منتديات لمني بشوق - قصيده ترجع الزعلان لخله وهو يبكي

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

- - قصيده ترجع الزعلان لخله وهو يبكي (https://vb.lmni-bshog.com/showthread.php?t=14058)

قصيده ترجع الزعلان لخله وهو يبكي

قصيدهـ ترجـّع الزعلان لخلهـ وهو يبكي..!!!!

رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو مـا يدري الدمعة تسيــل ولاتسليني..

دمع.هالوجه..أو كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين
ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين
.. وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين.
وقبل تسأل عن أسبابه بجاوب ((وإنت واسيني))..

لأنه مــ ــ ــ ـات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]]..

الواحد بهالدنيا مايدري متى يومه وهل راح يتواجه مع أحبابه؟
وإذا فارق الدنيا هل بيكون زعلان منهم...ولا مشتاق لشوفتهم..؟؟!!
الله يديم أحبابنا لنا ... ولا يحرررمنا شوووفتهم ...
للأمانه منقول