني مو كلهم وبالمقابل في بنات ياخذون الموضوع برضو تسلية بس بنسبات اقل من الاولاد بكثييييييييييييير المهم انا اقول اذا كان في ثقة وحب بين الطرفين الله يهنيهم ويسعدهم انشالله وبالنسبة للي يتعذر بأسباب الأهل و انو مو من مواخيذنا ولا زي كذا أنا أقول أن الشاب يعرف من قبل أنو أهله بيوافقون على البنت ولا لا من البداية هو عارف ومثل ماتفضلو الأخوان أنو لو يبغى يقنعهم يقدر يقنعهم وهذا اللي عندي والله يهدي شبابنا وبناتنا انشالله قولوا آمين ومشكور أخوي خالد على طرحك الموضوع الجميل وأشكر أخوي ضحية خيانه على كلامه الرائع وتفاعله مع الموضوع وأشكر اختي ريم على كلامها الجميل وتفاعلها والله يوفق الجميع ويكتب اللي فيه الخير |
رد: هل تتزوج فتاه كنت على علاقة بها؟ سؤال للنقاش
حلووو الموضوع سوف انقاشه بطريقتي بدون تحيز
وش فيه البنت تكلم حتى لو تزوجتها مثل ودق تلفون البيت اللي كان يرد رجال بترد الا الا بتقول رجال وانا متزوجه المفروض ماارد ؟؟؟ الشغله مبنيه على الثقه شئ اكيد مايتحاج لها باعطيك مثلا بيسط انت حبيت صديقت اختك واخذت رقمها من اختك دون مااتدري ودقيت انا فلان بن فلان الفلان جاركم ابي اخطبك وش رايك البنت ابتسمت وافقت لو انك مانكها قلت المفروض ماترد علي وتقفل بوجهي اجل باخطب وحدهـ ثانيه ؟؟ الشغله ثقه لا غير لو فيه ثقه تمشى ويستمر كل شئ حتى لو تزوجت وشكيت شك بيسط يتفركش كل شئ في نظام عندنا بالسعوديه عجيب على مااضن سمعتوو فيه مااحد يزوج الايام ذي اللي يقرب له للاسباب عديدهـ منها المهر و وش دراني عن اخلاق البنت او الولد ماادام ماا يقرب لي او تقرب لي << والكلام يدل على ماافي ثقه والله المستعان مشكوور اخووي خالد على طرحك الرائع اخـوكـ هـآنـي |
رد: هل تتزوج فتاه كنت على علاقة بها؟ سؤال للنقاش
اقتباس:
أخوي زارع كلامك صحيح ولكن مالنا الا الظاهر مشكور أخوي على مروكر وأبدائ رأيك |
رد: هل تتزوج فتاه كنت على علاقة بها؟ سؤال للنقاش
اقتباس:
والشكرك لكـ أخوي عاشق على مرورك وأبدأ رأيك ولكن ما نقدر نحدد الشباب أكثر أم البنات في أخذ الامور تسليه وأكرر شكري لكـ أخي |
رد: هل تتزوج فتاه كنت على علاقة بها؟ سؤال للنقاش
اقتباس:
فعلا لو ردت عليه وكلمته ماراح يتزوجها مشور أخوي هاني على مرورك ورأيك الصريح |
رد: هل تتزوج فتاه كنت على علاقة بها؟ سؤال للنقاش
( ريــم ) فأكيـــد مافي وحده تحب شخص إلا وتتمنى أنه يكون من نصيبها ,, وفارس أحلامهااا لكن للأسف تنصدم دايما بمنطق وواقع هالشاب اللي يحط أهله وعاداته وتقاليده حاجز في هالموضوع ,, الساالفه ساالفة ثقــه واذا هو يعرفها زيييييين مثل مايعرف نفسه بيتزووجها ليه لا واذا اهله ارفضووو بيقنعهم انا ابي هذي البنت واما سالفة العادات و التقاليد ومو من مواخذينا مااعتقد انه يهمه دامه يحبها ومايفكر الا انه يتزوجها وعيش معها,, ونفس ماقال اخوووي ( عاشق رابح) انه نسبة التسليه عند الشباب اكثثثر من البنااااات ,, ( ضحيه ) ان حتى البنات في كثير منهم للتسليه ويكون الولد هو المظلوم .. مثل بنت البطايق والمصلحه .. << هذا النوع معروف عندكم كلكم على ما اظن .. الولد يحب ويتعلق وهيا كل همها المصالح .. اييه الكل يعرف هذي الانواع من البنات اللي هم بنات المصاالح وذا الولد من ذكاائه يصدقها مااعتقد انه اللي تحب