[هاوي النسيان...]

لا راح من تغليه وأنكر جمايلـك = قلي وش تسوي لاقفى وخلاك ؟

الموت لا أنكر من توده جمايلـك
نسى تعب قلبك وأقفـى وخـلاك
ياصاحبي البيـت الأول فعايلـك
لاصرت رايح حاول تصون مبداك
اقابلك بالطيب وأنسـى عمايلـك
ماهو غباء لكن أدور على رضاك
دامك تبيع اللى من الناس شايلك
مالك رفيق وباكر الناس تنسـاك
أرحل مع النسيان وأنثر همايلـك
النفس طابت مابي غير فرقـاك
ماخلت براقك ولا أنـي بخايلـك
أموت ضامي لو شفاتي على ماك
علمتني متى الوفا مـن وفايلـك
درس وحفظته في ملفات دنيـاك
سؤال رتب فيه جملـة مسايلـك
خله في بالك طول الايام ويـاك
لا راح من تغليه وأنكر جمايلـك
قلي وش تسوي لاقفى وخلاك ؟

المصدر: منتديات لمني بشوق - من قسم: (✿) وَزْن وَقَافِيْه