[ـميرنـدآ]

لميس في الفيصليه بالريااااااااااض

السلام عليكم ورحمة الله وبركاته

يسعد مساكم .. وصباحكم بالخير ..
كثره النقاشات بالقسم .. عن المسلسلات التركيه ...
وكثير ينفعلو فيها .. وكثير من هم ضدها .. وبقوه ..
اليوم وانا افر في المواقع .. شفت موضوع واستغربت ..
قلت لهالدرجه .. !! ليه ياشبابنا ..
اخلي باقي الكلام منقول من صاحب الموضوع والموقف ..





اقتباس:



كنت طالع الفيصلية أمس وأنا طالع عالدرج قالت لي أختي : لف وراك شف ذالمتخلفين وش مسويين

حاولت ما أبين إني أطالع ولفيت وجهي وشفت شابين سعوديين في عمر الزهور ( أمحق زهور )

واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ

طبعا ما دريتوا ليه الفخر والشموخ ؟ أنا أقولكم

كانوا المماليح طابعين صورة لميس حقت سنوات الضياع (الممثلة التركية ) على صدورهم

ورازين خششهم في كل مكان مبسوطين على لفت الإنتباه والتعليقات والهمهمة والتهزيئات اللي

تجيهم من هذا وذاك وين ما راحوا ( على بالهم مسوين حركة ) لا ويقول واحد منهم تعال نروح

لصالة المطاعم ماشافونا هناك ؟؟؟؟؟ الحمد لله والشكر يا مثبت العقول بس !

يعني صح لميس حلوة وكذا بس من هي لميس ووش سوت عشان تنرز صورتها بهالطريقة على

صدور رجال مشوربين وكل واحد كبر الجدار.. تصدقون ما ذكرت إلا المثل اللي يقول

( أجسام البغال وعقول العصافير ) مع احترامي للبغال !

صح ان الشباب عليهم طلعات بس منظرهم سخييف وتافه

لهالدرجة وصل فينا الإنحطاط الفكري ولا عاد يشغلنا غير لميس ومهند وربعهم !!!





وهذه هي صور التي شيرت اللي لبسوه الشباب ..


[لايمكن مشاهده الصور والروابط الا بعد التسجيل ]

الله يعافيهم ولا يبلانا

[لايمكن مشاهده الصور والروابط الا بعد التسجيل ]

آآآآمــــــــــــــــــيــــــــــــــــــــــن



ابغى اراكم في الموضوووووووع
انا راي

هذا يسمى انحطاط فكري
اصلاً منظرهم طالع سخيييييييييف وتافه جداً..

المصدر: منتديات لمني بشوق - من قسم: (✿) سِيْرِهـُ وآنْفُتَحت