منتديات لمني بشوق - لـــيـــه أحـــــبـــــك0 ؟

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

- - لـــيـــه أحـــــبـــــك0 ؟ (https://vb.lmni-bshog.com/showthread.php?t=13957)

لـــيـــه أحـــــبـــــك0 ؟

لـــيـــه أحـــــبـــــك0 ؟

تسأليني ليه أحبك ؟ واسألك نفس السؤال
ليه أحبك ؟ جاوبيني يمكن انتي تعرفين

ليه أنا قلبي تعلق فيك .. يا بنت الحلال
ليه وش معنى عشقتك دون كل هالعالمين

هل لأني شفت فيك الحسن كله والدلال
أو لأني شفت فيك الثقل والطبع الرزين

أو لأنك في عيوني صرتي آية من الجمال
أو لأنك استطعتي للمشاعر تملكين

أو لأن الحظ جابك لي بعد ما قفى وحال
أو لأن الله كتب لي اعشقك واحيا السنين

علميني ليه أحبك ؟ ليه قلبي معك مال ؟
ليه دمعاتي تناثر كل ما انتي تبعدين ؟

ليه دايم في خيالي صورتك في كل حال ؟
في فرحة .. والا بتعاسة .. في شقى والا بحنين

شاغلة فكري وبالي كل لحظة وكل حين
ليه كل ماقلت ابنسى صاحت جروحي محال ؟

كيف تنسى طب جرحك .. كيف أيامك تزين
آآآآآآآآآآه ياكم سؤال حاير وسط الخيال

وآآآآه .. ياريت الجواب اللي يريحني سنين
اسأل اسوار المدينة عنك وانقاض الجبال ؟؟

اسأل رمال الصحاري واسأل الليل الحزين ؟؟
واسأل دموعي الغريقة ليه دمعي عنك سال ؟؟

ليه قلبي فيك هايم .. وش هو السر الثمين
ليه .. مادري .. بس عشقتك .. عشق لحد الهبال

وصرت ماشوف بعيوني .. غير زينك أي زين
وتسأليني .. ليه أحبك وليه ميت على الوصال

ليه .. مادري .. صدقيني نفسي ماعندي يقين
ودي اعرف ياعيوني وش اجابه هالسؤال

ليه أحبـــــك ؟؟ جاوبيني يمكن انتي تعرفين ..

عــطــر الـــشــوق