[طعم الحب...]

قصيدة يهتزّ لها الوجدان (واحسرتي للي تولونه الناس)

[CENTEقصيدة عن وضع اجتماعي يهتز لها الوجدان عسى الله يكون في عون اهلها وحسبنا الله ونعم الوكيل ان لله وانا اليه راجعون قال صلى الله عليه وسلم (( كلكم راع وكلكم مسؤل عن رعيته )) هذي القصيدة وقعت بين يدي وهي صورة من قصيدة منشورة في مجلة الغدير لشاعره لم تفصح عن اسمها ربما بسبب وضعها وما حلّ بها من حوائج دهرٍ ونوائب زمنٍ يندى له الجبين نسئل الله لهم العون والمعونة واكتفت الشاعرة ان تكتب تحت أبياتها اسم يعبّر عن جغرافيتها المكانية وهي " بــنــت نــجـــد " اترككم مع الابيات:




يابوي بدلّت أمنا بأبعـد النـاس
تركتها بعـد السنيـن الطوالـي
بعد أمّنا العيشة ترى مالها قياس
يعل عيشة(ن) دونهـا للزوالـي
بعت أمنا عقب السعادة والأوناس
حملتنـا يابـوي حمـل الجبالـي
يابوي قاسينا المرارة والأتعـاس
وتركتنا بالشمـس دون الظلالـي
البيت بعدها مالنا فيـه مجـلاس
وراح العمر بينك وبين الخوالـي
وطعامنا ومشروبنا صار بقيـاس
ومن عقب عز النفس صرنا ذلالي
وملبوسنا جردن يجينا من الناس
اللي قصير الردن واللي طوالـي
واليا طلبنا زوجتك غسلها لبـاس
صاح بأعلى الصوت منتم عيالـي
يابوي تعطي أولادها دون مقياس
وحنا عطيتنا ثوب جـرد وبالـي
كرامة عيالك عليهـا القـدم داس
وعاشوا عقب ذيك المعزة ذلالـي
واحسرتي للـي تولونـه النـاس
أمه وأبـوه بكـل بيـت لحالـي
انصف لنا يابوي عن عازة الناس
وارحم وخاف الله عزيز الجلالـي



وســـــــــــــــــلامتكم
منقولR]

[/CENTER]

المصدر: منتديات لمني بشوق - من قسم: (✿) يُحْكَى أَن ..