تطلب من اللي تحبه ابي بطايق ابي و ابي و ابي وهو ينفذ طلبااتها مايحس هو لهالدرجه يحبها ومو قادر يحس انه تستغله ويا ( ضح ضح ) محد قاله يعلق قلبه في مثل هالنووع من البنات ( بنات المصاالح ) يتحمل اللي يجييه من ذوول الاشكال>>>انقهر منهم:0028: ترى في ذا الزمن واعترف بكل صرااحه دايم اللي يخوون الشباب لييه انا مااادري والبنات نفس الشي بس الشباب اعلى نسبه ومااقط اللوم كله علييكم لا بالعكس بس هذا واقع قاعديين نعيشه ولازم نعترف فييه,, اخووي (هانـي) في نظام عندنا بالسعوديه عجيب على مااضن سمعتوو فيه مااحد يزوج الايام ذي اللي يقرب له للاسباب عديدهـ منها المهر و وش دراني عن اخلاق البنت او الولد ماادام ماا يقرب لي او تقرب لي يعني الحين هذي البنت اللي من قرايبه بتكون احسن من اللي مو من قراايبه ليه مو العكس ذوول ناس صرااحه ماعندهم ساالفه جد وبالنسبه عن اخلاقها مو شرط اخلاقها تكون زينه لانه من اقاربه هو اصلا مايشووف الا الظاهر واكيد الام و الاهل بيمدحون هذي البنت مراح يذمون بأخلاقها لانهم مالهم الا الظاهر وش يدريهم بالمكنون صح ولا ومالقو لهم سالفه صراحه <******>drawGradient() |
رد: هل تتزوج فتاه كنت على علاقة بها؟ سؤال للنقاش
الحلا كله مو حاله شاذهـ ذي كثيرهـ تصيرر
ونظام القبايل بدون تحيز تطلب مهر فوق المستطاع في بعض القبايل بينهم المهر محدود لذا الانسان يتزوج من اللي يقرب له وكمان اخلاق البنت تزوجك وحده نعرفها لا وحدهـ احنا ماانعرفها وانا اعرف ناس مرت بالشئ والحل ضغط الاهل اخرتها يتزوج باللي قالوو عليه بالتحديد خويي الان راح يخطب ترى الضغط بسبب المهر الا يفحط لين يتزوج ذا قانون وبعدين شغله مصالح ازوجك بنتي اخذ بنتك بطريقه من الطرق وذا الشئ معروف وسلامتكم |
رد: هل تتزوج فتاه كنت على علاقة بها؟ سؤال للنقاش
السلام عليكم
اخواني لا اعرف لماذا حملتم الموضوع اكثر مما يستحق من تعصب بالنسبه للعادات والتقاليد تختلف من منطقه لأخرى بسلوك البنت والشاب على حد سواء فقد تخرج البنت مع من تحب في بعض الاحيان وينفصلا وتعود لتحب اخر ولا تقتصر على انها تكلمت معه هاتفيا والبنت التي عندها كرامه وعزة نفس هي فقط من تعرف كيف تتعامل مع كل من يمر بحياتها وعلى الشاب ان يعرف من يختار وعليه ين يقدر الظروف التي قد مرت بها هذه الفتاة ولكن قلت لكم للعادات والتقاليد والقوانين احكام اخرى لكم حبي |
رد: هل تتزوج فتاه كنت على علاقة بها؟ سؤال للنقاش
قاله يعلق قلبه في مثل هالنووع من البنات ( بنات المصاالح )
يتحمل اللي يجييه من ذوول الاشكال>>>انقهر منهم ترى في ذا الزمن واعترف بكل صرااحه دايم اللي يخوون الشباب لييه انا مااادري والبنات نفس الشي بس الشباب اعلى نسبه ________________________________ أختي الحلا أنتي قلتي ان الشاب خله يتحمل الي يجيه من بنات اليطايق والمصالح أقول لكي نفس الكلام بالنسبه للبنات خليهم يتحملو ا واما بالنسبه أنه غالبا أن الشباب هم من يخون فا أنا أختلف معك لأننا لانستطيع ان نحدد من الاغلب وفي الاخير أشكرك أختي كل الشكر على مرورك الرائع حقا |
رد: هل تتزوج فتاه كنت على علاقة بها؟ سؤال للنقاش
استغفر الله العظيم من كل ذنب
