منتديات لمني بشوق

[لايمكن مشاهده الصور والروابط الا بعد التسجيل ]

خيانه. . . وانتهت آخر سوالف عشقي المجنون
سوالف عشق. . .ياما الناس قالتها وعادتها

حكــوا عني وحكــوا عنه
وعن حب ملا هالكون
صــاروا يحلفون بحبنا. . .وصدقي. . .وطيبته

وكم وحده تمنت لو خدت من لون حبي لــون
وكــم وحــده تمنت لــو تشابهنا حكايتهـــــا

انا وياه كنا حلم. . .بالمعنى وبالمضمون
لكل اثنين. . .قصة حبهم تعلن بدايتها

وفي ليله صرخ فيها الوفا من ظهره المطعون
بدايتها جروحي. . .والوفا مات بنهايته

في ذيك الليله . . .كان اهون على احيا بدون عيون
ولا اشوف اللي شفته من حبيب قلبي ساعتها

بعيني شفته وياها. . .تضحك له. . .وهو مفتون
سعادته في قربها. . .تشبه فقربي سعادته

وهي طايره من الفرحه. . .ولا تدري بأنه يخون
ويمكن تدري وساكته . . .ولا تهمها حقيقته

•
بعيني شفته. . .ماهو حكي واشي وخيال ظنون
بعيني. . .ليت عيني عمرها مايوم حبته

وقفت ولسان حالي يقول ليه؟ ومن متى؟ وشلون؟
عساي القى سبب واحد يبرر لي خيانته

وادور للجريمه ثغره بــكل مــذهب وقانــون
ولكني عجـــزت القى عذر يغفر جريمته

قبل هالليله. . .كنت اسمع كثير من البشر يشكون
من سيوف الغدر. . .واضحك وانا أتباهى فبراءته

انا ما كان عندي شك ولو واحد من المليون
في صدق اللي يقوله عن غلاي وعن محبته

خيانته عطت حجه لكل اللي يبي يخونون
ومن هالليله. . .كل خاين بيتعذر بقصته

مادام اوفى البشر خان. . .حرام الباقي ينلامون
وكلمات الوفا لا عاد احد يطري لي سيرته

خيانه. . .وانتهت آخر قصايد عشقي المجنون
وضاع الحلم. . .في ليله. . .الوفا مات بنهايته