منتديات لمني بشوق - آهـ يآقلب الـ ع ــنــآ

اليوم ياقلب العنا كيف اعزيك

كيف الحزن يقدر يواسي التعاسه

ياقلب هونها عسى الله يخليك

ونسى هوى الي جرعك مر كاسه

ياقلب لاتحزن على اللـي مجافيك

زرعت له ودك وهذي غراسه

اصبر عساها تنفرج في لياليك

وخذ العبر من درب صعب مراسه

اما تود اللي يودك ويغليك

ولا اعتزل درب الهوى من اساسه

ماكل من يعجبك زوله يصافيك

وخذ من تجاربك المريره فراسه

ياقلب قلي وين صدقك يوديك

في كل نشوة حب تلقى انتكاسه

يعاهدك بالامس محد يوازيك

واليوم ودك حدر الاقدام داسه

ماكنت افكر انظم اشعر ورثيك

لكن حالك صعب يوصف احساسه

تعاستك حزني وصعب اواسيك

كيف الحزن يقدر يواسي التعاسه

وتقبلوآ خآلص تحيآتي