يا صغير السن
قدرك طاحت أبراجه ,, الجرح خلى الصخر ينطق ونطقني
خلاص مـا عاد تعني لي ولا حاجه ,, رح جعـل ربي يوفقك ويوفقني
من بعد ما كنت نور العمر وسراجه ,, اليوم صرت الظلام اللـي يطوقنـي
عطيتك أكثر من اللي كنت تحتاجه ,, أسرفت فـالحب لين الحب وهقني
خلاص مالي ومال الحب وإزعاجه ,, مالي ومال الدروب اللي تضايقنـي
تعبت أضم البحر وأهدي أمواجه,,تـعبت أجامل وأشوف الوقت يسرقني
شكواي لـ اللي عليه الضيق وإفراجه ,, اللي إذا شاء يرحمني ويرزقني
أما أنت يا أبو جبين عقد حجاجه ,, لا عاد تسأل "علامك ما أنت طايقني"
الناس كلا على دربه ومنهاجه ,, وأنا عن الناس ما بـه شـي يفرقنـي
ألا أني دايم أحب الصدق وأواجه ,, مخلوق والله على هالوضع خالقني
حتى رفيقي ضماد القلب وعلاجه ,, على كثر ما أتمسك فيـه صدقنـي
لو أدري أنه مرافقني على حاجة,, لــأمسّكه"حاجته..وأقول"فارقني"