مـــســـيـــار جـــرح

Cant See Links .

اهلاً يا جرح دقيت بابي
تفضل ومامن غريبين يمي

هذي تناهيدي وهذا عذابي
والشايب الي مرتكي ذاك همي

عفواً نسيت اعرفك في جنابي
انا الحزين ولد همي وغمي

اجلس على قلب من ايام طابي
وخذ راحتك والبيت بيتك ياعمي

تفضل إقدع من ثمار اكئابي
وسم وتقهوا من فناجيل دمي

واشرب من دموعي بكاس اغترابي
وسولف على كيفك ليا طاب ذّمي

وإقطف من ايامي وزهرة شبابي
في كفك اللي لا ذبح ما يسمي

أنا رويت بجيتك من سرابي
والاّ الزلال إليا شربته يضمّي

لا كيف ولا كم بدد صوابي
لا يشغلك يا جرح كيفي وكمي

ذا عقدي الثاني بدا وانتهابي
وإذا انفرط عقد العمر ما يلمّي



وسلامتكم

المصدر: منتديات لمني بشوق - من قسم: (✿) وَزْن وَقَافِيْه