السلام عليكم ورحمة الله وبركاته
فضلت اعلان عودتي للمنتدى عن طريق منتدى القصائد
ماشي على المثل خالف تعرف>>>>>>
وعودتي راح تكون بقصيدة للشاعر محمد بن فطيس
لعلها تحوز على رضاكم
اتصدق انـي عارفـك قبـل لا القـاك
يعني لـو اشوفـك بشـارع عرفتـك
واتصـدق ان كنـي معـك واتحـلاك
وان كان منت بمقتنـع بـي وصفتـك
اراهن ان مـن ناظـرك مـا تعـداك
واراهن انـه صعـب جذبـك ولفتـك
واراهـن ان كنـك مخـدّر بممشـاك
واراهن ان لك عين حـورى وتفتـك
واراهنـك ..واراهنـك ..واتـحّـداك
اني مـن كفـوف الوسـاده خطفتـك
الله عطانـي منـك يازيـن واعطـاك
مـن دون لا اشوفـك بعينـي ولفتـك
في ذا.. او.. هنيا.. اواهنا.. او.. هناك
ماهو مهم ...بـس المهـم اكتشفتـك
ولا عاد منهـم خـوف ذولا ..وذولاك
انـا مـن العالـم كـأنـي صرفـتـك
ادري بعقلـك ويــن جـابـك وودّاك
مالـك عليـه ديـن والله ماشفـتـك
ولاني بساحـر يـوم اعـدد مزايـاك
لكن نهـر الشـوق فـاض وجرفتـك
باحساس اضنّه قاصـرٍ مـن حلايـاك
شفتـك بقلبـي وبقصيـدي حذفـتـك
لكـن تعـال وكـل مـاراح يـفـداك
وحقك علـي ان كانـي مـا عرفتـك