|
!! شكلك غلط !!
موضوع أعجبني فنقلته لكم
!! شكلك غلط !! وأنتي لابسه عباه مفتوحة والكشخه تحت العباه تبرق من بعيد !! شكلك غلط !! وأنتي تسولفين في التلفون وتضحكين والرايح والجاي يسمع سوالفك !! شكلك غلط !! وأنتي مشغله المسجل في السيارة وحاطه أغاني بإيقاع ومطوله عليهم والسيارات حواليك يسمعون الطقطقة والدق !! شكلك غلط !! يالسه في المحاضرة وتعلكي البان !! شكلك غلط !! يالسه في درس ديني وماسكه التلفون وشغالة مسحات !! شكلك غلط !! وإنتي حاطه صورة مغني في بوكك ( محفظتك) !! شكلك غلط !! وأنتي داشه في بلعوم اللي يبيع وتكسرينه غصب ينزل السعر وصوتك يلعلع وتوصلين لمرحلة المظاربه والسب مع الهندي ماشية على قاعدة كم آخر آخر كم !! شكلك غلط !! لما تشوفين وحده تعرفينها .. وتصدين مالك خلق تسلمين !! شكلك غلط !! وأنتي يالسه في البيت وتزقرين الخدامه جاندرااااااااااااااا ييبي لي ماي !! شكلك غلط !! يالسه بممر الجامعه وتقشرين حب واتفلين القشور !! شكلك غلط !! تمشين وعباتك تسحب وراج !! شكلك غلط !! تردين على أي واحد يغازلك ويقط عليك كلام بالسوق !! شكلك غلط !! تمشين وصوت الكعب يعووور الراس !! شكلك غلط !! تطولين لسانك على أهلك واللي أكبر منك على سبب تافه __________________ |
رد: !! شكلك غلط !!
مشكوره على الطرح الراقي لكن مسألة العلكه
!! شكلك غلط !! يالسه في المحاضرة وتعلكي البان *** انا وحده احب العلكه واكلها ع طوول وبعدين يجيك دكتور يهذر له 3 ساعات وانتي ساكته والمشرفه تمنع حتى الهمس لازم تاخذين علك يبعد النوم والملل هذا اذا ماكلت بعد بصراحه ملل مو طبيعي لكن اذا كانت المحاضره حماس ونشاط هنا انا اؤيد وبس *** !! شكلك غلط !! تطولين لسانك على أهلك واللي أكبر منك على سبب تافههذي اكبر غلط لكن انا اعرف ناس يصير معهم كذا ويجلسون يصارخون نتيجة ضغوط فيهم هم واكي ينعكس ع الاخرين حتى انهم يتندمون بعد كذا والله المستعان *** شكرا مره ثانيه ع الطرح الجميل :) |
| الساعة الآن 09:21 AM. |
Powered by vBulletin® Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظه لمنتديات لمني بشوق