منتديات لمني بشوق - لك المنة ..!

تظنين قدرك في قصيدة،عشر،عشرين
،،،،،،،،،،،،،،،،،،،،،، تظنين يرضيني تكونين أقل منّه ؟!

ورب العيون المهلكتني سنين..سنين
،،،،،،،،،،،،،،،،،،،، وأنا بين أموت أشوفها وبين ماجنه

أنا لو جمعت الشعر من يوم آدم طين
،،،،،،،،،،،،،،،،،،،حسب ما تكون أصوله ومستوى فنّه

من الجاهلية.. واجمع المربد بحرفين
،،،،،،،،،،،،،،،،،،،وأمر بعكاظ.. وكل ما فاض حد إنه :

يمررني الموشح/ الأندلس ..والتين
،،،،،،،،،،،،،،،،،،،،تدلي بغرناطة شعر غير ..ما كنه :

سوى ما أحس انه سكن روحي بسكين
،،،،،،،،،،،،،،،،وأنا الساحر العابث بشعره على ظنه

فلا كان عندي غير "عابر" ولو تدرين
،،،،،،،،،،،،،،،بمعنى عبر.. يعني انتي الخلد والجنه

أعيشك عطيتيني عمر، لا حشى عمرين
،،،،،،،،،،،،،،، الأول .. أنا ..والثاني انتي عمر عنّه !

هلا بك كثر ما قالت أحلامنا: بعدين
،،،،،،،،،،،،،،،،،،، كثر ما ضحكتي لي وجرّيتي الونّه

عسى الشعر يفدا عين وشاعِرْه يفدا عين
،،،،،،،،،،،،،،،،،،، كثر ما تقولين بدفـــا : ليت يفدنّه

تظنين قدرك عندي.. أرضى يكون الحين
،،،،،،،،،،،،،،، أقل .. وأقول الشعر.. يا هيله وبنّه ؟!

قصيدي يعيّد بك عمر ماهو بعيدين
،،،،،،،،،،،،، أقوده ضحيّه وان قبلتي : لك المنّه..!

لِـ الشِّعر / الإبداع : فهـد دوحـانْ