ترى مو شرط ممكن تكون ما تعرف البنت ولا في علاقه بينكم بس في علاقه مع غيرك وانت تزوجت ولا انت عارف انها تحب غيرك ويمكن تطلع معه بعدين اللي تعرفة احسن من اللي ما تعرفة واللي بيشك سواء الرجل او المرأه ..... يكون عندة مرض الشك او يكون هو ناوي يخون اذا ما كان يخون اصلا انا قبل لا اتزوج كنت اعرف زوجتي من 3 سنين قبل الزواج والخطبه هذا يخليني اتمسك بها وافهمها اكثر واكثر ذلك مع الاحترام والثقه الاحترام و الثقه اذا فقدوا من الحياة الزوجية فلن يبقى شيء حتى لو كان ايش !! ملاحظة :- 90% من البنات والشباب يكلمو ولهم علاقات قبل الزواج . وش بتسوي ؟؟؟ انا كلمت زوجتي قبل الزواج وظبطها على ما احب... الدور عليك تاخذ وحدة مظبطه من غيرك ولا تظبط وحدة على كيفك ؟؟؟؟؟ |
رد: هل تتزوج فتاه كنت على علاقة بها؟ سؤال للنقاش
اقتباس:
الموضوع كبيررر جدا جدا بالنسبه لي طبعا لا أعلم عن غيري وفعلا العادات تختلف من بلد لأخر لذلك أنا لا اتكلم الا عن العادات المعروفه عندنا ولا أعلم عن العادات الاخرى شيء ومشكوره أختي على مرورك وأبدأ رأيك بكل صراحه |
رد: هل تتزوج فتاه كنت على علاقة بها؟ سؤال للنقاش
اختي الحلا كله
السلام عليكم البنات والشباب على حد السواء مافي شي اسمه مصالح ................. في شي اسمة احتياجات اذا تلبى لهم نصف الاحتياجات ولا صار الاقتنع بالحب وباللي تقدم لهم هذي الحاله لازم تراجع الدكتور النفسي للعلاج من مرض الحاجات المستعصية بالشرح والامثلة والحلول غير كذلك هي بنت او ولد ما تربوا زين مع الاحترام والتقدير لكل البنات والشباب |
رد: هل تتزوج فتاه كنت على علاقة بها؟ سؤال للنقاش
العلاقة من البداية غلط من الاثنين كيف سمح لنفسة ان يكلمها او سمحت هى لنفسها ان تكلمة فا العلاقة من البداية غلط اذا كان معجب هناك الطرق التقليدية يتقدم من الباب اما يكلمها بساعات وانة بيحبها وهى تحبة كلة كلام مرفوض شرعا ارجعو الى شرع اللة واتقو اللة بلاش كلام فاضى انا بشك فيها وهى بتشك فية وانا مش عارف ايش اسوى ممكن اى واحد يسمح لااختة انو تكلم واحد بتلفون حتا لو بغطاء الحب لنة لة مخرجين اما العلاقة فاشلة من البداية او الشك فيما بعد الزوج لن الشخص بيقول فى نفسة مدام كلمتنى فهى كلمت غيرى واسفاة على حال البنات نادرا ما تلاقى انسانة صادقة فى مشاعرها او انها تحافظ على سمعتك وشرفك فا المحب الولهان مدام خانت ثقة اهله فهى ومن دون شك سوف تخونك واعذرونى من شباب وبنات بس انا صريح ودمى حامى لنة ولا واحد تكلم بصراحة بس التفاف من وراء الموضوع. وليس نقاش صريح ( للغلطان انت غلطان صراحة ) واســـــــــــــــــــــــــــــــــــــــــــــــ ــــــــــــــف
شباب النورس الجريح |
رد: هل تتزوج فتاه كنت على علاقة بها؟ سؤال للنقاش
السلام عليكم ورحمه الله وبركاته
بارك الله فيك اخى على طرحك للموضوع عن جد حساس جدا ولكن انا بوجهة نظرى ما دان انت حاببها عن جد مما لقيت على البنت شئ يتعيب ليش ما تتزوجها انا بالنسبه لى اذا حبيت بنت واردت ان اتزوجها حبيتها عن طريق الجوال ففى اشاء اخرى اولا تضمن بان لا تكلم شباب غيرك ويعطيك العافيه |
رد: هل تتزوج فتاه كنت على علاقة بها؟ سؤال للنقاش
هل تتزوج فتاة كنت على علاقة بها ؟
<< هذا شي راجع لعقلية الشاب نفسه وشخصيته .. وحسب تفكيره وثقته في الناس ..وطريقة بناء علاقته مع البنت .. هل هي بناء على التسليه أو الجديه .. مشكور أخوي على الموضوع .. لاهنت |
