[غدير المشاعر...]

كيف ابشرح احاسيسي ***

سهرت الليل متضايق حزين وخاطري
مكسور ..
اهل الدمع من عيني وفكري ضايع
ومحتار ..
هواجيسي تهد الحيل وهمي صار موج
و بحور ..

تشرقني انا فكرة تغربني كثير
افكار ..
اجر الاه من قلبي وحزني داخلي
مغمور ..

احس بدمعتي جمره واحس بداخلي
في نار ..
الا يا طول هاليله يمر الليل كنه
شهور ..

واحس الليله مصره تقصر عمري المسرات ..
تساوى الليل بعيوني مع الفجر ومعاه
النور ..

تخيل كيف صار الليل يشابه طلة
الانوار ..
تخيل كيف صار الشوك يشابه سلة
الازهار ..

تخيل كيف انا بشرح احاسيسي بقلم
وسطور ..
ولو ان السطور قصار ترى كل المعاني
كبار ..

حزن والام بشخص للفرح
مجبور ..
يجامل ناسه ببسمة ويبكي داخله
احبار ..
احس العالم تلخبط حس بظلم واحس
بجور ..
وصار العالم بكبره على قلبي غريب
اطوار ..

واحس الناس اتفقوا على قهري وانا
مقهور ..
ولا احد واقف جنبي اصارع لعبة
الادوار ..

ولاني مخير مجبر غصب عني انا
بهالدور ..
ولاني فاهم المقصد ولاني عارف
الاسرار ..

واحس اني وانا حر وطليق معتق
مأسور ..
واحس اني وانا مبصر واشوف فاقد
الابصار ..

واحس اني باحاسيسي غشيم في هالزمن
مغدور ..

ولا ادري بان اليوم قالوا هالزمن
غدار ..

وكاني صرت مثل اللي على نفسه يلف
ويدور ..
ويسأل كل من حوله عسى ما شر وش اللي
صار ...

المصدر: منتديات لمني بشوق - من قسم: (✿) تَرَاتِيْل الْرُّوْح