يمكن تسائل تقول ليه انـــــــــــا رديت
عقب مـــــا قلت برحل ارجوك انساني
درب الهجر يــــــــــــاخل والله ما قويت
حاولت أصبـَّر النفس وشوقي احتواني
أدري إني متقلبة لــــــــــــــو ما رضيت
وتدري إني أمـــــــــــوت بوصل خلاني
جيتك انـــــا بحلم وعلى الطريق مريت
يمكن الحظ الردي بــــــــــدربك رماني
يــــا كثر مــــا قلت يـــــا ليت ويــا ليت
وأكبرها يا خلي ليت قلبك ما شراني
أنا اللي سكنت روحك غصب وتمنيت
أموت بـــــداخلك وردة وتحفظ مكاني
تخنقني العبرة وودي لـــــــــــو بكيت
ما تشوف الدمع اللي جرحني وكواني
وودي لا مـــــت يــــــــا خلي وانتهيت
تذكر عـــلى الدوم الطيب في زماني
لا أنـــــا مــــا ارحل لأني أنــــــا مليت
لا والذي خلقني وصـــورني وسواني
أنا برحل لأني يـــــا الغضي أشقيت
دنيتك وخليتك مـــــن افعالي تعاني
أيه أنا اليوم صحيح إني لــــــك رديت
لكن تمنيت بصدق انك تروح وتنساني