رد: هل تتزوج فتاه كنت على علاقة بها؟ سؤال للنقاش
مشكور أخي على طرحك هذا الموضوع
لكن هناك سؤال لشباب والبنات وهو إجابه على الموضوع س/ هل يرضى منكم أحد أن تتزوج أخته أو يتزوج أخيها عن طريق العلاقه الهاتفيه ؟ ودمتم سالمين |
رد: هل تتزوج فتاه كنت على علاقة بها؟ سؤال للنقاش
اخواني السلام عليكم ورحمة الله وبركاته بداية احب اشكرك اخوي خالد على طرحك هذا الموضوع المهم بالنسبه للشباب وللبنات هل تقبل ايها الشاب ان تتزوج من تلك الفتاه التي اقمت معها علاقه سابقه؟ وبرأيك ايتها الفتاه هل توافقي على الزواج من ذلك الشخص ؟ هل ينجح هذا الزواج ...؟ ام ان الشك يسيطر على الطرفين؟ انا اقول ا كيد راح يسيطرعليهم الشك لانهم يتذكرون الماضي ـــــــــــــــــــــــــــــــــــــــ احب اقول رائي بالموضوع وكل الي كنت ناويه اقوله سبقوني الاخوان ومثل مايقولون ماضي عن ماضي يفرق ان بعض الشباب والبنات الله يهديهم انا قلت بعض, تكون علاقتهم مجرد تسليه وليست لغرض الزواج فهذه هي المشكله بطبيعه الفتاة عندما تحب تخلص في حبها اذا حبت بصدق تكون مستعده تضحي بكل شي علشان حبيبها ومستعده تتزوج فارس احلامها ولما تكون تحبه بصدق رح توافق على الزواج منه اذا هي متاكده من حبه لها وانه مو مجرد لعب او تسليه سمعة البنت كالزجاج اذا انكسر يصعب اصلاحه وحياتها وكرامتها ليست ملكها , خصوصا بالمجتمعات العربية .. للفتاة حقوقها وكرامتها وانسانيتها.. فتعلمت وتفهمت ما لها وما عليها الا انها في بعض الاحيان تنساق وراء كلمات معسولة من شخص بدافع الحب وهي لاتدري بمكره لها فاذا تاكده من صدق مشاعره فما المانع من الزواج منه بعكس الرجل يمكن يكون يحب ولكن لايريد الارتباط بوحده سبق وان تعرف عليها وهذي هي المشكله ؟؟ ماذنب البنت؟؟؟؟ قد يدخل الشك قلبه ويقول مثل ما عرفتني اكيد تعرف غيري ......هذا هو المتعارف الان عند الشباب هدهم الله. او قد يرفض اهله ولكن لو هو يحبها حب حقيقي رح يتحدي العالم كله علشانها اما من ناحيه نجاح الزواج انا اعتقد ان الزاج اذا مبني على الحب والاخلاص والصدق والثقه وهي اهم نقطه بين الطرفين فان الزواج سوف ينجح ويستمر ومثل ما قالت اختي ريم كثير من الزواجات عن طريق الحب الان مستمره لان كل الطرفين يثقون ببعض واذا بينهم حب صادق وليس حب تسليه ومصالح وثقه من كل الطرفين رح يستمر الزواج وينجح باذن الله. واسفه على الطاله ..... وشاكره لكم مره اخرى طرح مواضيع تهم المجتمع ككل تقبلوا تحياتي |
رد: هل تتزوج فتاه كنت على علاقة بها؟ سؤال للنقاش
تراي بتزوجها الله يستر عليها اللي كلمتني بتكلم غيري
|
رد: هل تتزوج فتاه كنت على علاقة بها؟ سؤال للنقاش
ترى مو شرط ممكن تكون ما تعرف البنت ولا في علاقه بينكم بس في علاقه مع غيرك وانت تزوجت ولا انت عارف انها تحب غيرك ويمكن تطلع معه
_____________ ققت أخوي ولكن أحنا مالنا الا الظاهر مشكور أخوي axa1 على مرورك وأبدأ رايك |
رد: هل تتزوج فتاه كنت على علاقة بها؟ سؤال للنقاش
النورس
مشكور أخوي ويعطيك الف عافيه على رأيك الصريح جدا |
رد: هل تتزوج فتاه كنت على علاقة بها؟ سؤال للنقاش
أتعبيني
مشكور أختي على مرورك وأبدأ رأيك |
| الساعة الآن 05:04 PM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظه لمنتديات لمني بشوق