منتديات لمني بشوق - ثمن كلامك ياعسى الله يهديك

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

- - ثمن كلامك ياعسى الله يهديك (https://vb.lmni-bshog.com/showthread.php?t=12844)

ثمن كلامك ياعسى الله يهديك

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
واغلى من اخوانه بقلبه يعـــــدك

وياصاحبي هالحين بانت خوافيك
علقتني مابين مزحـك وجـدك

وش جاك مني ياعشيري وانا اخوك
قبل امس انا صاحبك واليوم ندّك

لاضاق صدري من عنا الوقت انا اجيك
واشوف دمعات الغلا فوق خدك

والحين تظلمني وانا منك وفيك
بكل احترام اقول ياخوي حدك

ثمن كلامك ياعسى الله يهديك
لاصار ماي الوجه يعجز يردك

ثوب الردى ياصاحبي مايقديك
الثوب ماهوب لك ولا القد قدك

وانا خلاص اليوم والله مابيك
النفس طابت سو ماهو بودك

الطعنه اللي من ورى الظهر تنهيك
وشلون لاجاتك من اللي يودك

لاواهني يوم انا اموت بييديك
ذابح وتبكي من ذبحته بيدك

رد: ثمن كلامك ياعسى الله يهديك

الطعنه اللي من ورى الظهر تنهيك
وشلون لاجاتك من اللي يودك

خيااااااااااااااااااال

تسلم يداك

رد: ثمن كلامك ياعسى الله يهديك

صح السسسسانك

روعه في جمال المعاني

رد: ثمن كلامك ياعسى الله يهديك

تسلم ايدك ياغالي
روووووووعهـ

لاهنت على روعة الطرح

رد: ثمن كلامك ياعسى الله يهديك

اخر محطات عمـــر شنـــوب منورين بطلتكم تحياتيـ