منتديات لمني بشوق - هي غلطتي والا الزمن دوم غـــــــــــلطان !!!

منتديات لمني بشوق (https://vb.lmni-bshog.com/index.php)

- (✿) وَزْن وَقَافِيْه (https://vb.lmni-bshog.com/forumdisplay.php?f=37)

هي غلطتي والا الزمن دوم غـــــــــــلطان !!!

هي غلطتي والا الزمن دوم غـــــــــــلطان
منك العتب ؟ وإلا العتب من زمــــــــاني

أحيان أحــــــــس الحزن ل أجلي وأحيان
أقول هذا الحزن ماهو عشــــــــــــــــاني

ياليتهــــــــــــــــا غربه وادوّر لي أوطان
ياليتها دمعه وتنســــــــــــــــــى زماني

ياليتها كلمه وادوّر لي إنســــــــــــــــان
ياليتها ســــــــــــــــــاعه واعدّ الثواني

كل العمر وأنا مع الهم خـــــــــــــــلان
لاضــــــــــــــاق صدره زارني وابتلاني

أكذب عليك إن قلت عـــايش وفرحان
واكذب عليك ان قلت مـــوتي كفاني

من ياخذ همومي ويعطيني إنســـــــــان
مـــــــــاجاه مثل اللي من الحزن جاني

المشــــــــــــــــكله ماهي بغلطه وندمان
المشـــــــــــــــكله ليه الوفاء دوم فاني

صوره وملّتها من الشـــــــيل جدران
ورده وذبلت ومن قطفني رمــــــاني

كل آدمي يفرح وتنســـــــــــــاه الأحزان
الا .. انا .. عمر الحزن مانســــــــــاني

ماعـــــــــــــــاد باقي بالعمر كثر ماكان
والصــــــــــــمت يقتل فرحتي والأماني

هات الحزن مادامهــــــــــا احزان ب أحزان
هــــــــــات الحزن دام الفرح مـــــــالقاني

ياليل وين الصــــــــــــــبح كل يوم سهران
أســـــــــــــهر وحزني يحتوي كل مكاني

يابلاد عمري مابقا فيك ســـــــــــــكان
ويادمع عيني من بقا مــــــــــابكاني

وياقســـــــــــــــوة الأيام حنّي ب (انسان )
لو راح ماتلقين ( انســــــــــــــــان) ثاني